കൊ​ച്ചി: റൂ​ട്ട് പെ​ര്‍​മി​റ്റി​നാ​യി കൈ​ക്കൂ​ലി ആ​വ​ശ്യ​പ്പെ​ട്ട റീ​ജ​ണ​ല്‍ ട്രാ​ന്‍​സ്‌​പോ​ര്‍​ട്ട് ഓ​ഫീ​സ​റും കൂ​ട്ടു​നി​ന്ന ര​ണ്ട് ഏ​ജ​ന്‍റു​മാ​രും വി​ജി​ല​ന്‍​സ് പി​ടി​യി​ല്‍. എ​റ​ണാ​കു​ളം റീ​ജ​ണ​ല്‍ ട്രാ​ന്‍​സ്‌​പോ​ര്‍​ട്ട് ഓ​ഫീ​സി​ലെ ആ​ര്‍​ടി​ഒ ജെ​ര്‍​സ​ണ്‍, ഏ​ജ​ന്‍റു​മാ​രാ​യ സ​ജി, രാ​മ​പ​ടി​യാ​ര്‍ എ​ന്നി​വ​രാ​ണ് പി​ടി​യി​ലാ​യ​ത്. ഇ​വ​രു​ടെ പ​ക്ക​ല്‍ നി​ന്ന് കൈ​ക്കൂ​ലി​യാ​യി വാ​ങ്ങി​യ 5000 രൂ​പ​യും ഒ​രു കു​പ്പി മ​ദ്യ​വും വി​ജി​ല​ന്‍​സ് പി​ടി​ച്ചെ​ടു​ത്തു.

ചെ​ല്ലാ​നം സ്വ​ദേ​ശി​യാ​ണ് പ​രാ​തി​ക്കാ​ര​ന്‍. ഇ​ദ്ദേ​ഹ​ത്തി​ന്‍റെ സു​ഹൃ​ത്തി​ന്‍റെ പേ​രി​ലു​ള്ള ചെ​ല്ലാ​നം-​ഫോ​ര്‍​ട്ടു​കൊ​ച്ചി റൂ​ട്ടി​ല്‍ സ​ര്‍​വീ​സ് ന​ട​ത്തു​ന്ന ബ​സി​ന്‍റെ പെ​ര്‍​മി​റ്റ് ഈ ​മാ​സം മൂ​ന്നി​ന് അ​വ​സാ​നി​ച്ചി​രു​ന്നു. പെ​ര്‍​മി​റ്റ് പ​രാ​തി​ക്കാ​ര​ന്‍റെ സു​ഹൃ​ത്തി​ന്‍റെ ത​ന്നെ പേ​രി​ലു​ള്ള മ​റ്റൊ​രു ബ​സി​ന് അ​നു​വ​ദി​ച്ചു ന​ല്‍​കു​ന്ന​തി​ന് എ​റ​ണാ​കു​ളം റീ​ജ​ണ​ല്‍ ട്രാ​ന്‍​സ്‌​പോ​ര്‍​ട്ട് ഓ​ഫീ​സി​ല്‍ അ​പേ​ക്ഷ ന​ല്‍​കി.

ഇ​തേ​തു​ട​ര്‍​ന്ന് ആ​ര്‍​ടി​ഒ ജെ​ര്‍​സ​ണ്‍ താ​ത്കാ​ലി​ക പെ​ര്‍​മി​റ്റ് അ​നു​വ​ദി​ക്കു​ക​യും ചെ​യ്തു. എ​ന്നാ​ല്‍ ഇ​തി​നു ശേ​ഷം ഓ​രോ​രോ കാ​ര​ണ​ങ്ങ​ള്‍ പ​റ​ഞ്ഞ് ആ​ര്‍​ടി​ഒ മ​ന​പൂ​ര്‍​വം പെ​ര്‍​മി​റ്റ് വൈ​കി​പ്പി​ച്ചു. കൂ​ടാ​തെ ആ​ര്‍​ടി​ഒ​യു​ടെ നി​ര്‍​ദേ​ശ​പ്ര​കാ​രം ഏ​ജ​ന്‍റാ​യ രാ​മ​പ​ടി​യാ​ര്‍ പ​രാ​തി​ക്കാ​ര​നെ നേ​രി​ല്‍ ക​ണ്ട് പെ​ര്‍​മി​റ്റ് അ​നു​വ​ദി​ക്കു​ന്ന​തി​ന് മ​റ്റൊ​രു ഏ​ജ​ന്‍റാ​യ സ​ജി​യു​ടെ കൈ​യി​ല്‍ 5,000 രൂ​പ കൈ​ക്കൂ​ലി ന​ല്‍​ക​ണ​മെ​ന്ന് അ​റി​യി​ക്കു​ക​യും ചെ​യ്തു. തു​ട​ര്‍​ന്ന് പ​രാ​തി​ക്കാ​ര​ന്‍ ഈ ​വി​വ​രം എ​റ​ണാ​കു​ളം വി​ജി​ല​ന്‍​സ് യൂ​ണി​റ്റ് ഡെ​പ്യൂ​ട്ടി പോ​ലീ​സ് സൂ​പ്ര​ണ്ടി​നെ അ​റി​യി​ച്ചു.

അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ലു​ള്ള വി​ജി​ല​ന്‍​സ് സം​ഘം കെ​ണി​യൊ​രു​ക്കി നി​രീ​ക്ഷി​ച്ചു വ​ര​വേ ഇ​ന്ന​ലെ ഉ​ച്ച​യ്ക്ക് റീ​ജ​ണ​ല്‍ ട്രാ​ന്‍​സ്‌​പോ​ര്‍​ട്ട് ഓ​ഫീ​സി​ന് മു​ന്നി​ല്‍ വ​ച്ച് പ​രാ​തി​ക്കാ​ര​നി​ല്‍ നി​ന്നും സ​ജി​യും രാ​മ​പ​ടി​യാ​റും 5000 രൂ​പ​യും ഒ​രു കു​പ്പി വി​ദേ​ശ​മ​ദ്യ​വും കൈ​ക്കൂ​ലി​യാ​യി വാ​ങ്ങ​വെ വി​ജി​ല​ന്‍​സ് കൈ​യോ​ടെ പി​ടി​കൂ​ടു​ക​യാ​യി​രു​ന്നു. ഇ​വ​രു​ടെ കു​റ്റ​സ​മ്മ​ത മൊ​ഴി​ക​ളു​ടെ​യും മ​റ്റു തെ​ളി​വു​ക​ളു​ടെ​യും അ​ടി​സ്ഥാ​ന​ത്തി​ലാ​ണ് ആ​ര്‍​ടി​ഒ ജെ​ര്‍​സ​ണെ വി​ജി​ല​ന്‍​സ് അ​റ​സ്റ്റു ചെ​യ്ത​ത്. പ്ര​തി​ക​ളെ മൂ​വാ​റ്റു​പു​ഴ കോ​ട​തി​യി​ല്‍ ഹാ​ജ​രാ​ക്കും.

ജെ​ര്‍​സ​ണെ അ​റ​സ്റ്റു ചെ​യ്ത​തോ​ടൊ​പ്പം ഇ​യാ​ളു​ടെ ഇ​ട​പ്പ​ള്ളി​യി​ലെ വീ​ട്ടി​ല്‍ വി​ജി​ല​ന്‍​സ് ന​ട​ത്തി​യ പ​രി​ശോ​ധ​ന​യി​ല്‍ 49 കു​പ്പി വി​ദേ​ശ​മ​ദ്യ ശേ​ഖ​രം പി​ടി​ച്ചെ​ടു​ത്തു. ഇ​തി​ല്‍ പ്ര​ത്യേ​കം കേ​സ് ര​ജി​സ്റ്റ​ര്‍ ചെ​യ്യു​ന്ന​തി​ന് റി​പ്പോ​ര്‍​ട്ട് ന​ല്‍​കു​മെ​ന്ന് വി​ജി​ല​ന്‍​സ് അ​ധി​കൃ​ത​ര്‍ അ​റി​യി​ച്ചു.

പൊ​തു​ജ​ന​ങ്ങ​ളു​ടെ ശ്ര​ദ്ധ​യി​ല്‍ അ​ഴി​മ​തി സം​ബ​ന്ധി​ച്ച വി​വ​ര​ങ്ങ​ള്‍ ല​ഭി​ക്കു​ക​യാ​ണെ​ങ്കി​ല്‍ വി​ജി​ല​ന്‍​സി​ന്‍റെ ടോ​ള്‍ ഫ്രീ ​ന​മ്പ​രാ​യ 1064 എ​ന്ന ന​മ്പ​രി​ലോ 8592900900 എ​ന്ന ന​മ്പ​രി​ലോ 9447789100 എ​ന്ന വാ​ട്‌​സ് ആ​പ് ന​മ്പ​രി​ലോ അ​റി​യി​ക്ക​ണ​മെ​ന്ന് വി​ജി​ല​ന്‍​സ് ഡ​യ​റ​ക്ട​ര്‍ യോ​ഗേ​ഷ് ഗു​പ്ത അ​റി​യി​ച്ചു.