കെ.​​​​എ​​​​സ്. ഫ്രാ​​​​ൻ​​​​സി​​​​സ്

ക​​​​ട്ട​​​​പ്പ​​​​ന: ഇ​ടു​ക്കി ജി​ല്ല​യു​ടെ സ​ഹ്യ​സാ​നു​ക്ക​ൾ കു​ടി​യേ​റ്റപ്ര​ദേ​ശം മാ​ത്ര​മ​ല്ല, പ്രാ​ചീ​ന നാ​ഗ​രി​ക​ത​യു​ടെ ആ​സ്ഥാ​നംകൂ​ടി​യാണെ​ന്ന് പു​രാ​വ​സ്തു പ​ഠ​നം.

​​കേ​​​​ര​​​​ള ച​​​​രി​​​​ത്ര ഗ​​​​വേ​​​​ഷ​​​​ണ കൗ​​​​ണ്‍​സി​​​​ലി​​​​ന്‍റെ നേ​​​​തൃ​​​​ത്വ​​​​ത്തി​​​​ൽ ഇ​​​​ടു​​​​ക്കി ജി​​​​ല്ല​​​​യി​​​​ൽ കൊ​​​​ച്ച​​​​റ​​​​യ്ക്കു സ​​​​മീ​​​​പ​​​​മു​​​​ള്ള ആ​​​​ന​​​​പ്പാ​​​​റ​​​​യി​​​​ൽ പ്രാ​​​​ചീ​​​​ന ച​​​​രി​​​​ത്ര​​​​കാ​​​​ല (ഏ​​​​ർ​​​​ലി ഹി​​​​സ്റ്റോ​​​​റി​​​​ക് ) സം​​​​സ്കാ​​​​ര​​​​ത്തി​​​​ന്‍റെ തെ​​​​ളി​​​​വു​​​​ക​​​​ൾ ക​​​​ണ്ടെ​​ത്തി​​​​യ​​​​താ​​​​യി കെ​​​​സി​​​​എ​​​​ച്ച്ആ​​​​ർ ഡ​​​​യ​​​​റ​​​​ക്‌ടർ പ്ര​​​​ഫ. ഡോ. ​​​​വി. ദി​​​​നേ​​​​ശ​​​​ൻ അ​​​​റി​​​​യി​​​​ച്ചു. ആ​​​​ർ​​​​ക്കി​​​​യോളജി​​​​ക്ക​​​​ൽ സ​​​​ർ​​​​വേ ഓ​​​​ഫ് ഇ​​​​ന്ത്യ​​​​യു​​​​ടെ അ​​​​നു​​​​മ​​​​തി​​​​യോ​​​​ടെ 2024 ഡി​​​​സം​​​​ബ​​​​ർ മു​​​​ത​​​​ൽ 2025 ഫെ​​​​ബ്രു​​​​വ​​​​രി വ​​​​രെ ന​​​​ട​​​​ത്തി​​​​യ പു​​​​രാ​​​​വ​​​​സ്തു ഖ​​​​ന​​​​ന​​​​ത്തി​​​​ലാ​​​​ണ് അ​​​​മൂ​​​​ല്യ​​​​മാ​​​​യ ച​​​​രി​​​​ത്ര അ​​​​വ​​​​ശേ​​​​ഷി​​​​പ്പു​​​​ക​​​​ൾ ക​​​​ണ്ടെ​​ത്തി​​​​യി​​​​രി​​​​ക്കു​​​​ന്ന​​​​ത്.

