കൊച്ചി: വയനാട് ദുരന്തബാധിതരുടെ പ്രശ്നങ്ങള് പഠിക്കാനും നിയമസഹായത്തിനുമായി കേരള ലീഗല് സര്വീസസ് അഥോറിറ്റി ഹൈക്കോടതി അഭിഭാഷകര് മുഖേന നടത്തിയ ഓണ്ലൈന് കൂടിക്കാഴ്ചയിലൂടെ നൂറോളം പേര്ക്കു നിയമ സഹായം.
പ്രകൃതിദുരന്തം നാശം വിതച്ച ചൂരല്മലയിലെയും സമീപപ്രദേശങ്ങളിലെയും ദുരിതബാധിതരാണു തങ്ങളുടെ പ്രശ്നങ്ങള് കെല്സ മുന്പാകെ ഉന്നയിച്ചത്.
ജപ്തി നടപടികള്, വീടിനും കൃഷിക്കും മറ്റു സ്വത്തുവകകള്ക്കുമുണ്ടായ നാശനഷ്ടങ്ങള്, ഭൂരേഖ, ആധാര്, പാസ്പോര്ട്ട്, ജനന സര്ട്ടിഫിക്കറ്റ് തുടങ്ങിയ റവന്യു രേഖകള് നഷ്ടപ്പെടല്, ദുരന്തത്തില് കുടുംബാംഗങ്ങളെ കാണാതായത് തുടങ്ങിയവ സംബന്ധിച്ച പരാതികളാണു പ്രധാനമായും ഉന്നയിച്ചത്. 2019ലെ മണ്ണിടിച്ചില് ദുരന്തത്തിന്റെ നഷ്ടപരിഹാരം ഇതുവരെ ലഭിച്ചിട്ടില്ലെന്നു ചിലര് പരാതിപ്പെട്ടു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.