വൈദ്യുതി ആവശ്യകത കൂടിയ ഏപ്രിൽ, മേയ് മാസങ്ങളിലും ജൂണിലും ഇതേ രീതിയിൽ വൈദ്യുതി അനുവദിക്കണമെന്നും കെഎസ്ഇബി കേന്ദ്രസർക്കാരിനോട് ആവശ്യപ്പെട്ടിട്ടുണ്ട്. ഊർജ പ്രതിസന്ധിയുടെ പശ്ചാത്തലത്തിൽ മന്ത്രി കെ. കൃഷ്ണൻകുട്ടിയുടെ നിർദേശപ്രകാരം കെഎസ്ഇബി ചെയർമാനും മാനേജിംഗ് ഡയറക്ടറുമായ ബിജു പ്രഭാകറിന്റെ നേതൃത്വത്തിലുള്ള സംഘം കേന്ദ്ര ഊർജവകുപ്പ് സെക്രട്ടറിയെ സന്ദർശിച്ച് കേരളം നേരിടുന്ന ഊർജ പ്രതിസന്ധി വിശദീകരിക്കുകയും കത്തുകൾ അയയ്ക്കുകയും ചെയ്തിരുന്നു. ഇതേത്തുടർന്നാണ് അനുകൂല നടപടിയുണ്ടായത്.
ഇതിനു പുറമേ അടുത്ത ആറു മാസത്തേക്ക് പ്രതിമാസം 200 മുതൽ 695 മെഗാവാട്ട് വരെ വൈദ്യുതി വാങ്ങാനുള്ള ഹ്രസ്വകാല കരാറുകൾക്ക് വൈദ്യുതി റെഗുലേറ്ററി കമ്മീഷൻ അംഗീകാരം നൽകുകയും ചെയ്തിട്ടുണ്ട്.