പ്രദേശവാസികളുമായും സമരസമിതി നേതാക്കളുമായും എംപി ആശയവിനിമയം നടത്തി. സമിതി നേതാക്കൾ പ്രശ്നപരിഹാരം ആവശ്യപ്പെട്ട് എംപിക്കു നിവേദനം കൈമാറി. ബിജെപി നേതാക്കളായ ഷോൺ ജോർജ്, എസ്. സുരേഷ്, കെ.എസ്. ഷൈജു തുടങ്ങിയവരും എംപിക്കൊപ്പമുണ്ടായിരുന്നു.
അതേസമയം, വഖഫ് സംരക്ഷണത്തിനു വിഘാതം സൃഷ്‌ടിക്കുന്നതാണ് നിർദിഷ്‌ട വഖഫ് ഭേദഗതി ബില്ലെന്നു ചൂണ്ടിക്കാട്ടി സംസ്ഥാന വഖഫ് ബോർഡ് ജെപിസി ചെയർമാൻ ജഗദാംബിക പാൽ എംപിക്കു നിവേദനം നൽകി. ചെയർമാൻ അഡ്വ. എം.കെ. സക്കീറിന്‍റെ നേതൃത്വത്തിലാണു നിവേദനം നൽകിയത്.