എ​രു​മേ​ലി: ശ​ബ​രി​മ​ല സീ​സ​ണി​ൽ എ​രു​മേ​ലി ടൗ​ണി​ന്‍റെ സ​മ​ഗ്ര വി​ക​സ​നം ഉ​റ​പ്പാ​ക്കു​ന്ന മാ​സ്റ്റ​ർ പ്ലാ​ൻ ആ​വി​ഷ്‌​ക​രി​ക്കു​ന്ന​തി​ന്‍റെ ഭാ​ഗ​മാ​യി ടൗ​ണി​ലെ റിം​ഗ് റോ​ഡു​ക​ൾ വി​ക​സി​പ്പി​ച്ച് ബ​ന്ധ​പ്പെ​ടു​ത്താ​ൻ സ​ർ​വേ ആ​രം​ഭി​ച്ചു. ഒ​പ്പം ടൗ​ണി​ലെ മാ​ലി​ന്യ നി​ർ​മാ​ർ​ജ​ന​ത്തി​ന് സു​സ്ഥി​ര​മാ​യ പ​ദ്ധ​തി​യും പ്ലാ​നി​ൽ ത​യാ​റാ​ക്കും.

സം​സ്ഥാ​ന സ​ർ​ക്കാ​ർ ബ​ജ​റ്റി​ൽ പ​ത്തു കോ​ടി അ​നു​വ​ദി​ച്ച് പ്ര​ഖ്യാ​പി​ച്ച എ​രു​മേ​ലി മാ​സ്റ്റ​ർ പ്ലാ​നി​ന്‍റെ സ​ർ​വേ​യാ​ണ് ആ​രം​ഭി​ച്ച​ത്. നി​ല​വി​ലു​ള്ള റിം​ഗ് റോ​ഡു​ക​ളു​ടെ സ്ഥി​തി​യും ടൗ​ൺ വി​ക​സ​ന​ത്തി​ന് അ​നു​യോ​ജ്യ​മാ​ക്കി റോ​ഡു​ക​ൾ വി​ക​സി​പ്പി​ച്ച് ഉ​ന്ന​ത നി​ല​വാ​ര​ത്തി​ൽ ന​വീ​ക​രി​ച്ച് പ്ര​യോ​ജ​ന​പ്പെ​ടു​ത്താ​നു​ള്ള മാ​ർ​ഗ​വു​മാ​ണ് സ​ർ​വേ​യി​ൽ പ​രി​ശോ​ധി​ക്കു​ന്ന​ത്.

കൊ​ച്ചി​യി​ലെ കാ​പ്പി​റ്റ​ൽ എ​ൻ​ജി​നി​യ​റിം​ഗ് ക​ൺ​സ​ൾ​ട്ട​ൻ​സി പ്രൈ​വ​റ്റ് ലി​മി​റ്റ​ഡാ​ണ് പ്രോ​ജ​ക്‌​ട് ക​ൺ​സ​ൾ​ട്ട​ന്‍റാ​യി സ​ർ​വേ ന​ട​ത്തു​ന്ന​തെ​ന്ന് സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ പ​റ​ഞ്ഞു. മാ​സ്റ്റ​ർ പ്ലാ​നി​ന് എം​എ​ൽ​എ​യു​ടെ ഫ​ണ്ടാ​ണ് വി​നി​യോ​ഗി​ക്കു​ക. തി​രു​വി​താം​കൂ​ർ ദേ​വ​സ്വം ബോ​ർ​ഡു​മാ​യി സ​ഹ​ക​രി​ച്ചാ​ണ് മാ​സ്റ്റ​ർ പ്ലാ​ൻ ന​ട​പ്പി​ലാ​ക്കു​ന്ന​ത്.

റിംഗ് റോഡുകളുടെ നവീകരണം

‌ശ​ബ​രി​മ​ല സീ​സ​ണി​ൽ എ​രു​മേ​ലി ടൗ​ണി​ൽ ന​ഗ​ര​ത്തി​ന്‍റെ പ​രി​വേ​ഷ​മാ​ണെ​ങ്കി​ലും ഗ്രാ​മീ​ണ രീ​തി​യി​ലാ​ണ് റോ​ഡു​ക​ൾ. ഇ​ത് മ​റി​ക​ട​ക്കു​ന്ന​തി​നാ​ണ് നി​ർ​ദി​ഷ്‌​ട മാ​സ്റ്റ​ർ പ്ലാ​ൻ വി​ഭാ​വ​നം ചെ​യ്യു​ന്ന​തെ​ന്ന് എം​എ​ൽ​എ പ​റ​ഞ്ഞു. നി​ല​വി​ലു​ള്ള ടൗ​ൺ അ​നു​ബ​ന്ധ റിം​ഗ് റോ​ഡു​ക​ൾ​ക്ക് പ​ല​യി​ട​ത്തും വീ​തി കു​റ​വാ​ണ്. മ​റ്റ് റിം​ഗ് റോ​ഡു​ക​ളു​മാ​യി ടൗ​ണി​നെ ബ​ന്ധി​പ്പി​ച്ചി​ട്ടി​ല്ല. ഇ​ങ്ങ​നെ ബ​ന്ധി​പ്പി​ക്കാ​ൻ പു​തി​യ പാ​ത​ക​ൾ റിം​ഗ് റോ​ഡു​ക​ളി​ൽ നി​ർ​മി​ക്കേ​ണ്ടിവ​രും. ഇ​തി​ന് ആ​വ​ശ്യ​മാ​യ സ്ഥ​ലം ക​ണ്ടെ​ത്തു​ക​യും ഏ​റ്റെ​ടു​ക്കു​ക​യും വേ​ണം.

