മലരിക്കലില്‍ പുറംബണ്ടിന് ഇനി കയര്‍ ഭൂവസ്ത്ര സംരക്ഷണവും
1463653
Thursday, October 24, 2024 7:18 AM IST
തിരുവാര്‍പ്പ്: ആമ്പല്‍ വസന്തം കാെണ്ട് വിനോദസഞ്ചാരികളുടെ മനം കവര്‍ന്ന മലരിക്കലില്‍ പുറംബണ്ടിന് സംരക്ഷണമേകാന്‍ കയര്‍ഭൂവസ്ത്രം അണിയിക്കുന്നു.
വെള്ളപ്പാെക്ക ഭീഷണിയില്‍നിന്നു പാടത്തെ രക്ഷിക്കാന്‍ കായല്‍ക്കട്ട ഉപയോഗിച്ച് കര്‍ഷകര്‍ നിര്‍മിക്കുന്ന പുറംബണ്ട് ദീര്‍ഘകാലം നിലനിൽക്കാനാണ് പഞ്ചായത്ത് ദേശീയ ഗ്രാമീണ താെഴിലുറപ്പു പദ്ധതിയില്‍ ഉള്‍പ്പെടുത്തി ബണ്ടിന് കയര്‍ ഭൂവസ്ത്ര കവചം നിര്‍മിക്കുന്നത്.
ഇതിനാവശ്യമായ കയര്‍ ഭൂവസ്ത്രം പഞ്ചായത്തില്‍നിന്ന് എത്തിച്ചു നല്‍കും. താെഴിലുറപ്പ് താെഴിലാളികളാണ് ഭൂവസ്ത്രം അണിയിക്കുന്നത്. നാലര ലക്ഷം രൂപയുടെ പദ്ധതിയാണ് കൃഷി സംരക്ഷണത്തിനും ആമ്പല്‍ ടൂറിസത്തിന്‍റെ ഭാവിവികസനത്തിനുമായി മലരിക്കലില്‍ നടത്തുന്നത്.