ഷെ​ൽ​മോ​ൻ പൈ​നാ​ട​ത്ത്

പെ​രു​മ്പ​ട​വ് : സ്വ​ർ​ഗ​ത്തി​ലെ ക​നി എ​ന്ന​റി​യ​പ്പെ​ടു​ന്ന ഗാ​ഗ് ഫ്രൂ​ട്ട് മ​ല​യോ​ര മേ​ഖ​ല​യി​ലും വി​ള​യു​മെ​ന്ന് തെ​ളി​യി​ച്ചി​രി​ക്കു​ക​യാ​ണ് പെ​രു​മ്പ​ട​വി​ലെ പാ​മ്പൂ​രി​ക്ക​ൽ ഡൊ​മ​നി​ക്ക്. ഇ​ല​ക്‌​ട്രീ​ഷ്യ​നും ജൈ​വ​ക​ർ​ഷ​ക​നും പൊ​തു​പ്ര​വ​ർ​ത്ത​ക​നു​മാ​യ ഡൊ​മ​നി​ക്കി​ന്‍റെ വീ​ട്ടു​മു​റ്റം നി​റ​യെ വി​ദേ​ശി​യും സ്വ​ദേ​ശി​യു​മാ​യ പ​ഴ​ങ്ങ​ളു​ണ്ട്. ഇ​തി​നി​ട​യി​ൽ ത​ല​യു​യ​ർ​ത്തി നി​ൽ​ക്കു​ക​യാ​ണ് വി​യ​റ്റ്നാം സ്വ​ദേ​ശി​യാ​യ ഗാ​ഗ് ഫ്രൂ​ട്ട്.

ഗാ​ഗ് ഫ്രൂ​ട്ട് ക​ണ്ണൂ​ർ ജി​ല്ല​യി​ൽ വേ​രു​പി​ടി​ക്കു​ന്ന​തേ​യു​ള്ളൂ.​ര​ണ്ട് വ​ർ​ഷം മു​ന്പ് വി​ദേ​ശ​ത്തു​നി​ന്നും വ​ന്ന വ്യ​ക്തി​യി​ൽ നി​ന്നാ​ണ് വി​ത്ത് ല​ഭി​ച്ച​ത്. കൃ​ത്യ​മാ​യ പ​രി​ച​ര​ണ​ത്തോ​ടെ കൃ​ഷി ചെ​യ്ത​തി​ന് ഫ​ലം ല​ഭി​ക്കു​ക​യും ചെ​യ്തു. പ​ഴം പാ​ക​മാ​കു​ന്ന​തു​വ​രെ നാ​ലു നി​റ​ങ്ങ​ളി​ൽ ഗാ​ഗ് ഫ്രൂ​ട്ടി​നെ കാ​ണാ​ൻ പ​റ്റും. ആ​ദ്യ നാ​ളു​ക​ളി​ൽ ത​ത്ത പ​ച്ച​യും പി​ന്നീ​ട് ലെ​മ​ൺ ക​ള​റി​ലും തു​ട​ർ​ന്ന് ഓ​റ​ഞ്ച് നി​റ​ത്തി​ലും പ​ഴം വി​ള​യു​മ്പോ​ൾ ചു​വ​ന്ന നി​റ​വു​മാ​ണ്.

വൈ​റ്റ​മി​ൻ സി​യു​ടെ ക​ല​വ​റ​യാ​യ ഗാ​ഗ് ഫ്രൂ​ട്ടി​ന്‍റെ രു​ചി​യും വ്യ​ത്യ​സ്ത​മാ​ണ്. ഒ​രു ചെ​ടി​യി​ൽ​നി​ന്ന് വ​ർ​ഷ​ങ്ങ​ളോ​ളം കാ​യ്ഫ​ലം ല​ഭി​ക്കു​മെ​ന്ന പ്ര​ത്യേ​ക​ത​യു​ണ്ട്. ഒ​രേ​സ​മ​യം പ​ച്ച​ക്ക​റി​യാ​യും പ​ഴ​മാ​യും ഉ​പ​യോ​ഗി​ക്കാം. പ​ഴം മു​റി​ച്ചാ​ൽ ക​ടും​ചു​വ​പ്പ് നി​റ​ത്തി​ലാ​ണ് അ​ക​ത്തെ ചു​ള​ക​ൾ കാ​ണു​ക. ജ്യൂ​സാ​യും സൂ​പ്പാ​യും ഇ​ല തോ​ര​ൻ ക​റി​വ​ച്ചും ഉ​പ​യോ​ഗി​ക്കാം. ഒ​രു കാ​യ്ക്ക് ഒ​രു കി​ലോ​യോ​ളം തൂ​ക്ക​മു​ണ്ട്.

