2003ല് എ.ബി. വാജ്പേയി ഇന്‍സ്റ്റിറ്റ്യൂട്ട് ഓഫ് മൗണ്ടനിയറിംഗില്‍നിന്നുള്ള പര്‍വതാരോഹകരാണ് ഈ വിമാനത്തിന്‍റെ അവശിഷ്ടങ്ങള്‍ ആദ്യമായി കണ്ടെത്തിയത്. നിരവധി ശ്രമങ്ങള്‍ക്കൊടുവിലായിരുന്നു ഇത്. 2005, 2006, 2013, 2019 വര്‍ഷങ്ങളിലും ഡോഗ്ര സ്‌കൗട്ട്സ് തെരച്ചില്‍ തുടര്‍ന്നിരുന്നു. 2019 വരെ അഞ്ചു പേരുടെ മൃതദേഹ അവശിഷ്ടങ്ങള്‍ കണ്ടെടുത്തു.
ചന്ദ്രഭാഗ പര്‍വത പര്യവേക്ഷക സംഘമാണ് ഇപ്പോള്‍ നാല് മൃതദേഹ അവശിഷ്ടങ്ങള്‍ കണ്ടെടുത്തിരിക്കുന്നത്. തെരച്ചിൽ അവസാനിപ്പിച്ചിട്ടില്ല. അപകടത്തിൽ കാണാതായ മറ്റുള്ളവരുടെ വിവരങ്ങൾവച്ച് വ്യോമസേന ചരിത്രപരമായ ദൗത്യം ഇപ്പോഴും തുടരുകയാണ്.
നെയിംബാഡ്ജ് കണ്ട് തിരിച്ചറിഞ്ഞു മഞ്ഞുമലയിൽ കണ്ടെത്തിയ മൃതദേഹം തോമസ് ചെറിയാന്‍റെതെന്ന് തിരിച്ചറിയാൻ സഹായകമായത് യൂണിഫോമിലെ നെയിംബാഡ്ജും അതിലെ 7093526 എന്ന നമ്പരും. ഇതിനൊപ്പം പേ ബുക്കും കണ്ടെത്തിയിരുന്നു.
ബുക്കിലെ തോമസ് ചെറിയാൻ എന്ന് ഇംഗ്ളീഷിൽ എഴുതിയ പേരിൽ തോമസിനു ശേഷം സി എന്ന അക്ഷരം കഴിഞ്ഞുള്ള ഭാഗം കത്തിയ നിലയിലായിരുന്നു. സൈന്യത്തിൽ ചേരുന്പോൾ തോമസ് ചെറിയാൻ നൽകിയ വിലാസം അനുസരിച്ച് കേരള പോലീസുമായി ബന്ധപ്പെട്ടാണ് മൃതദേഹം കണ്ടെത്തിയ വിവരം അറിയിച്ചത്.