വിവാഹ വാഗ്ദാനം നൽകി പീഡനം; സംവിധായകന്‍ അറസ്റ്റില്‍
Tuesday, October 1, 2024 4:15 AM IST
കൊച്ചി: വിവാഹ വാഗ്ദാനം നല്‍കി പീഡിപ്പിച്ചെന്ന പരാതിയില്‍ സംവിധായകന്‍ അറസ്റ്റില്‍. ‘ജയിംസ് കാമറൂണ്‍’ എന്ന ചിത്രം സംവിധാനം ചെയ്യുകയും ചില ചിത്രങ്ങളില്‍ അസിസ്റ്റന്‍റ് ഡയറക്ടറായി പ്രവര്‍ത്തിക്കുകയും ചെയ്ത മലപ്പുറം പൂച്ചാല്‍ കല്ലറമ്മല്‍ വീട്ടില്‍ എ. ഷാജഹാനെ(31)യാണു പാലാരിവട്ടം പോലീസ് ഇന്‍സ്‌പെക്ടര്‍ എ. ഫിറോസിന്‍റെ നേതൃത്വത്തിലുള്ള സംഘം അറസ്റ്റ് ചെയ്തത്.
കണ്ണൂര്‍ സ്വദേശിനിയായ യുവതിക്കൊപ്പം കഴിഞ്ഞ മൂന്നു മാസമായി വെണ്ണലയിലായിരുന്നു ഷാജഹാന്‍ താമസിച്ചിരുന്നത്. ‘ജയിംസ് കാമറൂണ്‍’ എന്ന ചിത്രത്തില്‍ യുവതി അഭിനയിച്ചെങ്കിലും സിനിമ പുറത്തിറങ്ങിയില്ല.
യുവതിയെ വിവാഹം ചെയ്യുമെന്നായിരുന്നു ഷാജഹാന്‍ പറഞ്ഞിരുന്നതെങ്കിലും ഇയാള്‍ വിവാഹിതനാണെന്ന വിവരം യുവതി പിന്നീടാണ് അറിഞ്ഞതെന്നും പരാതിയിൽ പറയുന്നു.