കേ​​​​ര​​​​ള​​​​ത്തി​​​​ലെ മ​​​​ഹാ​​​​ശി​​​​ലാ​​​​യു​​​​ഗ സം​​​​സ്കാ​​​​ര​​​​വു​​​​മാ​​​​യി ബ​​​​ന്ധ​​​​പ്പെ​​​​ട്ട് നി​​​​ര​​​​വ​​​​ധി പു​​​​രാ​​​​വ​​​​സ്തു​​​​ക്ക​​​​ൾ മു​​​​ന്പ് ക​​​​ണ്ടെത്തി​​​​യി​​​​ട്ടു​​​​ണ്ടെ​​ങ്കി​​​​ലും നേ​​​​രി​​​​ട്ടു​​​​ള്ള മ​​​​നു​​​​ഷ്യ​​​​വാ​​​​സം സം​​​​ബ​​​​ന്ധി​​​​ച്ച തെ​​​​ളി​​​​വു​​​​ക​​​​ൾ ഒ​​​​ന്നുംത​​​​ന്നെ ക​​​​ണ്ടെ​​ത്തി​​​​യി​​​​രു​​​​ന്നി​​​​ല്ല. ഈ ​​​​സാ​​​​ഹ​​​​ച​​​​ര്യ​​​​ത്തി​​​​ൽ, ആ​​​​ന​​​​പ്പാ​​​​റ​​​​യി​​​​ലെ ക​​​​ണ്ടെത്ത​​​​ലു​​​​ക​​​​ൾ കേ​​​​ര​​​​ള ച​​​​രി​​​​ത്ര​​​​ത്തി​​​​ൽ ഏ​​​​റെ പ്രാ​​​​ധാ​​​​ന്യ​​​​മ​​​​ർ​​​​ഹി​​​​ക്കു​​​​ന്ന​​​​താ​​​​ണെ​​​​ന്നും ഇ​​​​ത് കേ​​​​ര​​​​ള​​​​ത്തി​​​​ലെ പു​​​​രാ​​​​വ​​​​സ്തു പ​​​​ഠ​​​​ന​​​​ത്തി​​​​ൽ പു​​​​തി​​​​യ ദി​​​​ശാ​​​​സൂ​​​​ച​​​​ന​​​​ക​​​​ളാ​​​​കു​​​​മെ​​​​ന്നും കെ​​​​സി​​​​എ​​​​ച്ച്ആ​​​​ർ ചെ​​​​യ​​​​ർ​​​​മാ​​​​നും ച​​​​രി​​​​ത്ര​​​​കാ​​​​ര​​​​നു​​​​മാ​​​​യ പ്ര​​​​ഫ. ഡോ. ​​​​കെ.​​​​എ​​​​ൻ. ഗ​​​​ണേ​​​​ശ് പ​​​​റ​​​​ഞ്ഞു.

ആ​​​​ന​​​​പ്പാ​​​​റ ഒ​​​​രു പ്രാ​​​​ദേ​​​​ശി​​​​ക ക​​​​ച്ച​​​​വ​​​​ടസ്ഥ​​​​ല​​​​മാ​​​​യി​​​​രി​​​​ക്കാ​​​​മെ​​​​ന്ന് ഇ​​​​വി​​​​ടെനി​​​​ന്നു​​​​ള്ള പു​​​​രാ​​​​വ​​​​സ്തു ക​​​​ണ്ടെ​​ത്ത​​​​ലു​​​​ക​​​​ളും അ​​​​വ​​​​ശി​​​​ഷ്ട​​​​ങ്ങ​​​​ളും സൂ​​​​ചി​​​​പ്പി​​​​ക്കു​​​​ന്നു. വ്യാ​​​​പാ​​​​രി​​​​ക​​​​ൾ, ക​​​​ർ​​​​ഷ​​​​ക​​​​ർ, കാ​​​​ട്ടി​​​​ൽ താ​​​​മ​​​​സി​​​​ക്കു​​​​ന്ന​​​​വ​​​​ർ എ​​​​ന്നി​​​​വ​​​​ർ ഇ​​​​വി​​​​ടെ ഉ​​​​ത്പ​​​​ന്ന​​​​ങ്ങ​​​​ൾ കൈ​​​​മാ​​​​റ്റം ചെ​​​​യ്തി​​​​രി​​​​ക്കാം. അ​​​​ത്ത​​​​രം ക​​​​ച്ച​​​​വ​​​​ട പ്ര​​​​ദേ​​​​ശ​​​​ങ്ങ​​​​ൾ പി​​​​ന്നീ​​​​ട് സ്ഥി​​​​ര താ​​​​മ​​​​സ​​​​കേ​​​​ന്ദ്ര​​​​ങ്ങ​​​​ളാ​​​​യി മാ​​​​റു​​​​ക​​​​യും ചെ​​​​യ്തു.