ഏ​റ്റ​വും എ​ളു​പ്പ​മാ​യ നി​ല​യി​ൽ റോ​ഡു​ക​ൾ ടൗ​ണി​ന് ചു​റ്റും പ​ര​സ്പ​രം ബ​ന്ധി​പ്പി​ച്ച നി​ല​യി​ൽ നി​ർ​മി​ച്ചാ​ൽ ശ​ബ​രി​മ​ല സീ​സ​ണി​ൽ എ​രു​മേ​ലി ടൗ​ൺ ഒ​ഴി​വാ​ക്കി ഗ​താ​ഗ​തം സാ​ധ്യ​മാ​കും. നി​ല​വി​ൽ ടൗ​ൺ ഒ​ഴി​വാ​ക്കി പോ​കാ​ൻ റിംഗ് റോ​ഡു​ക​ൾ ഉ​ണ്ടെ​ങ്കി​ലും അ​പൂ​ർ​ണ​മാ​ണ്.

എ​രു​മേ​ലി ടൗ​ൺ മു​ത​ൽ ക​രി​ങ്ക​ല്ലു​മു​ഴി വ​രെ ശ​ബ​രി​മ​ല സീ​സ​ണി​ൽ ഗ​താ​ഗ​തം നി​ശ്ച​ല​മാ​കു​ന്ന സ്ഥി​തി​യാ​ണ്. ഇ​തേ അ​വ​സ്ഥ​യാ​ണ് ടൗ​ണി​ൽ​നി​ന്നു പ്രൈ​വ​റ്റ് ബ​സ് സ്റ്റാ​ൻ​ഡ് റോ​ഡി​ലും കൊ​ര​ട്ടി റോ​ഡി​ലും സീ​സ​ണി​ൽ ദി​വ​സ​വും നേ​രി​ടേ​ണ്ടി വ​രു​ന്ന​ത്. പേ​ട്ട​തു​ള്ള​ൽ, ച​ന്ദ​ന​ക്കു​ടം ഉ​ത്സ​വ​ങ്ങ​ളി​ൽ ടൗ​ണി​ൽ വാ​ഹ​ന ഗ​താ​ഗ​തം നി​രോ​ധി​ക്കു​മ്പോ​ൾ സ​മാ​ന്ത​ര പാ​ത​ക​ൾ വഴി സു​ഗ​മ​മാ​യി ഗ​താ​ഗ​തം വ​ഴിതി​രി​ച്ചു വിടുക പ്ര​യാ​സ​ക​ര​മാ​ണ്. ഒ​രേ​സ​മ​യം ര​ണ്ടു വാ​ഹ​ന​ങ്ങ​ൾ ക​ട​ന്നു​പോ​കാ​ൻ ഈ ​പാ​ത​ക​ളി​ൽ സാ​ധി​ക്കു​ന്നി​ല്ല. അ​പ​ക​ട​ക​ര​മാ​യ ഇ​റ​ക്ക​ങ്ങ​ളും വ​ള​വു​ക​ളും വീ​തി കു​റ​വാ​യ​തു​മാ​ണ് ത​ട​സ​ങ്ങൾ.

