എന്നാല്‍ അപകടങ്ങളില്‍ മരിച്ചവരും പരുക്കേറ്റവരും ഒട്ടേറെയുണ്ട്. അപകടസാധ്യത സംബന്ധിച്ച് മതിയായ മുന്നറിയിപ്പ് ബോര്‍ഡുകള്‍ പോലുമില്ല. കടന്നുപോകുന്ന വാഹനങ്ങള്‍ റോഡ് ടാക്‌സും സെസും അടയ്ക്കുന്നതല്ലേയെന്ന് കോടതി ചോദിച്ചു.
അപകടങ്ങള്‍ സംബന്ധിച്ച മാധ്യമറിപ്പോര്‍ട്ടുകള്‍ ശേഖരിക്കുന്നുണ്ട്. റോഡുകളുടെ കാര്യത്തില്‍ ഇടപെടണമെന്നാവശ്യപ്പെട്ടു നിരവധി കത്തുകളാണ് ലഭിക്കുന്നതെന്നും കോടതി ചൂണ്ടിക്കാട്ടി. ഉദ്യോഗസ്ഥര്ക്ക് എല്ലാറ്റിനും ഒഴികഴിവുകള്‍ പറയാനുണ്ട്.
സ്വന്തം പരിധിയിലെ റോഡുകള്‍ മരണക്കളമാകുന്നത് അവര്‍ കണ്ടില്ലെന്നു നടിക്കുകയാണ്. ഇനിയും ഇടപെട്ടില്ലെങ്കില്‍ കോടതിയുടെ കര്‍ശന നടപടി ഉണ്ടാകുമെന്നും മുന്നറിയിപ്പ് നല്‍കി.