കേ​ച്ചേ​രി: പെ​രു​മ​ണ്ണ് പി​ഷാ​രി​ക്ക​ൽ കാ​ർ​ത്യാ​യ​നി ക്ഷേ​ത്ര​ത്തി​ലെ ഭ​ണ്ഡാ​ര​ങ്ങ​ൾ കു​ത്തി​ത്തു​റ​ന്ന് പ​ണ​വും ഭ​ഗ​വ​തി​ക്കു ചാ​ർ​ത്തു​ന്ന വെ​ള്ളിമു​ഖ​വും ക​വ​ർ​ന്നു. പി​ന്നീ​ട് പോ​ലീ​സ് ന​ട​ത്തി​യ പ​രി​ശോ​ധ​ന​യി​ൽ വെ​ള്ളിമു​ഖം ക്ഷേ​ത്ര​ത്തി​ലെ മ​റ്റൊ​രു കോ​ണി​ൽനി​ന്ന് ല​ഭി​ച്ചു. ചൊ​വ്വാ​ഴ്ച പു​ല​ർ​ച്ചെ പൂ​ജാക​ർ​മങ്ങ​ൾ​ക്കാ​യി എ​ത്തി​യ മേ​ൽ​ശാ​ന്തി​യാ​ണ് വാ​തി​ൽ തു​റ​ന്നു കി​ട​ക്കു​ന്ന​തു ക​ണ്ട​ത്. ഉ​ട​ൻ​ത​ന്നെ ക്ഷേ​ത്രഭാ​ര​വാ​ഹി​ക​ളെ​യും പോ​ലീ​സി​നെ​യും വി​വ​ര​മ​റി​യി​ച്ചു.

പോ​ലീ​സും ഡോ​ഗ് സ്ക്വാ​ഡും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ക്ഷേ​ത്ര​ത്തി​നു പു​റ​ത്തും അ​ക​ത്തു​മാ​യി സ്ഥാ​പി​ച്ചി​ട്ടു​ള്ള ര​ണ്ട് ഭ​ണ്ഡാ​ര​ങ്ങ​ളു​ടെ പൂ​ട്ട് ത​ക​ർ​ത്തി​രു​ന്നു. ക്ഷേ​ത്രം ഓ​ഫീ​സി​ന്‍റെ വാ​തി​ൽ ത​ക​ർ​ത്ത് അ​ക​ത്തു​ള്ള അ​ല​മാ​ര​യി​ൽ സൂ​ക്ഷി​ച്ച പ​ണ​വും മോ​ഷ​ണം പോ​യി. ക​മ്പി​പ്പാ​രപോ​ലെ​യു​ള്ള ആ​യു​ധം ഉ​പ​യോ​ഗി​ച്ചാ​ണ് വാ​തി​ലു​ക​ളും ഭ​ണ്ഡാ​ര​ങ്ങ​ളും തു​റ​ന്ന​ത്.

ര​ണ്ട് ഭ​ണ്ഡാ​ര​ങ്ങ​ളി​ൽ നി​ന്നാ​യി ഏ​ക​ദേ​ശം 10,000 രൂ​പ​യും ഇ​ന്ന​ല​ത്തെ ക​ള​ക്ഷ​നാ​യ 4800 രൂ​പ​യും 5000 രൂ​പ​യു​ടെ നാ​ണ​യ​ങ്ങ​ളും ന​ഷ്ട​പ്പെ​ട്ടു. കു​ന്നം​കു​ളം സ്റ്റേ​ഷ​ൻ ഹൗ​സ് ഓ​ഫീ​സ​റും സം​ഘ​വും സ്ഥ​ല​ത്തെ​ത്തി അ​ന്വേ​ഷ​ണം ആ​രം​ഭി​ച്ചു.

ക്ഷേ​ത്ര​ത്തി​ന്‍റെ മേ​ൽ​ക്കൂ​ര​യി​ലെ ഇ​രു​മ്പുഷീ​റ്റ് ഇ​ള​ക്കി​യാ​ണ് മോ​ഷ്ടാ​ക്ക​ൾ അ​ക​ത്തുപ്ര​വേ​ശി​ച്ച​തെ​ന്ന് ക​രു​തു​ന്നു.