വൈ​ക്കം: വീ​ട്ടി​ൽ വീ​ണ് ത​ല​യ്ക്ക് പ​രി​ക്കേ​റ്റ പതിനൊന്നുകാ​ര​ന് വൈ​ക്കം താ​ലൂ​ക്ക് ആ​ശു​പ​ത്രി​യി​ൽ മു​റി​വ് വൃ​ത്തി​യാ​ക്കി​യ​ത് മാ​താ​പി​താ​ക്ക​ളു​ടെ മൊ​ബൈ​ൽ വെ​ളി​ച്ച​ത്തി​ൽ. ഡ്ര​സിം​ഗ് റൂ​മി​ൽനി​ന്ന് അ​ത്യാ​ഹി​ത വി​ഭാ​ഗ​ത്തി​ലെ​ത്തി​ച്ച കുട്ടിയുടെ ത​ല​യി​ലെ മു​റി​വി​ൽ ഡോ​ക്ട​ർ തു​ന്ന​ലി​ട്ട​ത് ടോ​ർ​ച്ചി​ന്‍റെ വെ​ളി​ച്ച​ത്തി​ൽ.

വൈ​ക്കം താ​ലൂ​ക്ക് ആ​ശു​പ​ത്രി​യി​ൽ ​ഇ​ന്ന​ലെ വൈ​കു​ന്നേ​രം 4.30 ഓ​ടെ​യാ​യി​രു​ന്നു സം​ഭ​വം. ചെ​മ്പ് കു​മ്പേ​ൽ സു​ജി​ത്ത് സു​ര​ഭി ദ​മ്പ​തി​ക​ളു​ടെ മ​ക​ൻ ദേ​വ​തീ​ർ​ഥി​നെ​യാ​ണ് വീ​ട്ടി​ൽ വീ​ണ് പ​രി​ക്ക് പ​റ്റി​യ​തി​നെത്തു​ട​ർ​ന്ന് മാതാപിതാക്കൾ ആ​ശു​പ​ത്രി​യി​ലെ​ത്തി​ച്ച​ത്. ആ​ശു​പ​ത്രി​യി​ൽ ആ ​സ​മ​യം വൈ​ദ്യു​തി ഇ​ല്ലാ​തി​രു​ന്ന​തി​നാ​ൽ ഡ്ര​സിം​ഗ് റൂ​മി​ലെ​ത്തി​ച്ച കുട്ടിയെ ആ​ശു​പ​ത്രി ജീ​വ​ന​ക്കാ​ര​ൻ വെ​ളി​ച്ച​മി​ല്ലാ​തി​രു​ന്ന​തി​നാ​ൽ മാ​താ​പി​താ​ക്ക​ളു​ടെ മൊ​ബൈ​ൽ വെ​ളി​ച്ച​ത്തി​ൽ മു​റി​വ് വൃ​ത്തി​യാ​ക്കിയത്.

പി​ന്നീ​ട് അ​ത്യാ​ഹി​ത വി​ഭാ​ഗ​ത്തി​ൽ ഡോ​ക്ട​റു​ടെ അ​ടു​ത്തെ ത്തി​ച്ച​പ്പോ​ൾ ഇ​രു​ട്ടാ​യ​തി​നാ​ൽ ഡോ​ക്ട​ർ കു​ട്ടി​യെ ജ​ന​ലി​ന​ടു​ത്തി​രു​ത്തി ടോ​ർ​ച്ചി​ന്‍റെ വെ​ളി​ച്ച​ത്തി​ൽ തു​ന്ന​ലി​ടുകയാ യി രുന്നു. ആ​ശു​പ​ത്രി​യി​ൽ വൈ​ദ്യു​തി ഇ​ല്ലാ​താ​യാ​ൽ സാ​മ്പ​ത്തി​ക പ​രാ​ധീ​ന​ത മൂ​ലം പ​ല​പ്പോ​ഴും ജ​ന​റേ​റ്റ​ർ പ്ര​വ​ർ​ത്തി​ക്കു​ന്നി​ല്ലെ​ന്ന ആ​രോ​പ​ണം ശ​ക്ത​മാ​ണ്.