ആ​ലു​വ: ഉ​ളി​യ​ന്നൂ​രി​ൽ ര​ണ്ട് നി​ർ​ധ​ന കു​ട്ടി​ക​ൾ​ക്കാ​യി ശേ​ഖ​രി​ച്ച ചി​കി​ത്സാ സ​ഹാ​യ ഫ​ണ്ടി​ൽ നി​ന്ന് 13 ല​ക്ഷ​ത്തോ​ളം രൂ​പ കോ​ൺ​ഗ്ര​സ് നേ​താ​വ് മ​റി​ച്ച​താ​യി മാ​താ​പി​താ​ക്ക​ളു​ടെ പ​രാ​തി. ക​ണ​ക്കു​ക​ൾ ചാ​ർ​ട്ടേ​ഡ് അ​ക്കൗ​ണ്ടി​നെ ഉ​പ​യോ​ഗി​ച്ച് ഓ​ഡി​റ്റ് ചെ​യ്യാ​ൻ ക​ഴി​ഞ്ഞ ദി​വ​സം രാ​ത്രി ഉ​ളി​യ​ന്നൂ​ർ എ​ൽ​പി സ്കൂ​ളി​ൽ ചേ​ർ​ന്ന ആ​ക്ഷ​ൻ ക​മ്മി​റ്റി യോ​ഗം തീ​രു​മാ​നി​ച്ചു.

ക​ടു​ങ്ങ​ല്ലൂ​ർ ഗ്രാ​മ​പ​ഞ്ചാ​യ​ത്തി​ൽ ഉ​ളി​യ​ന്നൂ​രി​ൽ അ​ർ​ബു​ദ​ബാ​ധി​ത​രാ​യ 15 ഉം ​ഏ​ഴും വ​യ​സു​ള്ള ര​ണ്ട് കു​ട്ടി​ക​ളു​ടെ ചി​കി​ത്സ​യ്ക്കാ​യി ഒ​രു കോ​ടി രൂ​പ ശേ​ഖ​രി​ക്കാ​നാ​ണ് ചി​കി​ത്സാ സ​ഹാ​യ സ​മി​തി രൂ​പീ​ക​രി​ച്ച​ത്.

ഡി​സി​സി ഭാ​ര​വാ​ഹി​യു​ടെ സ​ഹോ​ദ​ര​ന്‍റെ മ​ക്ക​ളാ​ണ് ചി​കി​ത്സാ സ​ഹാ​യം തേ​ടി​യ​ത്. പ​ഞ്ചാ​യ​ത്ത് പ്ര​സി​ഡ​ന്‍റ്, മെ​മ്പ​ർ​മാ​ർ എ​ന്നി​വ​ർ ഉ​ൾ​പ്പെ​ടെ ഭാ​ര​വാ​ഹി​ക​ളെ ഉ​ൾ​പ്പെ​ടു​ത്തി​യാ​ണ് സ​മി​തി രൂ​പീ​ക​രി​ച്ച​ത്. സ​ഹ​ക​ര​ണ ബാ​ങ്കി​ൽ ജീ​വ​ന​ക്കാ​ര​നാ​യ കോ​ൺ​ഗ്ര​സ് നേ​താ​വാ​ണ് കു​ട്ടി​ക​ളു​ടെ പി​താ​വി​നെ ബാ​ങ്കി​ലേ​ക്ക് വ​രു​ന്ന പ​ണം എ​ടു​ക്കു​ന്ന​തി​നും മ​റ്റും സ​ഹാ​യി​ച്ചി​രു​ന്ന​ത്.

ഈ ​സൗ​ക​ര്യം ഉ​പ​യോ​ഗി​ച്ച് 12.86 ല​ക്ഷം രൂ​പ ആ​രോ​പ​ണ​വി​ധേ​യ​ൻ മ​റ്റു ബാ​ങ്കു​ക​ളി​ലെ സ്വ​ന്തം അ​ക്കൗ​ണ്ടി​ലേ​ക്ക് മ​റി​ച്ച​താ​യാ​ണ് പ​രാ​തി. സം​ഭ​വം പു​റ​ത്ത​റി​ഞ്ഞ​തോ​ടെ ഏ​ഴ് ല​ക്ഷം രൂ​പ മ​ട​ക്കി ന​ൽ​കി. ബാ​ക്കി ന​ൽ​കാ​താ​യ​തോ​ടെ​യാ​ണ് കു​ട്ടി​ക​ളു​ടെ പി​താ​വ് രേ​ഖാ​മൂ​ലം പ​രാ​തി ന​ൽ​കി​യ​ത്.

ചൊ​വ്വാ​ഴ്ച രാ​ത്രി ഉ​ളി​യ​ന്നൂ​ർ സ്കൂ​ളി​ൽ അ​ടി​യ​ന്ത​ര ചി​കി​ത്സാ സ​ഹാ​യ സ​മി​തി യോ​ഗം ചേ​ർ​ന്ന് ഓ​ഡി​റ്റിം​ഗി​നു ശേ​ഷം നി​യ​മ​ന​ട​പ​ടി​ക​ളി​ലേ​ക്ക് ക​ട​ന്നാ​ൽ മ​തി​യെ​ന്ന തീ​രു​മാ​ന​ത്തി​ലെ​ത്തു​ക​യാ​യി​രു​ന്നു.