ശബരി എയര്പോര്ട്ട്: സര്വേ ഒന്നാം ഘട്ടം പൂര്ത്തിയായി
1463824
Friday, October 25, 2024 5:33 AM IST
കോട്ടയം: ശബരി വിമാനത്താവളം നിര്മാണത്തിനു മുന്നോടിയായുള്ള സാമൂഹികാഘാത പഠനത്തിന്റെ കരട് റിപ്പോര്ട്ട് അടുത്തയാഴ്ച ജില്ലാ കളക്ടര്ക്ക് കൈമാറും. സ്ഥലം ഏറ്റെടുക്കുന്ന എസ്റ്റേറ്റിലെ 875 തൊഴിലാളികളെയും പ്രദേശവാസികളെയും ടീം സന്ദര്ശിച്ച് അഭിപ്രായങ്ങള് ആരാഞ്ഞു.
കരട് റിപ്പോര്ട്ടിനു പിന്നാലെ പത്രപരസ്യം നല്കി 15 ദിവസത്തിനുശേഷം സോഷ്യല് ഹിയറിംഗ് നടത്തും. ദേശവാസികളുടെ യോഗം വിളിച്ച് അവരുടെ പൊതുവായ അഭിപ്രായങ്ങളും ആശങ്കകളും ആരായും. ഇതിനുശേഷം നവംബര് അവസാന വാരം അന്തിമ റിപ്പോര്ട്ട് സമര്പ്പിക്കും.