സ്വ​ന്തം ലേ​ഖ​ക​ൻ

ഗു​രു​വാ​യൂ​ര്‍: ക​ണ്ണ​നെ കാ​ണാ​ൻ പ​തി​നാ​യി​ര​ങ്ങ​ൾ വ്ര​ത​ശു​ദ്ധി​യോ​ടെ ക്ഷേ​ത്ര​സ​ന്നി​ധി​യി​ലേ​ക്ക് ഒഴു​കി​യെ​ത്തി​യ​തോ​ടെ ഏ​കാ​ദ​ശി​നാ​ളി​ൽ ക്ഷേ​ത്ര​ന​ഗ​രം ജ​ന​സാ​ഗ​ര​മാ​യി. ക്ഷേ​ത്ര ന​ട​പ്പു​ര​ക​ളും സ​മീ​പ റോ​ഡു​ക​ളും പാ​ർ​ക്കിം​ഗ് കേ​ന്ദ്ര​വു​മെ​ല്ലാം ഭ​ക്ത​ജ​ന​ങ്ങ​ളെ​ക്കൊ​ണ്ടു നി​റ​ഞ്ഞു. ദ​ർ​ശ​ന​ത്തി​നു​ള്ള വ​രി ക്ഷേ​ത്ര​ത്തി​ൽ​നി​ന്ന് ര​ണ്ടു​കി​ലോ​മീ​റ്റ​റോ​ളം നീ​ണ്ടു. നാ​രാ​യ​ണ​നാ​മം ചൊ​ല്ലി​യും ഗു​രു​വാ​യൂ​ര​പ്പ​നെ ഭ​ജി​ച്ചും പ​തി​നാ​യി​ര​ങ്ങ​ള്‍ ദ​ര്‍​ശ​ന​പു​ണ്യം നേ​ടി. പീ​ലി​ത്തി​രു​മു​ടി​ചാ​ര്‍​ത്തി പൊ​ന്നോ​ട​ക്കു​ഴ​ലു​മാ​യി ആ​ശ്രി​ത​വ​ത്സ​ല​നാ​യ ഭ​ഗ​വാ​ന്‍ ഗു​രു​വാ​യൂ​ര​പ്പ​ന്‍ ഭ​ക്ത​ര്‍​ക്ക് അ​നു​ഗ്ര​ഹം​ചൊ​രി​ഞ്ഞു.

ഗു​രു​വാ​യൂ​ര്‍ ദേ​വ​സ്വം​വ​ക ചു​റ്റു​വി​ള​ക്കോ​ടെ​യു​ള്ള വി​ള​ക്കാ​ഘോ​ഷ​മാ​യി​രു​ന്നു ഇ​ന്ന​ലെ. ക്ഷേ​ത്ര​ത്തി​ല്‍ രാ​വി​ലെ ന​ട​ന്ന ശീ​വേ​ലി​ക്ക് കൊ​മ്പ​ന്‍ ഇ​ന്ദ്ര​സെ​ൻ കോ​ല​മേ​റ്റി. ഗു​രു​വാ​യൂ​ർ ശ​ശി​മാ​രാ​ർ മേ​ളം ന​യി​ച്ചു. പാ​ർ​ഥ​സാ​ര​ഥി ക്ഷേ​ത്ര​ത്തി​ലേ​ക്കു ന​ട​ന്ന എ​ഴു​ന്ന​ള്ളി​പ്പി​ന് കൊ​മ്പ​ന്‍ ഗോ​കു​ൽ കോ​ല​മേ​റ്റി. പ​ല്ല​ശന മു​ര​ളി​യു​ടെ നേ​തൃ​ത്വ​ത്തി​ല്‍ പ​ഞ്ച​വാ​ദ്യം അ​ക​മ്പ​ടി​യാ​യി. തി​രി​ച്ചെ​ഴു​ന്ന​ള്ളി​പ്പി​നു നാ​ദ​സ്വ​ര​മാ​യി​രു​ന്നു അ​ക​ന്പ​ടി. രാ​ത്രി വി​ള​ക്കെ​ഴു​ന്നെ​ള്ളി​പ്പി​നു കൊ​മ്പ​ൻ ഇ​ന്ദ്ര​സെ​ൻ ഗു​രു​വാ​യൂ​ര​പ്പ​ന്‍റെ സ്വ​ര്‍​ണ​ക്കോ​ല​മേ​റ്റി.