പ്രാ​​​​ചീ​​​​ന​​​​കാ​​​​ല​​​​ത്തെ ജ​​​​ന​​​​ങ്ങ​​​​ൾ ഈ ​​​​പ്ര​​​​ദേ​​​​ശം താ​​​​മ​​​​സ​​​​ത്തി​​​​നാ​​​​യി തെ​​​​ര​​​​ഞ്ഞെ​​​​ടു​​​​ക്കു​​​​ന്പോ​​​​ൾ പ​​​​രി​​​​സ്ഥി​​​​തി ഘ​​​​ട​​​​ക​​​​ങ്ങ​​​​ൾ വ​​​​ള​​​​രെ സൂ​​​​ക്ഷ്മ​​​​മാ​​​​യി പ​​​​രി​​​​ശോ​​​​ധി​​​​ച്ചി​​​​രു​​​​ന്നു എ​​​​ന്ന് കെ.​​​​പി. ഷാ​​​​ജ​​​​ൻ (ആ​​​​ർ​​​​ക്കി​​​​യോ​​​​ള​​​​ജി​​​​സ്റ്റ്, കെ​​​​സി​​​​എ​​​​ച്ച്ആ​​​​ർ) അ​​​​ഭി​​​​പ്രാ​​​​യ​​​​പ്പെ​​​​ടു​​​​ന്നു.

പ്ര​​​​ധാ​​​​ന ക​​​​ണ്ടെത്ത​​​​ലു​​​​ക​​​​ൾ

കു​​​​ഴി​​​​ക​​​​ൾ (ട്രെ​​​​ഞ്ചു​​​​ക​​​​ൾ) നി​​​​ർ​​​​മി​​​​ച്ചാ​​​​ണ് ഉ​​​​ത്ഖ​​​​ന​​​​ന പ്ര​​​​വ​​​​ർ​​​​ത്ത​​​​ന​​​​ങ്ങ​​​​ൾ ന​​​​ട​​​​ത്തി​​​​യ​​​​ത്. ട്ര​​​​ഞ്ചി​​​​ൽനി​​​​ന്ന് ക​​​​റു​​​​പ്പ് (ബ്ലാ​​​​ക്ക് വെ​​​​യ​​​​ർ), ചു​​​​വ​​​​പ്പ് (കോ​​​​ഴ്സ് റെ​​​​ഡ് വെ​​​​യ​​​​ർ), ചു​​​​വ​​​​പ്പ്-​​​​ക​​​​റു​​​​പ്പ് (ബ്ലാ​​​​ക്ക് ആ​​​​ൻ​​​​ഡ് റെ​​​​ഡ് വെ​​​​യ​​​​ർ), ചു​​​​വ​​​​പ്പി​​​​ൽ വെ​​​​ള്ള വ​​​​ര​​​​ക​​​​ളോ​​​​ട് കൂ​​​​ടി​​​​യ (റെ​​​​ഡ് കോ​​​​ട്ട​​​​ഡ് പൈ​​​​ന്‍റ​​​​ഡ് വെ​​​​യ​​​​ർ) ഉ​​​​ൾ​​​​പ്പെ​​​​ടെ​​​​യു​​​​ള്ള വി​​​​വി​​​​ധ രീ​​​​തി​​​​യി​​​​ലു​​​​ള്ള മ​​​​ണ്‍​പാ​​​​ത്ര അവശിഷ്ടങ്ങൾ ക​​​​ണ്ടെ​​ത്തി​​​​യി​​​​ട്ടു​​​​ണ്ട്.‌കൂ​​​​ടാ​​​​തെ, ഇ​​​​രു​​​​ന്പുകൊ​​​​ണ്ടു​​ള്ള ​​ആ​​​​യു​​​​ധ​​​​ങ്ങ​​​​ൾ, ഇ​​​​രു​​​​ന്പ് ഉ​​​​രു​​​​ക്കു​​​​ന്പോ​​​​ൾ ഉ​​​​ണ്ടാ​​കു​​​​ന്ന അ​​​​വ​​​​ശി​​​​ഷ്ട​​​​ങ്ങ​​​​ൾ, ടെ​​​​റ​​​​ക്കോ​​​​ട്ട ഡി​​​​സ്കു​​​​ക​​​​ൾ, ക​​​​ല്ലു​​​​കൊ​​​​ണ്ടും ഗ്ലാ​​​​സ്കൊ​​​​ണ്ടും നി​​​​ർ​​​​മി​​​​ച്ച​​​​ിച്ച മു​​​​ത്തു​​​​ക​​​​ൾ എ​​​​ന്നി​​​​വ​​​​യും ക​​​​ണ്ടെ​​ത്തി. ​​ഇ​​​​രു​​​​ന്പ് ഉ​​​​ത്പാ​​​​ദ​​​​ന​​​​ത്തി​​​​ലെ വി​​​​വി​​​​ധ ഘ​​​​ട്ട​​​​ങ്ങ​​​​ളി​​​​ലു​​​​ള്ള വ​​​​സ്തു​​​​ക്ക​​​​ൾ ക​​​​ണ്ടെ​​ത്ത​​​​ിയത് ഇവിടെ ഇ​​​​രു​​​​ന്പു​​​​രു​​​​ക്കു​​​​ന്ന​​​​തി​​​​നാ​​​​യു​​​​ള്ള പ്ര​​​​വ​​​​ർ​​​​ത്ത​​​​ന​​​​ങ്ങ​​​​ൾ ന​​​​ട​​​​ന്ന​​​​തി​​​​നു​​​ള്ള തെളിവുകളാണ്.


