എം.എം. ലോറന്‍സ് കതൃക്കടവ് സെന്‍റ് സേവ്യേഴ്‌സ് ഇടവകാംഗമാണെന്നും അദ്ദേഹത്തിന്‍റെയും നാലു മക്കളുടെയും വിവാഹം നടന്നത് ക്രൈസ്തവ ആചാര പ്രകാരമാണെന്നും ഹര്‍ജിയില്‍ ചൂണ്ടിക്കാട്ടിയിരുന്നു.
ലോറന്‍സിന്‍റെ പിതാവിന്‍റെയും ഭാര്യയുടെയും സംസ്‌കാരം പള്ളിയിലാണു നടന്നത്. തന്‍റെ മൃതദേഹം പള്ളിയില്‍ സംസ്‌കരിക്കരുതെന്നോ മെഡിക്കല്‍ കോളജിന് വിട്ടുനല്‍കണമെന്നോ പിതാവ് ആഗ്രഹം പറഞ്ഞിട്ടില്ല.
ഇത്തരമൊരു കാര്യം പറഞ്ഞതായി രേഖാമൂലമുള്ള സമ്മതപത്രവുമില്ല. അങ്ങനെ പറഞ്ഞുവെന്ന വെറും സങ്കല്‍പ്പത്തിന്‍റെ അടിസ്ഥാനത്തില്‍ മൃതദേഹം മെഡിക്കല്‍ കോളജിലേക്ക് പഠനാവശ്യത്തിനായി മാറ്റാനാകില്ല. പാര്‍ട്ടി തീരുമാനം രണ്ടു മക്കള്‍ നടപ്പാക്കാന്‍ ശ്രമിക്കുകയാണ്.
ഈ സാഹചര്യത്തില്‍ മൃതദേഹം മതാചാരപ്രകാരം സംസ്‌കരിക്കാന്‍ വിട്ടുനല്‍കണമെന്നായിരുന്നു ഹര്‍ജിക്കാരിയുടെ വാദം.