തല​യോ​ല​പ്പറ​മ്പ്: നാ​ടി​നെ ഹ​രി​താ​ഭ​മാ​ക്കി കു​ള​ങ്ങ​ളി​ലും കി​ണ​റു​ക​ളി​ലും കു​ളി​ർ ജ​ലം നി​റ​ച്ച് ഒ​ഴു​കി​യി​രു​ന്ന കു​റു​ന്ത​റ​പ്പുഴ മാ​ലി​ന്യം നി​റ​ഞ്ഞ് നീ​രൊ​ഴു​ക്കു നി​ല​ച്ച​തോ​ടെ പ്ര​ദേ​ശ​വാ​സി​ക​ളു​ടെ ജീ​വി​തം ദു​രി​ത​പൂ​ർ​ണ​മാ​കു​ന്നു. ത​ല​യോ​ല​പ​റ​മ്പ് പ​ഞ്ചാ​യ​ത്ത് ഓ​ഫീ​സി​നു മു​ൻ​വ​ശ​ത്തു​കൂ​ടി ഒ​ഴു​കു​ന്ന കെ​വി ക​നാ​ലി​ൽ നി​ന്നാ​രം​ഭി​ച്ച് ത​ല​യോ​ല​പ​റ​മ്പി​ന്‍റെ പ​ടി​ഞ്ഞാ​റ​ൻ മേ​ഖ​ല​യാ​യ കോ​രി​ക്ക​ൽ ഭാ​ഗ​ത്ത് കൂ​ടി ഒ​ഴു​കി കെ​വി ക​നാ​ലി​ൽ ത​ന്നെ സം​ഗ​മി​ക്കു​ന്ന കു​റു​ന്ത​റ പു​ഴ​യ്ക്ക് മു​ന്നു കി​ലോ​മീ​റ്റ​റോ​ളം ദൈ​ർ​ഘ്യം വ​രും.

മൂ​വാ​റ്റു​പു​ഴ​യാ​റി​ലെ ജ​ല​നി​ര​പ്പു കെ​വി ക​നാ​ലി​ലേ​തി​നേ​ക്കാ​ൾ​താ​ണ​തോ​ടെ കെ​വി ക​നാ​ലി​ലെ നീ​രൊ​ഴു​ക്കു കു​റ​ഞ്ഞു.​കെ വി ​ക​നാ​ലു​മാ​യി ബ​ന്ധ​പ്പെ​ട്ട് ഒ​ഴു​കു​ന്ന കു​റു​ന്ത​റ​പു​ഴ​യു​ടെ ശ​നി​ദ​ശ അ​വി​ടെ നി​ന്നാ​ണ് ആ​രം​ഭി​ച്ച​ത്. കെ​ആ​ർ ഓ​ഡി​റ്റോ​റി​യ​ത്തി​നു സ​മീ​പം കു​റു​പു​ഴ​യ്ക്ക് കു​റു​കെ ഇ​ടു​ങ്ങി​യ പാ​ലം തീ​ർ​ത്ത​തോ​ടെ കു​റു​ന്തു​റപ്പു​ഴ​യു​ടെ നേ​രി​യ​നീ​രൊ​ഴു​ക്കി​നും ത​ട​സം നേ​രി​ട്ടു. ഈ ​പാ​ല​ത്തി​നു താ​ഴെ വ​ൻ തോ​തി​ൽ ചെ​ളി​യും മ​ണ്ണും മാ​ലി​ന്യ​ങ്ങ​ളും തി​ങ്ങി​യ​തോ​ടെ പു​ഴ വെ​റും വെ​ള​ള​ക്കെ​ട്ടാ​യി.

ക​ഴി​ഞ്ഞ 20 വ​ർ​ഷ​ത്തി​നി​ട​യി​ൽ കു​റു​ന്തു​പു​ഴ​യെ ഒ​ഴു​ക്കാ​ൻ സ​ർ​ക്കാ​ർ വി​നി​യോ​ഗി​ച്ച​ത് കോ​ടി​ക​ളാ​ണ്. പു​ഴ​യി​ലെ മാ​ലി​ന്യം മു​ട്ട് തീ​ർ​ത്ത് വെ​ള്ളം വ​റ്റി​ച്ച് ആ​ഴ​ത്തി​ൽ കോ​രി നീ​ക്കാ​തെ​യു​ള്ള വ​ഴി​പാ​ടു ശു​ചീ​ക​ര​ണ​ങ്ങ​ൾ പൊ​തു​പ​ണം പാ​ഴാ​ക്കാ​നേ ഉ​പ​ക​രി​ച്ചു​ള്ളു.

ത​ല​യോ​ല​പ്പ​റ​മ്പി​ന്‍റെ ഹൃ​ദ​യ​ഭാ​ഗ​ത്തുകൂ​ടി ഒ​ഴു​കു​ന്ന കു​റു​ന്തു​റപ്പുഴ​യെ വീ​ണ്ടെ​ടു​ക്കാ​ൻ സ​മ​ഗ്ര​മാ​യ പ​ദ്ധ​തി ജ​ന​പ​ങ്കാ​ളി​ത്ത​തോ​ടെ ന​ട​പ്പാ​ക്കാ​ൻ സ​ർ​ക്കാ​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.