വ​ലി​യ ഒ​രു പ​ഴ​ത്തി​ൽ​നി​ന്ന് ഏ​ക​ദേ​ശം 16 മു​ത​ൽ 20 വ​രെ വി​ത്തു​ക​ൾ ല​ഭി​ക്കും. വി​വി​ധ നി​റ​ങ്ങ​ളി​ൽ പ​ഴം കാ​ണു​ന്ന​തി​നാ​ൽ ത​ന്നെ വീ​ടും മ​ട്ടു​പ്പാ​വും അ​തി​മ​നോ​ഹ​ര​മാ​ണ്. സൗ​ന്ദ​ര്യ വ​ർ​ധ​ന​വി​നും യൗ​വ​നം നി​ല​നി​ർ​ത്താ​നും പ​ഴം ഉ​പ​യോ​ഗി​ച്ച് വ​രു​ന്നു. വൈ​റ്റ​മി​ൻ സി​യു​ടെ ക​ല​വ​റ​യാ​യ​തി​നാ​ൽ വൈ​റ്റ​മി​ൻ മ​രു​ന്നു​ക​ളു​ടെ ഉ​ത്പാ​ദ​ന​ത്തി​നും എ​ണ്ണ ഉ​ത്പാ​ദ​ന​ത്തി​നും ഉ​പ​യോ​ഗി​ക്കു​ന്നു. ആ​ൺ പെ​ൺ ചെ​ടി​ക​ൾ ഇ​ല്ലെ​ങ്കി​ൽ കൃ​ത്രി​മ പ​രാ​ഗ​ണം ചെ​യ്തു ന​ൽ​ക​ണം. രാ​വി​ലെ 10 മു​ത​ൽ ഉ​ച്ച​ക​ഴി​ഞ്ഞ് മൂ​ന്നു വ​രെ​യാ​ണ് പൂ ​വി​രി​ഞ്ഞു നി​ൽ​ക്കു​ക. ഈ ​സ​മ​യ​ത്തി​നു​ള്ളി​ൽ പ​രാ​ഗ​ണം ചെ​യ്യ​ണം.

റൊ​ളീ​നി​യ​യും
ഫ​ല​മ​ണി​ഞ്ഞു

വി​ദേ​ശ​യി​നം അ​പൂ​ർ​വ പ​ഴ​വൃ​ക്ഷ​ത്തൈ റൊ​ളീ​നി​യ​യും ഡൊ​മ​നി​ക്കി​ന്‍റെ വീ​ട്ടു​മു​റ്റ​ത്ത് ഫ​ല​മ​ണി​ഞ്ഞു. സീ​ത​പ്പ​ഴ​ത്തി​ന്‍റെ ബ്ര​സീ​ലി​യ​ൻ ബ​ന്ധു​വാ​ണ് റൊ​ളീ​നി​യ. മ​ധു​ര​മേ​റി​യ വ​ലി​യ കാ​യ്ക​ളും പു​റ​ത്തെ ശ​ൽ​ക്ക​ങ്ങ​ൾ​പോ​ലെ​യു​ള്ള തൊ​ലി​യും ഇ​തി​നെ വ്യ​ത്യ​സ്ത​മാ​ക്കു​ന്നു. സീ​ത​പ്പ​ഴ​ച്ചെ​ടി​യേ​ക്കാ​ൾ ഉ​യ​ര​ത്തി​ൽ ധാ​രാ​ളം ശാ​ഖ​ക​ളോ​ടെ വ​ള​രു​ന്ന റൊ​ളീ​നി​യ മൂ​ന്നു​വ​ർ​ഷ​ത്തി​നു​ള്ളി​ൽ പു​ഷ്പി​ച്ച് കാ​യ്ക​ൾ ഉ​ണ്ടാ​യി​ത്തു​ട​ങ്ങും. വ​ർ​ഷ​ത്തി​ൽ പ​ല​ത​വ​ണ ഫ​ലം ത​രു​ന്ന പ​തി​വും ഇ​വ​ക്കു​ണ്ട്. റൊ​ളീ​നി​യ പ​ഴ​ങ്ങ​ളി​ൽ​നി​ന്ന് ശേ​ഖ​രി​ക്കു​ന്ന വി​ത്തു​ക​ൾ കി​ളി​ർ​പ്പി​ച്ചെ​ടു​ക്കു​ന്ന തൈ​ക​ൾ ന​ട്ടു​വ​ള​ർ​ത്താം. പോ​ഷ​ക സ​മൃ​ദ്ധ​വും ഏ​റെ രു​ചി​ക​ര​വു​മാ​യ പ​ഴ​മാ​ണി​ത്. വെ​ള്ള​ക്കെ​ട്ടി​ല്ലാ​ത്ത, സൂ​ര്യ​പ്ര​കാ​ശം ല​ഭി​ക്കു​ന്ന സ്ഥ​ല​മാ​ണ് കൃ​ഷി​ക്ക് അ​നു​യോ​ജ്യം.

