ക​ടു​ത്തു​രു​ത്തി: എ​സ്എ​സ്എ​ല്‍​സി പ​രീ​ക്ഷ​യി​ല്‍ ക​ടു​ത്തു​രു​ത്തി വി​ദ്യാ​ഭ്യാ​സ ജി​ല്ല​യി​ല്‍ 3,035 വി​ദ്യാ​ര്‍​ഥി​ക​ള്‍ പ​രീ​ക്ഷ​യെ​ഴു​തും. 1,576 ആ​ണ്‍​കു​ട്ടി​ക​ളും 1,459 പെ​ണ്‍​കു​ട്ടി​ക​ളു​മാ​ണ് പ​രീ​ക്ഷ​യെ നേ​രി​ടു​ന്ന​ത്. ഏ​റ്റ​വും കൂ​ടു​ത​ല്‍ കു​ട്ടി​ക​ള്‍ പ​രീ​ക്ഷ എ​ഴു​തു​ന്ന​ത് എ​യ്ഡ​ഡ് സ്‌​കൂ​ളാ​യ വൈ​ക്കം എ​സ്എം​എ​സ്എ​ന്‍ എ​ച്ച്എ​സ്എ​സി​ല്‍നി​ന്നാ​ണ്.

148 ആ​ണ്‍​കു​ട്ടി​ക​ളും 82 പെ​ണ്‍​കുട്ടി​ക​ളും ഉ​ള്‍​പ്പെ30 കു​ട്ടി​ക​ളാ​ണ് ഇ​വി​ടെ​നി​ന്നും പ​രീ​ക്ഷ​യ്‌​ക്കെ​ത്തു​ന്ന​ത്. ഏ​റ്റ​വും കു​റ​വ് കു​ട്ടി​ക​ള്‍ പ​രീ​ക്ഷ​യെ​ഴു​തു​ന്ന​ത് ക​ട​പ്പൂ​ര്‍ ഗ​വ​ണ്‍​മെ​ന്‍റ് ജി​എ​ച്ച്എ​സ്എ​സി​ല്‍​നി​ന്നാ​ണ്. മൂ​ന്ന് ആ​ണ്‍​കു​ട്ടി​ക​ളും നാ​ലു പെണ്‍​കുട്ടി​ക​ളും ഉ​ള്‍​പ്പെടെ ഏ​ഴു പേ​രാ​ണ് ഇ​വി​ടെ പ​രീ​ക്ഷ​യെ​ഴു​തു​ന്ന​ത്. 98 കു​ട്ടി​ക​ള്‍ പ​രീ​ക്ഷ​യെ​ഴു​തു​ന്ന ത​ല​യോ​ല​പ്പ​റ​മ്പ് എ​.ജെ. ജോ​ണ്‍ മെ​മ്മോ​റി​യ​ല്‍ ഗ​വ​ണ്‍​മെ​ന്‍റ് ജി​എ​ച്ച്എ​സ്എ​സാ​ണ് ഏ​റ്റ​വും കൂ​ടു​ത​ല്‍ കു​ട്ടി​ക​ളെ പ​രീ​ക്ഷ​യ്ക്കി​രു​ത്തു​ന്ന സ​ര്‍​ക്കാ​ര്‍ സ്‌​കൂ​ള്‍.

