കോ​ട്ട​യം: കു​ട്ട​നാ​ട്ടി​ലെയും അപ്പർ കുട്ടനാട്ടിലെയും നൂ​റു​ക​ണ​ക്കി​നേ​ക്ക​ര്‍ പാ​ട​ങ്ങ​ളി​ല്‍ കൊ​യ്ത നെ​ല്ല് ര​ണ്ടു ദി​വ​സ​മാ​യി പെ​യ്യു​ന്ന വേ​ന​ല്‍മ​ഴ​യി​ല്‍ ന​ശി​ക്കു​ന്നു. ഇ​തോ​ടെ ര​ണ്ടാ​ഴ്ച​യാ​യി പു​ഞ്ച​നെ​ല്ല് സം​ഭ​ര​ണം മ​ന്ദ​ഗ​തി​യി​ലാ​കു​ക​യും ക​ര്‍ഷ​ക​ര്‍ വ​ന്‍ പ്ര​തി​സ​ന്ധി​യി​ലാ​കു​ക​യും ചെ​യ്തു.

അ​പ്ര​തീ​ക്ഷി​ത​മാ​യി എ​ത്തി​യ വേ​ന​ല്‍മ​ഴ​യി​ല്‍ നി​ര​വ​ധി ക​ര്‍ഷ​ക​രു​ടെ നെ​ല്ലാ​ണ് ന​ന​ഞ്ഞ​ത്. ഇ​തു​ണ​ക്കി​യാ​ല്‍ മാ​ത്ര​മേ വി​ല്‍ക്കാ​ന്‍ സാ​ധി​ക്കൂ. നെ​ല്ലി​ന് ഈ​ര്‍പ്പ​മു​ണ്ടെ​ന്ന പേ​രി​ല്‍ വ​ലി​യ അ​ള​വി​ല്‍ കി​ഴി​വ് മി​ല്ലു​കാ​ര്‍ ആ​വ​ശ്യ​പ്പെ​ടു​ക​യാ​ണ്.

ക​ന​ത്ത ചൂ​ടി​ലും ഓ​രു​വെ​ള്ള​ത്തി​ലും ഇ​ക്കൊ​ല്ലം വി​ള​വ് മോ​ശ​മാ​യ സാ​ഹ​ച​ര്യ​ത്തി​ലാ​ണ് കൊ​യ്ത നെ​ല്ല് വി​റ്റ​ഴി​ക്കാ​നാ​വാ​തെ ക​ര്‍ഷ​ക​ര്‍ വ​ല​യു​ന്ന​ത്. വ​ര്‍ഷ​കാ​ല കൃ​ഷി​യു​ടെ വി​ള​വെ​ടു​പ്പും നെ​ല്ലു​സം​ഭ​ര​ണ​വും ദു​രി​തപൂ​ര്‍ണ​മാ​യ​തി​നാ​ലാ​ണു കൂ​ടു​ത​ല്‍ ക​ര്‍ഷ​ക​രും പു​ഞ്ച​കൃ​ഷി​യെ ആ​ശ്ര​യി​ച്ച​ത്.

വി​വി​ധ​യി​ട​ങ്ങ​ളി​ലാ​യി 15ല്‍ ​താ​ഴെ മി​ല്ലു​ക​ള്‍ മാ​ത്ര​മാ​ണ് സ​പ്ലൈ​കോ​യി​ല്‍നി​ന്നു നെ​ല്ല് സം​ഭ​രി​ക്കാ​നാ​യി എ​ത്തി​യ​ത്. പ​ല​യി​ട​ത്തും കൊ​യ്‌​തെ​ടു​ത്ത നെ​ല്ല് പാ​ട​ങ്ങ​ളി​ലും വ​ഴി​യോ​ര​ങ്ങ​ളി​ലും കൂ​ട്ടി​യി​ട്ടി​രി​ക്കു​ക​യാ​ണ്. വ​രും​ദി​വ​സ​ങ്ങ​ളി​ലും ക​ന​ത്ത വേ​ന​ല്‍ മ​ഴ​യ്ക്കു​ള്ള സാ​ധ്യ​ത തു​ട​രു​ന്ന​തി​നാ​ല്‍ അ​പ്പ​ര്‍ കു​ട്ട​നാ​ട്ടി​ല്‍ ക​ടു​ത്ത പ്ര​തി​സ​ന്ധി​യാ​ണ് സം​ജാ​ത​മാ​യി​രി​ക്കു​ന്ന​ത്.


മ​ഴ ക​ന​ത്ത് പാ​ട​ത്ത് വെ​ള്ളം കെ​ട്ടി​യാ​ല്‍ യ​ന്ത്ര​ങ്ങ​ള്‍ ഇ​റ​ക്കി കൊ​യ്ത്തും മെ​തി​യും ദു​രി​ത​ത്തി​ലാ​കും. നെ​ല്ല് വീ​ണ​ടി​യാ​നും പാ​ട​ത്ത് കൊ​യ്ത്ത് യ​ന്ത്ര​ന്ത്ര​ങ്ങ​ള്‍ താ​ഴ്ന്നു പോ​കാ​നും ഇ​തു കാ​ര​ണ​മാ​കും. കാ​ലാ​വ​സ്ഥ പ്ര​തി​കൂ​ല​മാ​യ​തോ​ടെ യ​ന്ത്ര​ങ്ങ​ള്‍ക്ക് കൂ​ടു​ത​ല്‍ വാ​ട​ക ഇ​ട​നി​ല​ക്കാ​ര്‍ ആ​വ​ശ്യ​പ്പെ​ടു​ക​യാ​ണ്.

പു​ഞ്ച കൃ​ഷി​യു​ടെ വി​ള​വെ​ടു​പ്പ് പ​കു​തി​പോ​ലും എ​ത്താ​ത്ത സാ​ഹ​ച​ര്യ​ത്തി​ലാ​ണ് മ​ഴ​യെ​ത്തി​യി​രി​ക്കു​ന്ന​ത്. ക​ടം​കൊ​ണ്ട് ഏ​റെ ദു​രി​ത​ത്തി​ലാ​യ ക​ര്‍ഷ​ക​രെ ചൂ​ഷ​ക​രി​ല്‍നി​ന്നു സം​ര​ക്ഷി​ക്കാ​ന്‍ വേ​ണ്ട ന​ട​പ​ടി​ക​ള്‍ കൃ​ഷി വ​കു​പ്പും സ​ര്‍ക്കാ​രും സ്വീ​ക​രി​ക്ക​ണെ​ന്നാ​ണ് ക​ര്‍ഷ​ക​രു​ടെ ആ​വ​ശ്യം.