മരട് പോലീസും വടക്കാഞ്ചേരി പോലീസും രജിസ്റ്റര് ചെയ്ത രണ്ടു കേസുകളാണ് മുകേഷിനെതിരേയുള്ളത്. ഈ കേസുകളിലാണ് ചോദ്യം ചെയ്യല് നടന്നത്. കേസില് മുകേഷിന് മുന്കൂര് ജാമ്യം അനുവദിച്ചിരുന്നെങ്കിലും പരാതിക്കാരിയുടെ മൊഴി രേഖപ്പെടുത്തിയതിനെത്തുടര്ന്ന് തുടര്നടപടികളുടെ ഭാഗമായാണു ചോദ്യം ചെയ്തത്. ചോദ്യംചെയ്യലിനുശേഷം പുറത്തിറങ്ങിയ മുകേഷ് മാധ്യമങ്ങളോടു പ്രതികരിക്കാതെ മടങ്ങി.
ഹേമ കമ്മിറ്റി റിപ്പോര്ട്ടിനു പിന്നാലെയാണ് ആലുവ സ്വദേശിനിയായ നടി മുകേഷിനെതിരേ പരാതി നല്കിയത്. 2009ല് സിനിമയില് അവസരവും സിനിമാ സംഘടനയില് അംഗത്വവും വാഗ്ദാനം ചെയ്തു ലൈംഗികമായി ദുരുപയോഗം ചെയ്തെന്നായിരുന്നു ആരോപണം. കഴിഞ്ഞ ഓഗസ്റ്റ് 28നാണ് മുകേഷിനെതിരേ കേസെടുത്തത്.
കേസില് ഏഴു പേര് ഹേമ കമ്മിറ്റി റിപ്പോര്ട്ടിനെത്തുടര്ന്ന് ആലുവ സ്വദേശിനിയായ നടി ഏഴു പേര്ക്കെതിരേയാണ് ലൈംഗികപീഡന പരാതി നല്കിയത്. മുകേഷ്, മണിയന്പിള്ള രാജു, അഡ്വ. ചന്ദ്രശേഖരന്, ഇടവേള ബാബു, ജയസൂര്യ അടക്കമുള്ള ഏഴുപേര് ലൈംഗികമായി പീഡിപ്പിച്ചുവെന്നാണ് പരാതി.
ഇതില് മുകേഷ്, അഡ്വ. ചന്ദ്രശേഖരന്, ജയസൂര്യ എന്നിവര്ക്ക് മുന്കൂര് ജാമ്യം ലഭിച്ചിരുന്നു. മണിയന് പിള്ള രാജുവിനെതിരേയുള്ള പരാതി 2015ന് മുമ്പുള്ളതാണെന്നു കണ്ടെത്തി ജാമ്യാപേക്ഷ തീര്പ്പാക്കി.