ട്രെയിൻ ഗതാഗതത്തില്‍ നിയന്ത്രണം
Tuesday, October 1, 2024 2:09 AM IST
പാലക്കാട്: സേലം റെയില്‍വേ ഡിവിഷനു കീഴിലെ വിവിധ സ്ഥലങ്ങളില്‍ അറ്റകുറ്റപ്പണികള്‍ നടക്കുന്നതിനാല്‍ ട്രെയിന്‍ഗതാഗതത്തില്‍ താഴെപ്പറയുന്ന തരത്തില്‍ താത്കാലികമാറ്റം വരുത്തിയതായി പാലക്കാട് റെയില്‍വേ ഡിവിഷന്‍ അധികൃതര്‍ അറിയിച്ചു.
ഇന്ന് ഉച്ചയ്ക്ക് ഒരുമണിക്ക് തിരുച്ചിറപ്പള്ളിയില്‍നിന്നു പുറപ്പെടേണ്ട തിരുച്ചിറപ്പള്ളി-പാലക്കാട് ടൗണ്‍ എക്സ്പ്രസ് ട്രെയിന് (നന്പർ 16843) ഉച്ചയ്ക്ക് 2.45ന് കരൂരില്‍നിന്നാണ് പുറപ്പെടുക. തിരുച്ചിറപ്പള്ളിയില്‍നിന്നു കരൂര്‍വരെയുള്ള ഈ ട്രെയിന്‍റെ സര്‍വീസ് റദ്ദാക്കി.
മൂന്ന്, അഞ്ച്, ഏഴ് തീയതികളില്‍ എറണാകുളത്തുനിന്നു പുറപ്പെടേണ്ട എറണാകുളം ജംഗ്ഷൻ - ടാറ്റാനഗര്‍ എക്സ്പ്രസ് ട്രെയിന് (18190) പോത്തനൂര്‍ ജംഗ്ഷൻ, കോയമ്പത്തൂര്‍ ജംഗ്ഷൻ വഴി തിരിച്ചുവിടും. യാത്രക്കാരുടെ സൗകര്യത്തിനായി ഈ ട്രെയിനു കോയമ്പത്തൂര്‍ ജംഗ്ഷനിൽ അധിക സ്റ്റോപ്പ് അനുവദിച്ചിട്ടുണ്ട്.
സേലം ഡിവിഷനുകീഴിലെ മേഖലകളില്‍ മൂന്ന്, അഞ്ച്, ഏഴ് തീയതികളില്‍ എറണാകുളം ജംഗ്ഷൻ - ടാറ്റാ നഗര്‍ എക്സ്പ്രസ് ട്രെയിന് (18190) 50 മിനിറ്റും ആലപ്പുഴ- ധന്‍ബാദ് എക്സ്പ്രസ് ട്രെയിന് (13352) 45 മിനിറ്റും നിയന്ത്രണം ഉണ്ടാവുമെന്നും റെയില്‍വേ അധികൃതര്‍ അറിയിച്ചു.