പക്ഷെ 23 വര്‍ഷങ്ങള്‍ക്കിപ്പുറവും സോഷ്യല്‍ മീഡിയയിലെ തട്ടിപ്പുകള്‍ക്കോ മറ്റ് തട്ടിപ്പുകള്‍ക്കോ യാതൊരു ശമനവും ഉണ്ടായിട്ടില്ല. ഇന്‍സ്റ്റഗ്രാം, ഫേസ്ബുക്ക്, വാട്‌സാപ്, ടെലഗ്രാം തുടങ്ങിയ മാധ്യമങ്ങളിലൂടെയെല്ലാം ട്രേഡിംഗ് തട്ടിപ്പ് നടക്കുന്നു. പേജില്‍ ആളുകള്‍ സന്ദര്‍ശിക്കുന്നു, പോസ്റ്റുകള്‍ വായിക്കുന്നു..പക്ഷേ സമാന തട്ടില്‍ത്തന്നെ അവര്‍ വീഴുകയും ചെയ്യുന്നു.
1.9 എം ഫോളോവേഴ്‌സാണു പേജിലുള്ളത്. ഓരോ വര്‍ഷവും ഫോളോവേഴ്‌സ് കൂടുന്നു. പക്ഷേ ഫലമില്ല എന്നുമാത്രം. സൈബര്‍ തട്ടിപ്പ് കൂടുമ്പോള്‍ പലപ്പോഴും ഒരേ കാര്യംതന്നെ വീണ്ടും ഓര്‍മിപ്പിച്ച് പോലീസ് പോസ്റ്റിടാറുണ്ട്.
കെഎസ്ഇബി വഴിയുള്ള തട്ടിപ്പ്, ബാങ്കില്‍നിന്നു ലോണ്‍ പാസായി എന്നറിയിച്ചുകൊണ്ടുള്ള തട്ടിപ്പ്, ഇ-സിം തട്ടിപ്പ് , റിവാര്‍ഡ് ,പോലീസ് വെര്‍ച്വല്‍ അറസ്റ്റ് തുടങ്ങി എല്ലാ കാര്യത്തിലും കബളിക്കപ്പെടാനുള്ള സാധ്യത ചുണ്ടിക്കാട്ടി പോലീസ് പോസ്റ്റിട്ടതാണ്. പക്ഷേ ലൈക്കടിച്ച് ആളുകള്‍ സമാന തട്ടിപ്പില്‍ പോയി വീഴുന്നു. അത്രമാത്രം...