മ​​​​നു​​​​ഷ്യനി​​​​ർ​​​​മി​​​​തി​​​​ക​​​​ൾ

പൊ​​​​ട്ടി​​​​യ​​​​തും പൂ​​​​ർ​​​​ണ​​​​ത​​​​യു​​​​ള്ള​​​​തു​​​​മാ​​​​യ വി​​​​വി​​​​ധ​​​​യി​​​​നം മ​​​​ണ്‍​പാ​​​​ത്ര​​​​ങ്ങ​​​​ളും, വി​​​​റ​​​​കോ മ​​​​റ്റോ ക​​​​ത്തി​​​​ച്ചു ബാ​​​​ക്കി വ​​​​ന്ന ക​​​​രി​​​​യും ചാ​​​​ര​​​​വും ട്രെ​​​​ഞ്ചു​​​​ക​​​​ളി​​​​ൽ ക​​​​ണ്ടെത്തി​​​​യി​​​​ട്ടു​​​​ണ്ട ്. ഇ​​​​വ മ​​​​നു​​​​ഷ്യ​​​​വാ​​​​സ​​​​ത്തി​​​​നു​​​​ള്ള തെ​​​​ളി​​​​വു​​​​ക​​​​ളാ​​​​യി ക​​​​ണ​​​​ക്കാ​​​​ക്കു​​​​ന്നു. ക​​​​ല്ലു​​​​കൊ​​​​ണ്ടു​​ള്ള ​​നി​​​​ർ​​​​മി​​​​തി​​​​ക​​​​ൾ (ടെ​​​​റ​​​​സു​​​​ക​​​​ൾ) ര​​​​ണ്ടു ട്രെ​​​​ഞ്ചു​​​​ക​​​​ളി​​​​ൽനി​​​​ന്നു ക​​​​ണ്ടെ​​ത്തി. ടെറസുകളുടെ മേ​​​​ൽ​​​​ഭാ​​​​ഗം പൂ​​​​ർ​​​​ണ​​മാ​​​​യും ന​​​​ശി​​​​ച്ചിട്ടുണ്ട്.

ഇ​വി​ടെ ക​ണ്ടെ​ത്തി​യ ഒ​രു പ്ര​ധാ​ന മ​നു​ഷ്യനി​ർ​മി​തി മ​ണ്ണി​ടി​ച്ചി​ലി​നെ ത​ട​യു​ന്ന​തി​നാ​യോ ച​രി​ഞ്ഞ ഇ​ട​ങ്ങ​ളി​ൽ താ​മ​സ​ത്തി​നാ​യോ നി​ർ​മി​ച്ച ക​ൽ​നി​ർ​മി​തി​ക​ളാ​ണ്. വ​ലു​തും ഇ​ട​ത്ത​രം വ​ലി​പ്പ​മു​ള്ള​തു​മാ​യ ക​ല്ലു​ക​ൾ (10 സെ.​മീ മു​ത​ൽ 130 സെ.​മീ വ​രെ) അ​ടു​പ്പി​ച്ചു​ വ​ച്ചാ​ണ് ഇ​വ നി​ർ​മി​ച്ചി​രി​ക്കു​ന്ന​ത്.

