ആരോഗ്യരഹസ്യം ദിവസവും രാത്രി പത്തിനു കിടന്നുറങ്ങി അതിരാവിലെ നാലിന് എഴുന്നേൽക്കുന്ന മാത്യുമാഷ് തന്റെ ആരോഗ്യരഹസ്യം വെളിപ്പെടുത്തി. ‘"രാവിലെ എണീറ്റയുടൻ ഞാനൊരു ഹെൽത്ത്മിക്സ് ഉണ്ടാക്കി കുടിക്കും. ചെറുനാരങ്ങ ചെറുതായി അരിഞ്ഞ് മിക്സിയിൽ അടിച്ച് അരിച്ചെടുത്തശേഷം ചെറുതായി ചൂടാക്കും. അതിൽ ഒലിവ് ഓയിൽചേർത്തു കുടിക്കും. പിന്നെ പത്രംവായന, അഞ്ചുമണികഴിഞ്ഞാൽ ഇലക്ട്രിക് സ്കൂട്ടറെടുത്ത് തേക്കിൻകാട് മൈതാനിയിലേക്കോ കോർപറേഷൻ സ്റ്റേഡിയത്തിലേക്കോ പോകും. അവിടെ ഒരു മണിക്കൂർ നടത്തം. മഴയാണെങ്കിൽ രാവിലെ വീട്ടിൽ യോഗ, അല്ലെങ്കിൽ വൈകുന്നേരം. പിന്നെ വ്യായാമം. തിരികെ പ്രാതൽ കഴിക്കാൻ വീട്ടിലേക്ക്...വൈകുന്നേരം ക്ലബ്ബിൽ നീന്തൽ, ജിംനേഷ്യം.’’
ആദ്യഭാര്യ ഹൃദയാഘാതംമൂലം മരിച്ചപ്പോൾ ജീവിതസഖിയായെത്തിയ സിസിലിയും മക്കളായ റോജി, ഇഗ്നി മാത്യു(തൃശൂർ ബാനർജി ക്ലബ് പ്രസിഡന്റ്), ഡോ. റിജോ, ഡോ. അനുഎലിസബത്ത് എന്നിവരും ഡാഡിയുടെ ഇഷ്ടങ്ങൾക്കു പൂർണപിന്തുണയേകുന്നു.