കൊച്ചി: ലൈംഗികാതിക്രമ കേസില് സംവിധായകന് ഒമര് ലുലുവിന്റെ അറസ്റ്റ് തടഞ്ഞുള്ള ഇടക്കാല ഉത്തരവ് ഹൈക്കോടതി നീട്ടി.
ഒമര് ലുലു നല്കിയ മുന്കൂര് ജാമ്യഹര്ജി വീണ്ടും പരിഗണിക്കാന് മാറ്റിയ ഓക്ടോബര് പത്തുവരെയാണ് ജസ്റ്റീസ് സി.എസ്. ഡയസ് ഇടക്കാല ജാമ്യവും നീട്ടിയത്.
കേസില് കക്ഷിചേര്ന്ന പരാതിക്കാരി മറുപടി സമര്പ്പിക്കാന് സമയം തേടിയതിനെത്തുടര്ന്നാണു ഹര്ജി മാറ്റിയത്. പുതിയ സിനിമയില് അവസരം നല്കാമെന്നു വാഗ്ദാനം ചെയ്ത് പീഡിപ്പിച്ചെന്നതടക്കം ആരോപിച്ച് യുവനടി നല്കിയ പരാതിയിലെ കേസിലാണു മുന്കൂര് ജാമ്യഹര്ജി നല്കിയിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.