ക​ല്ലു​ക​ളു​ടെ അ​റ്റ​ങ്ങ​ൾ തേ​ഞ്ഞ​താ​യി കാ​ണ​പ്പെ​ടു​ന്നു. ആ​ളു​ക​ൾ ഇ​തി​ലെ ന​ട​ന്നു​പോ​യി​രി​ക്കാം. ആ​ദ്യ ട്രെ​ഞ്ചി​ലെ ക​ല്ലു​ക​ൾ​ക്ക് കൂ​ർ​ത്ത അ​റ്റ​ങ്ങ​ളാ​ണ്. ഈ ​പ്ര​ദേ​ശം ക​ല്ല് ഖ​ന​നം ചെ​യ്ത​തി​ന് ഉ​പ​യോ​ഗി​ച്ചി​രി​ക്കാ​മെ​ന്നു ക​രു​തു​ന്നു. അ​തേ​സ​മ​യം, ഒ​റ്റ​പ്പെ​ട്ടു​ള്ള ശ്മ​ശാ​ന​ങ്ങ​ൾ പ്ര​ദേ​ശ​ത്തെ മ​ല​നി​ര​ക​ളി​ലും മ​ല​യി​ടു​ക്കു​ക​ളി​ലും താ​മ​സി​ച്ചി​രു​ന്ന ആ​ളു​ക​ളു​ടെ ശ്മ​ശാ​ന ഭൂ​മി​യാ​കാ​മെ​ന്നു ക​രു​ത​പ്പെ​ടു​ന്നു.

കേ​ര​ള​ത്തി​ന്‍റെ പ്രാ​ദേ​ശി​ക ച​രി​ത്രം പു​ന​ർ​നി​ർ​മിക്കാ​നു​ള്ള കെ​സി​എ​ച്ച്ആ​റി​ന്‍റെ ഇ​ന്‍റ​ർ​ ഡി​സി​പ്ലി​ന​റി പ്രോ​ജ​ക്ടി​ന്‍റെ ഭാ​ഗ​മാ​യി​ട്ടാ​യി​രു​ന്നു ഗ​വേ​ഷ​ണം. ഡോ. ​ദി​നീ​ഷ് കൃ​ഷ്ണ​നും (റി​സ​ർ​ച്ച് ഓ​ഫീ​സ​ർ കെ​സി​എ​ച്ച്ആ​ർ ) ഡോ. ​വി. സെ​ൽ​വ​കു​മാ​റും (ത​മി​ഴ് യൂ​ണി​വേ​ഴ്സി​റ്റി ത​ഞ്ചാ​വൂ​ർ, കെ​സി​എ​ച്ച്ആ​ർ വി​സി​റ്റിം​ഗ് റി​സ​ർ​ച്ച​ർ) എ​ന്നി​വ​ർ ചേ​ർ​ന്നാ​ണ് ഖ​ന​നം ന​യി​ച്ച​ത്. ഡോ. ​കെ.​പി. ഷാ​ജ​ൻ ഉ​ൾ​പ്പെ​ടെ​യു​ള്ള വി​ദ​ഗ്ധ​ർ ഖ​ന​ന​സ്ഥ​ലം സ​ന്ദ​ർ​ശി​ച്ച് പ്രാ​ധാ​ന്യം വി​ല​യി​രു​ത്തി.

ഡോ. ​ദി​നേ​ശ​ൻ വ​ട​ക്കി​നി​യി​ലും (ഡ​യ​റ​ക്ട​ർ കെ​സി​എ​ച്ച്ആ​ർ) പ്ര​ഫ. കെ.​എ​ൻ. ഗ​ണേ​ശും (ചെ​യ​ർ​പേ​ഴ്സ​ണ്‍ കെ​സി​എ​ച്ച്ആ​ർ ) സം​ഘ​ത്തി​ലു​ണ്ടാ​യി​രു​ന്നു. കൂ​ടാ​തെ ഡോ. ​റേ​ച്ച​ൽ എ. ​വ​ർ​ഗീ​സ് (ഐ​ഐ​ടി മും​ബൈ), ശ​ര​ത്ച​ന്ദ്ര​ബാ​ബു (കെ​സി​എ​ച്ച്ആ​ർ ),കെ.​എം. മൊ​ബീ​ർ​ഷ (കെ​സി​എ​ച്ച്ആ​ർ ), എം.​എ​സ്.​സാ​ന്ദ്ര (കെ​സി​എ​ച്ച്ആ​ർ ), വി. ​അ​ഖി​ല (കേ​ര​ള യൂ​ണി​വേ​ഴ്സി​റ്റി), ജി​ഷ്ണു എ​സ്. ച​ന്ദ്ര​ൻ (കെ​സി​എ​ച്ച്ആ​ർ), ബി. ​ഹ​രി​ശ​ങ്ക​ർ(​ത​മി​ഴ് യൂ​ണി​വേ​ഴ്സി​റ്റി) എ​ന്നി​വ​രും പ​ങ്കെ​ടു​ത്തു.