ആ​ലു​വ: കീ​ഴ്മാ​ട്-​കു​ട്ട​മ​ശേ​രി-​ജി​ടി​എ​ൻ സ​ർ​ക്കു​ല​ർ റോ​ഡി​ലെ വീ​തി കു​റ​വ് കാ​ര​ണം വാ​ഹ​ന​ങ്ങ​ൾ കു​ടു​ങ്ങു​ന്ന​താ​യി പ​രാ​തി. തോ​ട്ടു​മു​ഖം ത​ടി​യി​ട്ടു​പ​റ​മ്പ് റോ​ഡി​ൽ നെ​ല്ലി​പ്പ​റ​മ്പ​ത്ത് ക​ലു​ങ്ക് പാ​ലം പു​ന​ർ​നി​ർ​മാണം ന​ട​ന്ന​തോ​ടെ വാ​ഹ​ന​ങ്ങ​ൾ വ​ലി​യ തോ​തി​ൽ വീ​തി കു​റ​ഞ്ഞ സ​ർ​ക്കു​ല​ർ റോ​ഡി​ലൂ​ടെ പോ​കു​ന്ന​താ​ണ് ഗ​താ​ഗ​ത​ക്കു​രു​ക്ക് രൂ​ക്ഷ​മാ​ക്കു​ന്ന​ത്.

അ​പ​ക​ട ഭീ​ഷ​ണി​യാ​യി വ​ള​വു​ക​ളി​ലു​ള്ള വൈ​ദ്യു​തി പോ​സ്റ്റു​ക​ൾ ഗ​താ​ഗ​ത ത​ട​സമി​ല്ലാ​ത്ത മേ​ഖ​ല​യി​ലേ​ക്ക് മാ​റ്റി സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. നാ​ല് കി​ലോ​മീ​റ്റ​ർ മേ​ഖ​ല​യി​ലാ​ണ് ഗ​താ​ഗ​ത​ക്കു​രു​ക്ക് രൂ​ക്ഷ​മാ​കു​ന്ന​ത്. സ്കൂ​ൾ ബ​സു​ക​ളും ആം​ബു​ല​ൻ​സു​ക​ളും സ​ർ​ക്കു​ല​ർ റോ​ഡി​ലെ ബ്ലോ​ക്കി​ൽ പെ​ടാ​റു​ണ്ട്.

കീ​ഴ്മാ​ട് പ​ഞ്ചാ​യ​ത്ത്, വൈ​ദ്യു​തി ബോ​ർ​ഡ്, പൊ​തു​മ​രാ​മ​ത്ത് വ​കു​പ്പ് എ​ന്നി​വ​ർ​ക്ക് പ​രാ​തി ന​ൽ​കി​യെ​ങ്കി​ലും യാ​തൊ​രു ന​ട​പ​ടി​യു​മി​ല്ലെ​ന്ന് കീ​ഴ്മാ​ട് സ്വ​ദേ​ശി സു​ബ്ര​ഹ്മ​ണ്യ​ൻ പ​റ​ഞ്ഞു. ക്രൈ​സ്ത​വ മ​ഹി​ളാ​ല​യം സ്കൂ​ൾ, ബ്ലൈ​ൻ​ഡ് സ്കൂ​ൾ എം​ആ​ർ​എ​സ് സ്കൂ​ൾ, പ​ഞ്ചാ​യ​ത്ത് വി​ല്ലേ​ജ് ഓ​ഫീ​സു​ക​ൾ, പ്രാ​ഥ​മി​ക ആ​രോ​ഗ്യ കേ​ന്ദ്രം, മൃ​ഗാ​ശു​പ​ത്രി, കൃ​ഷി​ഭ​വ​ൻ രാ​ജ​ഗി​രി ഹോ​സ്പി​റ്റ​ൽ എ​ന്നീ സ്ഥാ​പ​ന​ങ്ങ​ളി​ലേ​ക്ക് വി​വി​ധാ​വ​ശ്യ​ങ്ങ​ൾ​ക്ക് പോ​കു​ന്ന​വ​രാ​ണ് റോ​ഡി​ൽ കു​ടു​ക്കു​ന്ന​ത്.

സ്കൂ​ൾ വി​ദ്യാ​ർ​ത്ഥി​ക​ൾ​ക്ക് ക്ലാ​സി​ൽ കൃ​ത്യ​സ​മ​യ​ത്ത് എ​ത്താ​ൻ ക​ഴി​യാ​തെ​യും വ​രു​ന്നു​ണ്ട്. റോ​ഡി​ന്‍റെ വീ​തി കു​റ​വു​ള്ള ഭാ​ഗ​ത്ത് വീ​തി കൂ​ട്ടി പ​ണി​യു​ന്ന​തി​ന് പ​ഞ്ചാ​യ​ത്തും പി​ഡ​ബ്ല്യു​ഡി​യും തയാ​റാ​ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.