മാന്നാ​ർ: റെ​യി​ൽ​വേ​യി​ൽ ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ളു​ടെ ത​ട്ടി​പ്പ് ന​ട​ത്തി​യ ഒ​രാ​ൾ പി​ടി​യി​ൽ. റെ​യി​ൽ​വേ​യി​ൽ ടി​ടി​ആ​ർ ആ​യി ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി​യെ​ടു​ത്ത ആ​ളി​നെ​യാ​ണ് മാ​ന്നാ​ർ പോ​ലീ​സ് അ​റ​സ്റ്റ് ചെ​യ്ത​ത്. തി​രു​വ​ന​ന്ത​പു​രം ക​ണി​യാ​പു​രം മാ​ലി​യ വീ​ട്ടി​ൽ എ.​പി. ഇ​ബ്രാ​ഹിം​കു​ട്ടി (54) ആ​ണ് പി​ടി​യി​ലാ​യി​രി​ക്കു​ന്ന​ത്.

2021 ലാ​ണ് കേ​സി​ന് ആ​സ്പ​ദ​മാ​യ സം​ഭ​വം. മ​ക​ന് ജോ​ലി ന​ൽ​കാ​മെ​ന്ന് പ​റ​ഞ്ഞ് മാ​ന്നാ​ർ സ്വ​ദേ​ശി​യാ​യ മോ​ഹ​ന​കു​മാ​റി​ൽനി​ന്നും 18 ല​ക്ഷം രൂ​പ​യാ​ണ് പ്ര​തി ത​ട്ടി​യെ​ടു​ത്ത​ത്. റെ​യി​ൽ​വേ​യി​ലെ ഉ​യ​ർ​ന്ന ഉ​ദ്യോ​ഗ​സ്ഥ​ൻ എ​ന്ന വ്യാ​ജേ​ന റെ​യി​ൽ​വേ​യു​ടെ മു​ദ്ര പ​തി​പ്പി​ച്ച ബോ​ർ​ഡ് വ​ച്ച വാ​ഹ​ന​ത്തി​ൽ എ​ത്തി​യാ​ണ് പ്ര​തി ത​ട്ടി​പ്പ് ന​ട​ത്തി​യ​ത്. ‌

തി​രു​വ​ല്ല​യി​ലെ ഹോ​ട്ട​ലി​ൽ വ​ച്ച് 5 ല​ക്ഷം രൂ​പ​യും പി​ന്നീ​ട് 90 ദി​വ​സ​ത്തി​നു​ള്ളി​ൽ ജോ​ലി​യി​ൽ പ്ര​വേ​ശി​ക്കാം എ​ന്ന് തെ​റ്റി​ദ്ധ​രി​പ്പി​ച്ച് മോ​ഹ​ന​കു​മാ​റി​ന്‍റെ വീ​ട്ടി​ലെ​ത്തി​യ പ്ര​തി ബാ​ക്കി തു​ക​യും ത​ട്ടി​യെ​ടു​ക്കു​ക​യാ​യി​രു​ന്നു. തു​ട​ർ​ന്ന് ഫോ​ണി​ൽ ബ​ന്ധ​പ്പെ​ട്ട​പ്പോ​ൾ പ​ല അ​വ​ധി​ക​ൾ പ​റ​യു​ക​യും പി​ന്നീ​ട് ഫോ​ണി​ൽ ബ​ന്ധ​പ്പെ​ടാ​ൻ സാ​ധി​ക്കാ​തെ വ​ന്ന​തോ​ടെ മോ​ഹ​ന​കു​മാ​ർ പോ​ലി​സി​ൽ പ​രാ​തി ന​ൽ​കു​ക​യു​മാ​യി​രു​ന്നു.

കേ​സ് എ​ടു​ത്ത​ത് അ​റി​ഞ്ഞ പ്ര​തി ജി​ല്ലാ കോ​ട​തി​യി​ലും ഹൈ​ക്കോ​ട​തി​യി​ലും മു​ൻ​കൂ​ർ ജാ​മ്യ​ത്തി​ന് ശ്ര​മി​ച്ചെ​ങ്കി​ലും ല​ഭി​ച്ചി​രു​ന്നി​ല്ല. ഇ​തി​നെതു​ട​ർ​ന്ന് അ​റ​സ്റ്റി​ന് സ്റ്റേ ​വാ​ങ്ങി ക​ഴി​യു​ക​യാ​യി​രു​ന്ന പ്ര​തി​യെ സ്റ്റേ​യു​ടെ കാ​ലാ​വ​ധി നീ​ങ്ങി​യ​തോ​ടെ​യാ​ണ് തി​രു​വ​ന​ന്ത​പു​രം ആ​ക്കു​ള​ത്ത് വാ​ട​ക​യ്ക്ക് താ​മ​സി​ച്ചി​രു​ന്ന ഫ്ലാ​റ്റി​ൽ നി​ന്നു പോ​ലീ​സ് പി​ടി​കൂ​ടി​യ​ത്.

മാ​ന്നാ​ർ പോ​ലീസ് ഇ​ൻ​സ്പെ​ക്ട​ർ ര​ജീ​ഷ് കു​മാ​റി​ന്‍റെ നി​ർ​ദേശ​പ്ര​കാ​രം എ​സ് ഐ ​സി.​എ​സ്.​ അ​ഭി​രാം, എ​എ​സ്ഐ റി​യാ​സ്, പ്രൊ​ബേ​ഷ​ൻ എ​സ്ഐ ജോ​ബി​ൻ, സീ​നി​യ​ർ സി​പി​ഒ അ​ജി​ത്ത്, സി​പി​ഒ ഹ​രി​പ്ര​സാ​ദ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

റെ​യി​ൽ​വേ​യു​ടെ നി​യ​മ​ന ഉ​ത്ത​ര​വ് ഉ​ൾ​പ്പെ​ടെ​യു​ള്ള വ്യാ​ജ രേ​ഖ​ക​ളും പ്ര​മു​ഖ​രാ​യ രാ​ഷ്ട്രീ​യ നേ​താ​ക്ക​ളു​മാ​യു​ള്ള ഫോ​ട്ടോ കാ​ണി​ച്ച് ഇ​വ​രു​മാ​യി ബ​ന്ധ​മു​ണ്ടെ​ന്ന് തെ​റ്റി​ദ്ധ​രി​പ്പി​ച്ചു​മാ​ണ് പ്ര​തി ആ​ളു​ക​ളെ വ​ല​യി​ലാ​ക്കി​യി​രു​ന്ന​തെ​ന്നും ഇ​യാ​ൾ​ക്കെ​തി​രേ സം​സ്ഥാ​ന​ത്തെ വി​വി​ധ സ്റ്റേ​ഷ​നു​ക​ളി​ൽ സ​മാ​ന​മാ​യ കേ​സു​ക​ൾ ഉ​ള്ള​താ​യും പോലീസ് പ​റ​ഞ്ഞു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.