എ​യ്ഡ​ഡ് സ്‌​കൂ​ളു​ക​ളി​ല്‍ ആ​ണ്‍, പെ​ണ്‍ വി​ഭാ​ഗ​ത്തി​ല്‍നി​ന്നു നാ​ലു​വീ​തം കു​ട്ടി​ക​ള്‍ ഉ​ള്‍പ്പെ​ടെ എ​ട്ടു പേ​ര്‍ പ​രീ​ക്ഷ​യെ​ഴു​തു​ന്ന മാ​ഞ്ഞൂ​ര്‍ വി​കെ​വി​എം എ​ന്‍​എ​സ്എ​സ് എ​ച്ച്എ​സാ​ണ് കു​റ​വ് കു​ട്ടി​ക​ളെ പ​രീ​ക്ഷ​യെ​ഴു​തി​ക്കു​ന്ന എ​യ്ഡ​ഡ് സ്‌​കൂ​ള്‍. ര​ണ്ടു സ്പെ​ഷല്‍ സ്‌​കൂ​ളു​ക​ളാ​ണ് വി​ദ്യാ​ഭ്യാ​സ ജി​ല്ല​യി​ലു​ള്ള​ത്. അ​ഞ്ച് ആ​ണ്‍​കു​ട്ടി​ക​ളും നാ​ല് പെ​ൺകു​ട്ടി​ക​ളും ഉ​ള്‍​പ്പെടെ ഒ​മ്പ​തു കു​ട്ടി​ക​ള്‍ നീ​ര്‍​പ്പാ​റ അ​സീ​സി ബ​ധി​ര വി​ദ്യാ​ല​യ​ത്തി​ലും നാ​ല് ആ​ണ്‍​കു​ട്ടി​ക​ളും ര​ണ്ടു പെ​ണ്‍​കുട്ടി​കളും ഉ​ള്‍പ്പെടെ ആ​റു വി​ദ്യാ​ര്‍​ഥി​ക​ള്‍ മ​ണ്ണ​യ്ക്ക​നാ​ട് ഒ​എ​ല്‍​സി ബ​ധി​ര വി​ദ്യാ​ല​യ​ത്തി​ലും പ​രീ​ക്ഷ​യെ​ഴു​തു​ന്നു.
ക​ഴി​ഞ്ഞ വ​ര്‍​ഷ​ത്തേക്കാ​ള്‍ 51 വി​ദ്യാ​ര്‍​ഥി​ക​ളു​ടെ കു​റ​വാ​ണ് ഇ​ക്കു​റി​യു​ള്ള​ത്. ക​ഴി​ഞ്ഞ​വ​ര്‍​ഷം വി​ദ്യാ​ഭ്യാ​സ ജി​ല്ല​യി​ല്‍ 1,507 ആ​ണ്‍​കു​ട്ടി​ക​ളും 1,579 പെ​ണ്‍​കു​ട്ടി​ക​ളും ഉ​ള്‍​പ്പെ​ടെ 3,086 വി​ദ്യാ​ര്‍​ഥി​ക​ളാ​ണ് പ​രീ​ക്ഷ​യെ​ഴു​തി​യ​ത്. ആ​ണ്‍​കു​ട്ടി​ക​ളു​ടെ എ​ണ്ണ​ത്തി​ല്‍ 69 പേ​രു​ടെ വ​ര്‍​ധ​ന​വു​ണ്ടാ​യ​പ്പോ​ള്‍, പെ​ണ്‍​കുട്ടി​ക​ളു​ടെ എ​ണ്ണ​ത്തി​ല്‍ 120 പേ​രു​ടെ കു​റ​വാ​ണ് ഉ​ണ്ടാ​യി​രി​ക്കു​ന്ന​ത്.

2023 ല്‍ 3,232 ​വി​ദ്യാ​ര്‍​ഥി​ക​ളാ​ണ് വി​ദ്യാ​ഭ്യാ​സ ജി​ല്ല​യി​ല്‍ പ​രീ​ക്ഷ​യെ​ഴു​തി​യ​ത്. ഓ​രോ വ​ര്‍​ഷ​വും എ​സ്എ​സ്എ​ല്‍​സി പ​രീ​ക്ഷ​യെ​ഴു​തു​ന്ന വി​ദ്യാ​ര്‍​ഥി​ക​ളു​ടെ എ​ണ്ണ​ത്തി​ല്‍ വ​ലി​യ കു​റ​വാ​ണ് ഉ​ണ്ടാ​യിക്കൊ​ണ്ടി​രി​ക്കു​ന്ന​ത്. ക​ഴി​ഞ്ഞ​വ​ര്‍​ഷം വി​ദ്യാ​ഭ്യാ​സ ജി​ല്ല 100 ശ​ത​മാ​നം വി​ജ​യം നേ​ടി​യി​രു​ന്നു.

16 ഗ​വ​ണ്‍​മെ​ന്‍റ് സ്‌​കൂ​ളു​ക​ളും 24 എ​യ്ഡ​ഡ് സ്‌​കൂ​ളു​ക​ളും ര​ണ്ട് അ​ണ്‍ എ​യ്ഡ​ഡ് സ്‌​കൂ​ളു​ളും ര​ണ്ട് സ്പെ​ഷ​ല്‍ സ്‌​കൂ​ളു​ക​ളും ഉ​ള്‍പ്പെ​ടെ 44 സ്‌​കൂ​ളു​ക​ളാ​ണ് ക​ടു​ത്തു​രു​ത്തി വി​ദ്യാ​ഭ്യാ​സ ജി​ല്ല​യി​ലു​ള്ള​ത്. ഈ ​വ​ര്‍​ഷ​ത്തെ എ​സ്എ​സ്എ​ല്‍​സി പ​രീ​ക്ഷ​യ്ക്കു​ള്ള മു​ന്നൊ​രു​ക്ക​ങ്ങ​ള്‍ പൂ​ര്‍​ത്തി​യാ​യിവ​രി​ക​യാ​ണെ​ന്ന് ക​ടു​ത്തു​രു​ത്തി ഡി​ഇ​ഒ എ.​സി. സീ​ന അ​റി​യി​ച്ചു.

