കു​റ​വി​ല​ങ്ങാ​ട്: പ്ര​തീ​ക്ഷ​യു​ടെ തീ​ർ​ഥാ​ട​ക​രെ​ന്ന പ്ര​മേ​യ​ത്തോ​ടെ ആ​ഗോ​ള​സ​ഭ​യി​ൽ ക്രി​സ്തു​ജ​യ​ന്തി ആ​ഘോ​ഷി​ക്കു​ന്ന​തി​നി​ട​യി​ൽ മാ​ർ​ത്തോ​മ്മാ​യു​ടെ ഭാ​ര​ത​പ​ര്യ​ട​ന​ത്തി​ന്‍റെ ഓ​ർ​മ​ക​ൾ സ​മ്മാ​നി​ക്കു​ന്ന ജൂ​ബി​ലി ക​പ്പേ​ള​യി​ൽ പ്ര​ദ​ക്ഷി​ണ​സം​ഗ​മം.

മേ​ജ​ർ ആ​ർ​ക്കി​എ​പ്പി​സ്‌​കോ​പ്പ​ൽ മ​ർ​ത്ത്മ​റി​യം അ​ർ​ക്ക​ദി​യാ​ക്കോ​ൻ തീ​ർ​ഥാ​ട​ന ദേ​വാ​ല​യ​ത്തി​ലെ മൂ​ന്നു​നോ​മ്പ് തി​രു​നാ​ളി​ലെ പ്ര​ദ​ക്ഷി​ണ​ങ്ങ​ൾ ജൂ​ബി​ലി ക​പ്പേ​ള​യി​ൽ സം​ഗ​മി​ക്കു​മ്പോ​ൾ അ​നേ​കാ​യി​ര​ങ്ങ​ളി​ൽ ക്രി​സ്തു​ജ​യ​ന്തി​യു​ടെ​യും മാ​ർത്തോ​മ്മാ​യു​ടെയും ഓ​ർ​മ​ക​ളി​ര​മ്പി.

ഭാ​ര​ത അ​പ്പൊസ്ത​ല​നാ​യ മാർ​ത്തോ​മ്മാ ശ്ലീ​ഹാ എ​ഡി 52ൽ ​ന​ട​ത്തി​യ ഭാ​ര​ത​പ​ര്യ​ട​ന​ത്തി​ന്‍റെ സ്മാ​​രക​മാ​യാ​ണ് 1952ൽ ​പ​ള്ളി​ക്ക​വ​ല​യി​ൽ ക​പ്പേ​ള പ​ണി​തീ​ർ​ത്ത​ത്. ജൂ​ബി​ലി ക​പ്പേ​ള എ​ന്നു പേ​രി​ട്ടി​രി​ക്കു​ന്ന ക​പ്പേ​ള​യി​ൽ ഈ​ശോ​മി​ശി​ഹാ​യു​ടെ തി​രു​വി​ലാ​വി​ൽ വി​ര​ൽ​തൊ​ടു​ന്ന മാ​ർ തോ​മ്മാ​ശ്ലീ​ഹാ​യു​ടെ തി​രു​സ്വ​രൂ​പം പ്ര​തി​ഷ്ഠി​ച്ചി​ട്ടു​ണ്ട്. പ​രി​ശു​ദ്ധ ദൈ​വ​മാ​താ​വി​ന്‍റെ​യും മാ​ർ യൗ​സേ​പ്പി​താ​വി​ന്‍റെ​യും തി​രു​സ്വ​രൂ​പ​ങ്ങ​ളാ​ണ് ക​പ്പേ​ള​യി​ലു​ള്ള മ​റ്റ് തി​രു​സ്വ​രൂ​പ​ങ്ങ​ൾ.

പ​ക​ലോ​മ​റ്റം ത​റ​വാ​ട് പ​ള്ളി, കു​ര്യ​നാ​ട്, കോ​ഴാ സെ​ന്‍റ് ജോ​സ​ഫ് ക​പ്പേ​ള, തോ​ട്ടു​വ എ​ന്നി​വി​ട​ങ്ങ​ളി​ൽ നി​ന്നു​ള്ള പ്ര​ദ​ക്ഷി​ണ​ങ്ങ​ളാ​ണ് ഇ​ട​വ​ക ദേ​വാ​ല​യ​ത്തി​ൽ​നി​ന്നു​ള്ള പ്ര​ദ​ക്ഷി​ണ​വു​മാ​യി ജൂ​ബി​ലി ക​പ്പേ​ള​യി​ൽ സം​ഗ​മി​ക്കു​ന്ന​ത്. തി​രു​സ്വ​രൂ​പ​ങ്ങ​ൾ ക​പ്പേ​ള​യി​ലേ​ക്ക് പ്ര​വേ​ശി​പ്പി​ക്കു​ന്ന​തി​ൽ​പ്പോ​ലും പാ​ര​മ്പ​ര്യ​ങ്ങ​ൾ പൂ​ർ​ണ​മാ​യും പു​ല​ർ​ത്തി​യാ​ണ് പ്ര​ദ​ക്ഷി​ണം ന​ട​ത്തു​ന്ന​ത്.