ആ​വ​ശ്യ​ത്തി​നു​ള്ള ഉ​യ​ര​ത്തി​ൽ മു​ക​ൾ​ഭാ​ഗം മു​റി​ച്ച് റൊ​ളീ​നി​യ മ​രം പ​ര​മാ​വ​ധി ശി​ഖ​ര​ങ്ങ​ൾ വ​ള​ർ​ത്തു​ന്ന​താ​ണ് ഉ​ചി​തം. ഇ​ങ്ങ​നെ വ​ള​ർ​ത്തി​യാ​ൽ പ​ഴ​ങ്ങ​ൾ നി​ല​ത്തു​നി​ന്നു​ത​ന്നെ ശേ​ഖ​രി​ക്കാം. കേ​ര​ള​ത്തി​ലെ കാ​ലാ​വ​സ്ഥ​യി​ൽ സ​മൃ​ദ്ധ​മാ​യി വ​ള​രു​ന്ന റൊ​ളീ​നി​യ ര​ണ്ടു​വ​ർ​ഷം​കൊ​ണ്ട് പൂ​വി​ടു​മെ​ങ്കി​ലും പൊ​തു​വെ മൂ​ന്നാം വ​ർ​ഷം മു​ത​ലാ​ണ് കൂ​ടു​ത​ൽ ഫ​ലം ന​ൽ​കു​ക. പ​തി​വാ​യി പൂ​വി​ടാ​റു​ള്ള​തി​നാ​ൽ വ​ർ​ഷ​ത്തി​ൽ നാല് ത​വ​ണ​യെ​ങ്കി​ലും പ​ഴം കി​ട്ടുന്ന​തും റൊ​ളീ​നി​യ​യു​ടെ മെ​ച്ച​മാ​ണ്. പൂ​വി​ട്ടു ര​ണ്ടു മാ​സം ക​ഴി​യു​മ്പോ​ൾ വി​ള​വെ​ടു​ത്തു​തു​ട​ങ്ങാം. വ​ള​ർ​ച്ച​യെ​ത്തി​യ മ​ര​ത്തി​ൽ​നി​ന്നും ഒ​രു ത​വ​ണ ശ​രാ​ശ​രി 30 കി​ലോ​വ​രെ പ​ഴം പ്ര​തീ​ക്ഷി​ക്കാം. 

അ​തി​വേ​ഗം വ​ള​ർ​ന്ന് 13–49 അ​ടി വ​രെ ഉ​യ​രം വ​യ്ക്കു​ന്ന ഫ​ല​വൃ​ക്ഷ​മാ​ണി​ത്. ഉ​രു​ണ്ടോ കോ​ൺ ആ​കൃ​തി​യി​ലോ കാ​ണു​ന്ന വ​ലി​യ ഫ​ല​ങ്ങ​ൾ​ക്ക്  പ​ഴു​ക്കു​ന്ന​തു​വ​രെ ന​ല്ല പ​ച്ച​നി​റ​മാ​യി​രി​ക്കും. പ​ഴ​ങ്ങ​ൾ വി​ള​വെ​ടു​ത്താ​ൽ കാ​ല​താ​മ​സ​മി​ല്ലാ​തെ ഉ​പ​യോ​ഗി​ക്ക​ണം.

വീ​ട്ടു​വ​ള​പ്പു​ക​ളി​ലേ​ക്ക് യോ​ജി​ച്ച ഫ​ല​വൃ​ക്ഷ​മാ​ണ്. സൂ​ര്യ​പ്ര​കാ​ശം ഇ​ഷ്ട​പ്പെ​ടു​ന്ന ഉ​ഷ്ണ​മേ​ഖ​ലാ വൃ​ക്ഷ​മാ​ണെ​ങ്കി​ലും ത​ണ​ലു​ള്ളി​ട​ങ്ങ​ളി​ലും വ​ള​ർ​ത്താം.​പ്ര​ള​യ​ത്തെ അ​തി​ജീ​വി​ക്കാ​ൻ ശേ​ഷി​യു​ള്ള​തി​നാ​ൽ താ​ഴ്ന്ന പ്ര​ദേ​ശ​ങ്ങ​ളി​ൽ വ​ള​ർ​ത്താ​നും യോ​ജ്യം.