തല​യോ​ല​പ്പ​റ​മ്പ്: പാ​തി​വി​ല​യ്ക്ക് സ്കൂ​ട്ട​ർ ത​ട്ടി​പ്പി​ൽ ത​ല​യോ​ല​പ്പ​റ​മ്പി​ൽ ഒ​രു കേ​സുകൂ​ടി ര​ജി​സ്റ്റ​ർ ചെ​യ്തു. പാ​തി​വി​ല​യ്ക്ക് സ്കൂ​ട്ട​റും ഗൃ​ഹോ​പ​ക​ര​ണ​ങ്ങ​ളും ന​ൽ​കാ​മെ​ന്ന് വാ​ഗ്ദാ​നം ചെ​യ്ത് ക​ബ​ളി​പ്പി​ച്ച​താ​യു​ള്ള ത​ല​യോ​ല​പ്പ​റ​മ്പ് അ​ടി​യം സ്വ​ദേ​ശി​യാ​യ യു​വ​തി​യു​ടെ പ​രാ​തി​യി​ൽ തൊ​ടു​പു​ഴ സ്വ​ദേ​ശി​നി സി​ജി സു​രേ​ഷി​നെ​തിരേ​യാ​ണ് ത​ല​യോ​ല​പ്പ​റ​മ്പ് പോ​ലീസ് കേ​സെ​ടു​ത്ത​ത്.

സ​ർ​ദാ​ർ പ​ട്ടേ​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് അ​ഡ്വാ​ൻ​സ് റി​സ​ർ​ച്ച് ഡെ​വ​ല​പ്മെ​ൻ​റ് സ്റ്റ​ഡീ​സി​ൽ അ​ഫി​ലി​യേ​റ്റ് ചെ​യ്തി​രി​ക്കു​ന്ന സീ​ഡ് സൊ​സൈ​റ്റി വ​ഴി​യാ​ണ് സ്കൂ​ട്ട​റും ഗൃ​ഹോ​പ​ക​ര​ണ​ങ്ങ​ളും ന​ൽ​കു​ന്ന​തെ​ന്ന് പ​റ​ഞ്ഞു വി​ശ്വ​സി​പ്പി​ച്ച് സൊ​സൈ​റ്റി​യി​ൽ മെ​ംബർ​ഷി​പ്പ് എ​ടു​ക്കു​ന്ന​തി​നാ​യി 320 രൂ​പ സി​ജി സു​രേ​ഷി​ന്‍റെ അ​ക്കൗ​ണ്ടി​ൽ ഗൂ​ഗി​ൾ പേ ചെ​യ്തു ന​ൽ​കു​ക​യും തു​ട​ർ​ന്ന് സി​ജി സു​രേ​ഷ് അ​ഡ്മി​ൻ ആ​യു​ള്ള വാ​ട്സ്ആ​പ്പ് ഗ്രൂ​പ്പി​ൽ ആ​ഡ് ചെയ്യുകയും ചെ​യ്തു.

ഈ ​ഗ്രൂ​പ്പി​ൽ ടൂ​വീ​ല​ർ ല​ഭി​ക്കു​ന്ന​തി​നുവേ​ണ്ടി ഉ​പ​ഭോ​ക്‌തൃ വിഹിതം തൊ​ടു​പു​ഴ ഈ​യാ​ട്ടു​മു​ക്ക് എ​ച്ച്ഡി​എ​ഫ്സി ബ്രാ​ഞ്ചി​ൽ ഇ​വ​ർ ന​ൽ​കി​യ അ​ക്കൗ​ണ്ട് ന​മ്പ​റി​ലേ​ക്ക് നെ​ഫ്റ്റ്‌വ​ഴി പ​ണ​മ​ട​യ്ക്കാ​ൻ ആ​വ​ശ്യ​പ്പെ​ട്ട പ്ര​കാ​രം 56,000 കൈ​മാ​റി. തു​ട​ർ​ന്ന് ക​ഴി​ഞ്ഞ സെ​പ്റ്റം​ബ​ർ മാ​സം ഗൃ​ഹോ പ​ക​ര​ണ​ങ്ങ​ൾ​ക്ക് അ​പേ​ക്ഷി​ക്കാ​മെ​ന്ന് അ​റി​യി​ച്ച​തി​നെത്തു​ട​ർ​ന്ന് കേ​ര​ള ഗ്രാ​മീ​ൺ ബാ​ങ്കി​ൽ കു​റു​പ്പ​ന്ത​റ ശാ​ഖ​യി​ലെ മ​റ്റൊ​രാ​ളു​ടെ അ​ക്കൗ​ണ്ടി​ൽനി​ന്ന് എ​ച്ച്ഡി​എ​ഫ്സി ബാ​ങ്കി​ന്‍റെ ഇ​യ്യാ​ട്ടു​മു​ക്ക് ശാ​ഖ​യി​ലേ​ക്ക് സെ​പ്റ്റം​ബ​ർ ഏ​ഴി​ന് 10,000 രൂ​പ​യും 11ന് 17,740 ​രൂ​പ​യും അ​ട​ച്ചു.

വാ​ഹ​നം ന​ൽ​കു​ന്ന​തി​ന് മു​മ്പ് നോ​ട്ട​റി​യു​മാ​യി എ​ഗ്രി​മെ​ന്‍റ് വ​യ്ക്കു​ന്ന​തി​നാ​യി കു​ട​യ​ത്തൂ​ർ സെ​ന്‍റ് മേരീസ് പാ​രി​ഷ് ഹാ​ളി​ൽ വി​ളി​ച്ചു​വ​രു​ത്തി 200 രൂ​പ മു​ദ്ര​പ​ത്ര​ത്തി​ൽ ഒ​പ്പിടീക്കു​ക​യും നോ​ട്ട​റി ഫീ​സാ​യി 500 രൂ​പ വാ​ങ്ങി​യ​താ​യും പ​രാ​തി​യിൽപ​റ​യു​ന്നു.​തു​ട​ർ​ന്ന് മാ​സ​ങ്ങ​ൾ ക​ഴി​ഞ്ഞി​ട്ടും വാ​ഹ​ന​വും ഗൃഹോ​പ​ക​ര​ണ​ങ്ങ​ളും ലഭിക്കാതെ വ​ന്ന​തോ​ടെ​യും കൂ​ടു​ത​ൽ ത​ട്ടി​പപ്പുകൾ പു​റ​ത്താ​യ​തോ​ടെ​യുമാ​ണ് യു​വ​തി പ​രാ​തി​യു​മാ​യി എ​ത്തി​യ​ത്. ത​ല​യോ​ല​പ്പ​റ​മ്പ് പോ​ലീ​സ് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ആ​രം​ഭി​ച്ചു.