ദ​ര്‍​ശ​ന​ത്തി​നും പ്ര​സാ​ദ​ഊ​ട്ടി​നും വ​ലി​യ ഭ​ക്ത​ജ​ന​ത്തി​ര​ക്കാ​ണ് അ​നു​ഭ​വ​പ്പെ​ട്ട​ത്. രാ​വി​ലെ ആ​റു​മു​ത​ല്‍ ഉ​ച്ച​യ്ക്ക് ര​ണ്ടു​വ​രെ വി​ഐ​പി ദ​ര്‍​ശ​നം അ​നു​വ​ദി​ച്ചി​ല്ല. ഏ​കാ​ദ​ശിവ്ര​തം എ​ടു​ത്ത​വ​ര്‍​ക്കാ​യി അ​ന്ന​ല​ക്ഷ്മി ഹാ​ളി​ലും തെ​ക്കേ​ന​ട​യി​ലെ ശ്രീ​ഗു​രു​വാ​യൂ​ര​പ്പ​ൻ ഓ​ഡി​റ്റോ​റി​യ​ത്തി​ലു​മാ​യി പ്ര​ത്യേ​ക വി​ഭ​വ​ങ്ങ​ളോ​ടെ​യു​ള്ള പ്ര​സാ​ദ​ഊ​ട്ട് രാ​വി​ലെ ഒ​ന്പ​തി​ന് ആ​രം​ഭി​ച്ചു. ഗോ​ത​മ്പു​ചോ​റ്, ര​സ​കാ​ള​ന്‍, പു​ഴു​ക്ക്, ഉ​പ്പി​ലി​ട്ട​ത്, ഗോ​ത​മ്പുപാ​യ​സം എ​ന്നീ വി​ഭ​വ​ങ്ങ​ളാ​ണ് ദേ​വ​സ്വം ഒ​രു​ക്കി​യ​ത്. പ്ര​സാ​ദ​ഊ​ട്ടി​നും വ​ന്‍ ഭ​ക്ത​ജ​ന​ത്തി​ര​ക്കാ​ണു​ണ്ടാ​യ​ത്. 40,000 ത്തോ​ളം പേ​ര്‍ പ്ര​സാ​ദ​ഊ​ട്ടി​ല്‍ പ​ങ്കെ​ടു​ത്തു.

ദ​ശ​മി ദി​വ​സം പു​ല​ര്‍​ച്ചെ തു​റ​ന്ന ക്ഷേ​ത്ര​ന​ട ഇ​ന്നു രാ​വി​ലെ എ​ട്ടി​ന് അ​ട​യ്ക്കും. വീ​ണ്ടും ഉ​ച്ച​ക​ഴി​ഞ്ഞ് 3.30 ന് ​തു​റ​ക്കും.

ക്ഷേ​ത്ര​ത്തി​ലും പ​രി​സ​ര​ത്തും തി​ര​ക്ക് നി​യ​ന്ത്രി​ക്കാ​ന്‍ പോ​ലീ​സി​നു​പു​റ​മേ എ​ന്‍​സി​സി, സ്‌​കൗ​ട്ട് വി​ഭാ​ഗ​ങ്ങ​ളും സേ​വ​ന​ത്തി​നു​ണ്ടായിരുന്നു.
ഇ​ന്ന​ർ, ഔ​ട്ട​ർ റിം​ഗ് റോ​ഡു​ക​ളി​ൽ വ​ൺ​വേ സം​വി​ധാ​നം ക​ർ​ശ​ന​മാ​ക്കി​യി​രു​ന്നു.