ഹയർ സെക്കൻഡറിയിൽ ഫിസിക്സ്, കെമിസ്ട്രി, ബയോളജി എന്നിവ ഉൾപ്പെടുന്ന സയൻസ് ബാച്ച് എടുത്ത് പഠനം നടത്തുന്ന വിദ്യാർഥികൾ പ്രധാനമായും ലക്ഷ്യമിടുന്നതു നഴ്സിംഗ് മേഖലയാണ്. രണ്ടു വർഷം കഠിന പശിശ്രമം നടത്തി ഹയർ സെക്കൻഡറിയിൽ മികച്ച മാർക്കോടെ വിജയം നേടിയിട്ടും ബിഎസ്സി നഴ്സിംഗിന് പ്രവേശനം ലഭിക്കാതെ വരുന്നതോടെ വിദ്യാർഥികൾ കടുത്ത മാനസിക സംഘർഷത്തിലുമാകുന്നു.
ഹയർ സെക്കൻഡറിയിലെ ഫിസിക്സ്, കെമിസ്ട്രി, ബയോളജി എന്നിവയുടെ മാർക്ക് അടിസ്ഥാനപ്പെടുത്തി നോർമലൈസേഷൻ പ്രക്രിയയിലൂടെയാണു പ്രവേശനത്തിനായുള്ള റാങ്ക് പട്ടിക തയാറാക്കുന്നത്.
അന്യ സംസ്ഥാനങ്ങളിൽ നഴ്സിംഗ് പ്രവേശനം നേടുന്ന പല വിദ്യാർഥികളും ക്രൂരമായ റാഗിംഗിന് ഉൾപ്പെടെ വിധേയമാകുന്ന നിരവധി സംഭവങ്ങളുമുണ്ടാകുന്നുണ്ട്. ഇത്തരമൊരു സാഹചര്യത്തിലെങ്കിലും സംസ്ഥാനത്ത് ബിഎസ്സി നഴ്സിംഗ് പ്രവേശനത്തിനു കൂടുതൽ അവസരം ഒരുക്കണമെന്നതാണ് പ്രധാന ആവശ്യം.