വ​രാ​പ്പു​ഴ: ദേ​ശീ​യ​പാ​ത 66ൽ വ​ള്ളു​വ​ള​ളി​യി​ൽ നി​യ​ന്ത്ര​ണം വി​ട്ട സ്വ​കാ​ര്യ ലി​മി​റ്റ​ഡ് സ്റ്റോ​പ്പ് ബ​സ് മ​ര​ത്തി​ലി​ടി​ച്ച് നി​ര​വ​ധി പേ​ർ​ക്ക് പ​രി​ക്ക്. ഇന്നലെ രാ​വി​ലെ 6.20നാ​യി​രു​ന്നു അ​പ​ക​ടം. ഗു​രു​വാ​യൂ​രി​ൽ നി​ന്നു വൈ​റ്റി​ല​യ്ക്ക് വരിക യായിരുന്ന ഡോ​ള​ർ എ​ന്ന ബ​സാ​ണ് അ​പ​ക​ട​ത്തി​ൽ​പ്പെ​ട്ട​ത്. രാ​വി​ലെ ആ​യ​തി​നാ​ൽ ജോ​ലി​ക്ക് പോ​കു​ന്ന​വ​ർ ഉ​ൾ​പ്പെടെ നി​റ​യെ യാ​ത്ര​ക്കാ​രു​ണ്ടാ​യി​രു​ന്നു.

അ​പ​ക​ട​ത്തി​ൽ 40ഓ​ളം പേ​ർ​ക്ക് പ​രി​ക്കേ​റ്റു. 30 പേ​രെ ചേ​രാ​ന​ല്ലൂ​ർ ആ​സ്റ്റ​ർ മെ​ഡ്സി​റ്റി ആ​ശു​പ​ത്രി​യി​ലും 10 പേ​രെ പ​റ​വൂ​രി​ലെ വി​വി​ധ ആ​ശു​പ​ത്രി​ക​ളി​ലും പ്ര​വേ​ശി​പ്പി​ച്ചു. അ​പ​ക​ട​ത്തി​നു മു​മ്പാ​യി ബ​സി​ൽ നി​ന്ന് എ​ന്തോ ഒ​രു വ​ലി​യ ശ​ബ്ദം കേ​ട്ട​താ​യി പ​രി​ക്കേ​റ്റ യാ​ത്ര​ക്കാ​ർ പ​റ​ഞ്ഞു. എ​ന്നാ​ൽ ബ​സ് നി​ർ​ത്തി​യി​ല്ല. തു​ട​ർ​ന്ന് അ​ടു​ത്ത വ​ള​വി​ൽ ബസ് നി​യ​ന്ത്ര​ണം വി​ട്ട് മ​ര​ത്തി​ൽ ഇ​ടി​ക്കു​ക​യാ​യി​രു​ന്നു.

ഇ​ടി​യു​ടെ ആ​ഘാ​ത​ത്തി​ൽ ബ​സി​ന്‍റെ മു​ൻ ഭാ​ഗം പൂ​ർ​ണ​മാ​യും ത​ക​ർ​ന്നു. അ​പ​ക​ടം ക​ണ്ട് ഓ​ടി​ക്കൂ​ടി​യ നാ​ട്ടു​കാ​രാ​ണ് ര​ക്ഷാ​പ്ര​വ​ർ​ത്ത​നം ന​ട​ത്തി പരിക്കേറ്റവ​രെ ആ​ശു​പ​ത്രി​യി​ലെ​ത്തി​ച്ച​ത്. ബ​സി​ന്‍റെ കാ​ബി​നി​ൽ കു​ടു​ങ്ങി​യ ഡ്രൈ​വ​റെ ഒ​ന്ന​ര മ​ണി​ക്കൂ​ർ നീ​ണ്ട പ​രി​ശ്ര​മ​ത്തി​നു ശേ​ഷ​മാ​ണ് പു​റ​ത്തി​റ​ക്കാ​നാ​യ​ത്.

കാ​ലി​ന് പ​രി​ക്കേ​റ്റ ഡ്രൈ​വ​ർ ഉ​ൾ​പ്പെ​ടെ ആ​സ്റ്റ​ർ മെ​ഡ്​സി​റ്റി​യി​ൽ പ്ര​വേ​ശി​പ്പി​ച്ച​വ​രി​ൽ പ​ല​രു​ചെയും പ​രി​ക്ക് ഗു​രു​ത​ര​മാ​ണ്. യാ​ത്ര​ക്കാ​രി​ൽ ഭൂ​രി​ഭാ​ഗം സ്ത്രീ​ക​ളാ​യി​രു​ന്നു. പോ​ലീ​സും, അ​ഗ്നി​ശ​മ​ന സേ​നാ​വി​ഭാ​ഗ​വും സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി.

ഏ​റെ നേ​ര​ത്തി​ന് ശേ​ഷ​മാ​ണ് ദേ​ശീ​യ പാ​ത​യി​ലെ ഗ​താ​ഗ​ത​ക്കു​രു​ക്ക് മാ​റ്റി ഗ​താ​ഗ​തം പു​ന​സ്ഥാ​പി​ച്ച​ത്. ജോ​യി​ന്‍റ് ആ​ർ​ടി​ഒ കെ. ​മ​നോ​ജി​ന്‍റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി അ​പ​ക​ട​ത്തിൽപ്പെട്ട ബ​സി​ൽ പ​രി​ശോ​ധ​ന ന​ട​ത്തി. അ​ല​ക്ഷ്യ​മാ​യ ഡ്രൈ​വിം​ഗ് അ​പ​ക​ട​ത്തി​ന് കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.

ബ​സ് ക​ണ്ട​ക്ട​ർ കൊ​ടു​ങ്ങ​ല്ലൂ​ർ ചു​ള്ളി​പ്പ​റ​മ്പി​ൽ മു​ഹ​മ്മ​ദ് റാ​ഫി (54), പെ​രി​ങ്ങോ​ട്ടു​ക​ര കാ​രാ​ട്ടു​പ​റ​മ്പി​ൽ കെ.​പി. ഷീ​ല (59), പെ​രി​ഞ്ഞ​നം ച​ന്ദ്ര​പു​ര​ക്ക​ൽ രാ​ജ​ൻ (54), വാ​വ​ക്കാ​ട് മ​ണ​പ​റ​മ്പി​ൽ സ​വി​ത റ​നീ​ഷ്(46), ത​ളി​ക്കു​ളം കൊ​പ്പ​റ​മ്പി​ൽ വി​ജ​യ​ൻ (64), ചെ​റി​യ പ​ല്ലം​തു​രു​ത്ത് ഈ​ര​യി​ൽ ജ​യ​ന്തി (51) എ​ന്നി​വ​രാ​ണ് പ​റ​വൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലു​ള്ള​വ​ർ.