ചോ​ദ്യ​പേ​പ്പ​റു​ക​ള്‍ ക​ടു​ത്തു​രു​ത്തി​യി​ലെ​ത്തി

ക​ടു​ത്തു​രു​ത്തി: എ​സ്എ​സ്എ​ല്‍​സി പ​രീ​ക്ഷ​യ്ക്കു​ള്ള ചോ​ദ്യ​പേ​പ്പ​റു​ക​ള്‍ ക​ടു​ത്തു​രു​ത്തി​യി​ലെ​ത്തി. പ​രീ​ക്ഷാ ഭ​വ​നി​ല്‍​നി​ന്ന് ചൊ​വ്വാ​ഴ്ച ക​ടു​ത്തു​രു​ത്തി ജി​ല്ലാ വി​ദ്യാ​ഭ്യാ​സ ഓ​ഫീ​സി​ല്‍ ചോ​ദ്യ​പേ​പ്പ​റു​ക​ള്‍ എ​ത്തി​ച്ചു. ചോ​ദ്യ പേ​പ്പ​റു​ക​ള്‍ ഡി​ഇ​ഒ എ.​സി. സീ​ന​യു​ടെ നേ​തൃ​ത്വ​ത്തി​ലു​ള്ള ഉ​ദ്യോ​ഗ​സ്ഥ​ര്‍ പോ​ലീ​സി​ന്‍റെ സാ​ന്നി​ധ്യ​ത്തി​ല്‍ ക​ടു​ത്തു​രു​ത്തി ഗ​വ​ണ്‍​മെ​ന്‍റ് വി​എ​ച്ച്എ​സ്ഇ സ്‌​കൂ​ളി​ലെ താ​ത്കാ​ലി​ക സ്‌​ട്രോം​ഗ് റൂ​മി​ലേ​ക്കു മാ​റ്റി.

ക​ടു​ത്തു​രു​ത്തി ഗ​വ​ണ്‍​മെ​ന്‍റ് വി​എ​ച്ച്എ​സ്ഇ സ്‌​കൂ​ളി​ലാ​വും ഇ​നി​യു​ള്ള ദി​വ​സ​ങ്ങ​ളി​ല്‍ പോ​ലീ​സ് കാ​വ​ലി​ല്‍ ചോ​ദ്യ പേ​പ്പ​റു​ക​ള്‍ സൂ​ക്ഷി​ക്കു​ക. പി​ന്നീ​ട് ചോ​ദ്യ​പേ​പ്പ​റു​ക​ള്‍ സോ​ര്‍​ട്ട് ചെ​യ്യും. സോ​ര്‍​ട്ട് ചെ​യ്ത ചോ​ദ്യ പേ​പ്പ​റു​ക​ള്‍ ക​ടു​ത്തു​രു​ത്തി ഡി​ഇ​യു​ടെ കീ​ഴി​ലു​ള്ള ഒ​മ്പ​ത് ക്ല​സ്റ്റ​റു​ക​ളി​ലേ​ക്കു മാ​റ്റും. ക​ടു​ത്തു​രു​ത്തി, ത​ല​യോ​ല​പ്പ​റ​മ്പ്, വൈ​ക്കം സ​ബ് ട്ര​ഷ​റി​ക​ളി​ലും ക​ടു​ത്തു​രു​ത്തി, കു​റു​പ്പ​ന്ത​റ, കോ​ത​ന​ല്ലൂ​ര്‍, ക​ല്ല​റ, ത​ല​യോ​ല​പ്പ​റ​മ്പ്, കു​ല​ശേ​ഖ​ര​മം​ഗ​ലം, വൈ​ക്കം എ​സ്ബി​ഐ​ക​ളു​മാ​ണ് പ​രീ​ക്ഷാ പേ​പ്പ​റു​ക​ള്‍ സൂ​ക്ഷി​ക്കു​ന്ന സ്ഥലങ്ങൾ.

മാ​ര്‍​ച്ച് മൂ​ന്നി​നാ​ണ് എ​സ്എ​സ്എ​ല്‍ സി ​പ​രീ​ക്ഷ ആ​രം​ഭി​ക്കു​ന്ന​ത്. ക​ടു​ത്തു​രു​ത്തി ഡി​ഇ​ഒയു​ടെ കീ​ഴി​ല്‍ രണ്ടു സ്‌​പെ​ഷ​ല്‍ സ്‌​കൂ​ള്‍ ഉ​ള്‍​പ്പെ​ടെ 44 സ്‌​കൂ​ളു​ക​ളി​ല്‍​നി​ന്നു​ള്ള കു​ട്ടി​ക​ളാ​ണ് എ​സ്എ​സ്എ​ല്‍​സി പ​രീ​ക്ഷ​യ്ക്കു ത​യാ​റെ​ടു​ക്കു​ന്ന​ത്.