പാ​ല​പ്പി​ള്ളി: കു​ണ്ടാ​യി​യി​ല്‍ കാ​ട്ടാ​ന​യെ ക​ണ്ട് ഭ​യ​ന്നോ​ടി​യ തോ​ട്ടം​തൊ​ഴി​ലാ​ളി​യാ​യ സ്ത്രീ​ക്കു പ​രി​ക്കേ​റ്റു. മു​രി​ക്കു​ങ്ങ​ല്‍ സ്വ​ദേ​ശി കേ​ളം​പ​ടി​ക്ക​ല്‍ ഹ​നീ​ഫി​ന്‍റെ ഭാ​ര്യ റെ​ജീ​ന(52) യ്ക്കാ​ണ് പ​രി​ക്കേ​റ്റ​ത്. കൈ​ക്കും കാ​ലി​ലും പ​രി​ക്കേ​റ്റ റെ​ജീ​ന​യെ തൃ​ശൂ​ര്‍ മെ​ഡി​ക്ക​ല്‍ കോള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

ഇ​ന്ന​ലെ രാ​വി​ലെ എ​ട്ടു​മ​ണി​യോ​ടെ ഹാ​രി​സ​ണ്‍ തോ​ട്ട​ത്തി​ലാ​ണ് സം​ഭ​വം. ടാ​പ്പിം​ഗ് ചെ​യ്യു​ന്ന​തി​നി​ടെ ആ​ന​ക്കൂ​ട്ടം വ​രു​ന്ന​തു​ക​ണ്ട് ഭ​യ​ന്നോ​ടു​ന്ന​തി​നി​ടെ വീ​ണാ​ണ് റെ​ജീ​ന​യ്ക്കു പ​രി​ക്കേ​റ്റ​ത്. ത​ല​നാ​രി​ഴ​യ്ക്കാ​ണ് ഇ​വ​ര്‍ ആ​ന​ക്കൂ​ട്ട​ത്തി​ല്‍​നി​ന്ന് ര​ക്ഷ​പ്പെ​ട്ട​ത്. മ​റ്റു തൊ​ഴി​ലാ​ളി​ക​ള്‍ ചേ​ര്‍​ന്ന് ഒ​ച്ച​വ​ച്ച് ആ​ന​ക്കൂ​ട്ട​ത്തെ അ​ക​റ്റി​യ​ശേ​ഷ​മാ​ണ് റെ​ജീ​ന​യെ ര​ക്ഷ​പ്പെ​ടു​ത്തി​യ​ത്.

ആ​ഴ്ച​ക​ളാ​യി ഈ ​പ്ര​ദേ​ശ​ത്തു കാ​ട്ടാ​ന​ശ​ല്യം രൂ​ക്ഷ​മാ​ണ്. തോ​ട്ട​ങ്ങ​ളി​ല്‍ നി​ല​യു​റ​പ്പി​ച്ചി​രി​ക്കു​ന്ന ആ​ന​ക്കൂ​ട്ട​ത്തെ ഭ​യ​ന്നാ​ണ് തൊ​ഴി​ലാ​ളി​ക​ള്‍ പ​ണി​ക്കി​റ​ങ്ങു​ന്ന​ത്. നി​ര​വ​ധി​ത​വ​ണ വ​ന​പാ​ല​ക​ര്‍​ക്കും തോ​ട്ടം മാ​നേ​ജ്‌​മെ​ന്‍റി​നും പ​രാ​തി ന​ല്‍​കി​യി​ട്ടും ആ​ന​ക​ളെ കാ​ടു​ക​യ​റ്റാ​ന്‍ അ​ധി​കൃ​ത​ര്‍ യാ​തൊ​രു ന​ട​പ​ടി​യും എ​ടു​ത്തി​ല്ലെ​ന്ന് ആ​ക്ഷേ​പ​മു​ണ്ട്.

ക​ഴി​ഞ്ഞ​ദി​വ​സം ആ​ന​ക്കൂ​ട്ടം ഇ​റ​ങ്ങി വ്യാ​പ​ക​മാ​യി കൊ​ക്കോ കൃ​ഷി ന​ശി​പ്പി​ച്ചി​രു​ന്നു. കാ​ട്ടാ​ന ആ​ക്ര​മ​ണം പ​തി​വാ​യ മേ​ഖ​ല​യി​ല്‍ തൊ​ഴി​ലാ​ളി​ക​ള്‍​ക്കു സു​ര​ക്ഷ​യൊ​രു​ക്കാ​ന്‍ വ​ന​പാ​ല​ക​ര്‍ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.