ച​ങ്ങ​നാ​ശേ​രി: ച​ങ്ങ​നാ​ശേ​രി ജ​ന​റ​ല്‍ ആ​ശു​പ​ത്രി​യു​ടെ ന​വീ​ക​ര​ണം യാ​ഥാ​ര്‍ഥ്യ​ത്തി​ലേ​ക്ക്. ടെ​ന്‍ഡ​ര്‍ ന​ട​പ​ടി​ക​ൾ പൂ​ര്‍ത്തി​യാ​യ​തോ​ടെ നി​ര്‍മാ​ണം ആ​രം​ഭി​ക്കു​ന്ന​തി​നാ​യു​ള്ള പ്രാ​രം​ഭ ന​ട​പ​ടി​ക​ളി​ലേ​ക്ക് ക​രാ​ര്‍ ക​മ്പ​നി​യും ക​ട​ന്നു.

കി​ഫ്ബി മു​ഖേ​ന 80 കോ​ടി രൂ​പ മു​ട​ക്കി​യാ​ണ് ആ​ധു​നി​ക​രീ​തി​യി​ല്‍ പു​തി​യ കെ​ട്ടി​ട​വും അ​നു​ബ​ന്ധ സൗ​ക​ര്യ​ങ്ങ​ളും ഒ​രു​ക്കു​ന്ന​ത്. നാ​ലു നി​ല​ക​ളി​ലാ​യി 8381.52 ച​തു​ര​ശ്ര മീ​റ്റ​റി​ലാ​ണ് കെ​ട്ടി​ടം നി​ര്‍മി​ക്കു​ന്ന​ത്. അ​ത്യാ​ധു​നി​ക നി​ല​വാ​ര​ത്തി​ലു​ള്ള നാ​ല് പ്ര​ധാ​ന ഓ​പ്പ​റേ​ഷ​ന്‍ തി​യ​റ്റ​റു​ക​ളും ഒ​രു മൈ​ന​ര്‍ ഓ​പ്പ​റേ​ഷ​ന്‍ തി​യ​റ്റ​റും കീ​മോ​തെ​റാ​പ്പി, ഡ​യാ​ലി​സി​സ്, ഓ​ര്‍ത്തോ വി​ഭാ​ഗം, നേ​ത്ര​രോ​ഗ വി​ഭാ​ഗം, സ​ര്‍ജി​ക്ക​ല്‍ വി​ഭാ​ഗം, മെ​ഡി​ക്ക​ല്‍ വി​ഭാ​ഗം, ഇ​എ​ന്‍ടി വി​ഭാ​ഗം, ത്വ​ക് രോ​ഗ വി​ഭാ​ഗം എ​ന്നി​വ സ​ജ്ജ​മാ​ക്കും.

ന​ഴ്സു​മാ​ര്‍ക്കാ​യി ഡ്യൂ​ട്ടി ​റൂ​മു​ക​ള്‍, രോ​ഗി​ക​ളു​ടെ കൂ​ട്ടി​രി​പ്പു​കാ​ര്‍ക്കു​ള്ള മു​റി​ക​ള്‍, വ​യോ​ജ​ന -ശി​ശു സൗ​ഹൃ​ദ മു​റി​ക​ള്‍ എ​ന്നി​വ​യു​മൊ​രു​ക്കും. പോ​ലീ​സ് എ​യ്ഡ് പോ​സ്റ്റും സി​ടി സ്‌​കാ​ന്‍, ഫാ​ര്‍മ​സി, റേ​ഡി​യോ​ള​ജി വി​ഭാ​ഗ​ങ്ങ​ളു​മു​ണ്ടാ​കും.

സ​ര്‍ജി​ക്ക​ല്‍ വാ​ര്‍ഡു​ക​ള്‍, വി​ശ്ര​മ മു​റി​ക​ള്‍, പാ​ന്‍ട്രി, ഐ​സൊ​ലേ​ഷ​ന്‍ മു​റി, പ്ലാ​സ്മ സ്റ്റോ​ര്‍ മു​റി, കൗ​ണ്‍സ​ലിം​ഗ് മു​റി, ലി​ഫ്റ്റ് എ​ന്നീ സം​വി​ധാ​ന​ങ്ങ​ളും ഒ​രു​ക്കും. 25 കോ​ടി രൂ​പ​യി​ല​ധി​കം സാ​ങ്കേ​തി​ക സം​വി​ധാ​ന​ങ്ങ​ള്‍ക്കും മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ള്‍ക്കു​മാ​യി ഉ​പ​യോ​ഗ​പ്പെ​ടു​ത്തും.
ലോ​കോ​ത്ത​ര നി​ല​വാ​ര​ത്തി​ലു​ള്ള ചി​കി​ത്സ ജ​ന​ങ്ങ​ള്‍ക്ക് ന​ല്‍കാ​ന്‍ ഈ ​നി​ര്‍മാ​ണ പ്ര​വ​ര്‍ത്ത​ങ്ങ​ള്‍ സ​ഹാ​യി​ക്കു​മെ​ന്ന് ജോ​ബ് മൈ​ക്കി​ള്‍ എം​എ​ല്‍എ പ​റ​ഞ്ഞു.