ലോറന്‍സിന്‍റെ മകള്‍ ആശയ്ക്കുവേണ്ടി ഹൈക്കോടതിയില്‍ ഹാജരായ ആര്‍. കൃഷ്ണരാജാണു ഫോണിലൂടെ വധഭീഷണി മുഴക്കിയത്. ഹിയറിംഗില്‍ ലോറന്‍സിന്‍റെ മക്കളുടെയും ബന്ധുക്കളുടെയും മൊഴിയെടുക്കുന്നതിനിടെയാണ് ഫോണ്‍ വന്നത്.
ആശയ്‌ക്കൊപ്പമെത്തിയ കൃഷ്ണരാജിന്‍റെ ജൂണിയര്‍ അഭിഭാഷക ലക്ഷ്മിപ്രിയയുടെ ഫോണിലേക്കായിരുന്നു കോള്‍. അവര്‍ ലൗഡ് സ്പീക്കറിലിട്ട് കൃഷ്ണരാജിന്‍റെ ഭീഷണി ഡോക‌്ടര്‍മാരെ കേള്‍പ്പിക്കുകയായിരുന്നു.
തങ്ങള്‍ക്ക് അനുകൂലമായി തീരുമാനമെടുത്തില്ലെങ്കില്‍ കൊല്ലുമെന്നായിരുന്നു ഭീഷണിയെന്ന് പ്രിന്‍സിപ്പല്‍ ഡോ. എം.എസ്. പ്രതാപ് സോംനാഥ് പരാതിയില്‍ പറഞ്ഞു. തുടര്‍ന്ന് കൃഷ്ണരാജിനെതിരേ പ്രിന്‍സിപ്പല്‍ കളമശേരി പോലീസില്‍ പരാതി നല്‍കുകയും കേസെടുക്കുകയുമായിരുന്നു.