എ​രു​മേ​ലി ടൗ​ണി​ന് ചു​റ്റും സ​ർ​ക്കി​ൾ മാ​തൃ​ക​യി​ല​ല്ല റിം​ഗ് റോ​ഡു​ക​ളു​ള്ള​ത്. പ​ണ്ട് നി​ർ​മി​ച്ച റോ​ഡു​ക​ൾ അ​തേ​പ​ടി ഉ​പ​യോ​ഗി​ച്ചുകൊ​ണ്ടി​രി​ക്കു​ക​യാ​ണ്. അ​തേ​സ​മ​യം ഇ​തേ റോ​ഡു​ക​ൾ ടൗ​ണി​ന്‍റെ സ​ർ​ക്കി​ൾ റോ​ഡു​ക​ളാ​യി എ​ങ്ങ​നെ മാ​റ്റാം എ​ന്ന​താ​ണ് സ​ർ​വേ​യി​ൽ പ​രി​ശോ​ധി​ക്കു​ന്ന​തെ​ന്ന് ഏ​ജ​ൻ​സി അ​ധി​കൃ​ത​ർ പ​റ​യു​ന്നു. റിം​ഗ് റോ​ഡു​ക​ളി​ൽ എ​വി​ടെ​യൊ​ക്കെ കൂ​ട്ടി​ച്ചേ​ർ​ത്തു റോ​ഡു​ക​ൾ നി​ർ​മി​ക്കേ​ണ്ടി വ​രു​മെ​ന്നും ദൂ​രം കൂ​ടാ​തെ സൗ​ക​ര്യ​പ്ര​ദ​മാ​യ പാ​ത​ക​ളാ​ക്കി മാ​റ്റാ​ൻ ഭൗ​മ​പ​ര​മാ​യ അ​നു​കൂ​ല സാ​ധ്യ​ത​ക​ളു​മാ​ണ് സ​ർ​വേ​യി​ൽ വി​ല​യി​രു​ത്തു​ന്ന​ത്.

നേ​ർ​ച്ച​പ്പാ​റ റോ​ഡ്, റോ​ട്ട​റി ക്ല​ബ്-​ഓ​രു​ങ്ക​ൽ​ക​ട​വ്, പ്രൈ​വ​റ്റ് ബ​സ് സ്റ്റാ​ൻ​ഡ്-​പ​ഞ്ചാ​യ​ത്ത്‌ ഓ​ഫീ​സ്, പോ​ലീ​സ് സ്റ്റേ​ഷ​ൻ-​സ​ർ​ക്കാ​ർ ആ​ശു​പ​ത്രി-​പ​ഞ്ചാ​യ​ത്ത്‌ ഓ​ഫീ​സ്, പോ​ലീ​സ് സ്റ്റേ​ഷ​ൻ-​പ്ര​പ്പോ​സ്, ക​രി​ങ്ക​ല്ലു​മു​ഴി-​പൊ​രി​യ​ന്മ​ല, കാ​രി​ത്തോ​ട് എ​ൻ​എം​എ​ൽ​പി സ്കൂ​ൾ-​ക​ന​ക​പ്പ​ലം തു​ട​ങ്ങി​യ റിം​ഗ് റോ​ഡു​ക​ൾ ഉ​ൾ​പ്പ​ടെ​യാ​ണ് സ​ർ​വേ ചെ​യ്യു​ന്ന​ത്.

മാസ്റ്റർ പ്ലാനിന് മൂന്നുമാസം സമയം

മാ​സ്റ്റ​ർ പ്ലാ​ൻ ത​യാ​റാ​ക്കാ​ൻ മൂ​ന്നു മാ​സം സ​മ​യ​മാ​ണ് ഏ​ജ​ൻ​സി​ക്ക് അ​നു​വ​ദി​ച്ചി​രി​ക്കു​ന്ന​ത്. ഇ​ത് അം​ഗീ​ക​രി​ക്കാ​ൻ 15 ദി​വ​സം സാ​വ​കാ​ശ​വും അം​ഗീ​ക​രി​ച്ചാ​ൽ പ്ലാ​ൻ പ്ര​കാ​രം പ​ദ്ധ​തി​ക​ൾ ന​ട​പ്പി​ലാ​ക്കാ​ൻ മൂ​ന്ന് വ​ർ​ഷ​വു​മാ​ണ് സ​മ​യ​പ​രി​ധി.

ശ​ബ​രി​മ​ല​യു​ടെ ക​വാ​ടം, നി​ർ​ദി​ഷ്ട ശ​ബ​രി​മ​ല ഗ്രീ​ൻ ഫീ​ൽ​ഡ് വി​മാ​ന​ത്താ​വ​ളം, നി​ർ​ദി​ഷ്‌​ട ശ​ബ​രി റെ​യി​ൽ​പ്പാ​ത എ​ന്നി​വ പ​രി​ഗ​ണി​ച്ച് എ​രു​മേ​ലി ടൗ​ണി​ന് ചു​റ്റും റിം​ഗ് റോ​ഡു​ക​ൾ, ടൗ​ൺ പ​രി​സ​ര​ങ്ങ​ളി​ലെ റോ​ഡു​ക​ളു​ടെ വി​ക​സ​നം, കാ​ര്യ​ക്ഷ​മ​മാ​യ മാ​ലി​ന്യ​സം​സ്ക​ര​ണം തു​ട​ങ്ങി​യ​വ​യാ​ണ് മാ​സ്റ്റ​ർ പ്ലാ​നി​ൽ പ​രി​ഗ​ണി​ക്കു​ന്ന​ത്.