ചെത്തിപ്പുഴ ആശുപത്രിയില്‍ സമ്പൂര്‍ണ ഡിജിറ്റല്‍ മാമോഗ്രാം ഉദ്ഘാടനം നാലിന്
1510479
Sunday, February 2, 2025 6:16 AM IST
ചങ്ങനാശേരി: ചങ്ങനാശേരിയിലെ ആദ്യ സമ്പൂര്‍ണ ഡിജിറ്റല്‍ മാമോഗ്രാം സംവിധാനം ചെത്തിപ്പുഴ സെന്‍റ് തോമസ് ആശുപത്രിയില്‍ സ്ഥാപിക്കുന്നു. ലോക കാന്‍സര്‍ ദിനമായ നാലിന് ആര്‍ച്ച്ബിഷപ് മാര്‍ തോമസ് തറയില്‍ ആശീര്‍വാദ കര്‍മം നിര്‍വഹിച്ച് ഉദ്ഘാടനം ചെയ്യും.
സാമൂഹിക പ്രവര്‍ത്തക നിഷ ജോസ് കെ. മാണി മുഖ്യാതിഥിയായിരിക്കും. ആധുനിക സാങ്കേതികവിദ്യയുടെ പിന്തുണയോടെ ഉയര്‍ന്ന നിലവാരത്തിലുള്ള ദൃശ്യമികവും രോഗനിര്‍ണയവും സാധ്യമാക്കുന്ന അലഞ്ചേഴ്സ് വീനസ് ഡിആര്‍വി+ മോഡലാണ് ആശുപത്രിയില്‍ ലഭ്യമാക്കുന്നത്.
ഫുള്‍ ഫീല്‍ഡ് ഡിജിറ്റല്‍ മാമോഗ്രാഫി സിസ്റ്റമായി പ്രവര്‍ത്തിക്കുന്ന ഈ സംവിധാനം മികച്ച സ്‌കാനിംഗ് ഗുണമേന്മ ഉറപ്പാക്കുന്നതിനായി ഫ്‌ളാറ്റ് പാനല്‍ ഡിറ്റക്ടര്‍ ഉപയോഗിക്കുന്നു.
സീറോ പോയിന്‍റ് എക്‌സ്‌പോഷര്‍ സാങ്കേതികത അടിസ്ഥാനമാക്കിയുള്ള ഓട്ടോമേറ്റഡ് എക്‌സ്‌പോഷര്‍ കണ്ട്രോള്, പൂര്‍ണമായും മോട്ടോറൈസ്ഡ് ഐസോസെന്‍ട്രിക് മാമോഗ്രാഫി സിസ്റ്റം, ഓട്ടോമാറ്റിക് ഫില്‍റ്റര്‍ സെലക‌്ഷന്‍ എപിആര്‍ തുടങ്ങിയ സവിശേഷതകളും ഇതിലുണ്ട്. ത്രീഡി ടോമോസിന്തസിസ് സംവിധാനത്തിനുള്ള സൗകര്യവും ലഭ്യമാണ്.
അമേരിക്കന്‍ കാന്‍സര്‍ സൊസൈറ്റിയുടെ മാര്‍ഗനിര്‍ദേശപ്രകാരം, നാല്പത് വയസിന് മുകളില്‍ പ്രായമുള്ള സ്ത്രീകള്‍ വര്‍ഷത്തിലൊരിക്കല്‍ മാമോഗ്രാം പരിശോധന നടത്തുന്നത് സ്തനാര്‍ബുദം ഉള്‍പ്പെടെയുള്ള രോഗങ്ങള്‍ നേരത്തേ കണ്ടെത്തുന്നതിനും ഫലപ്രദമായ ചികിത്സ ഉറപ്പാക്കുന്നതിനും സഹായകരമാണ്.
ഉദ്ഘാടനത്തോടനത്തിന്‍റെ ഭാഗമായി ഒരു മാസക്കാലത്തേക്ക് മാമോഗ്രാഫി പരിശോധന 1500 രൂപയ്ക്ക് ലഭ്യമാണ്. മുന്‍കൂട്ടി ബുക്ക് ചെയ്യുവാനായി 0481-272 2100 എന്ന നമ്പറില്‍ ബന്ധപ്പെടുക.
ഉന്നതനിലവാരമുള്ള ചികിത്സ കുറഞ്ഞനിരക്കില്‍ എല്ലാവര്‍ക്കും ലഭ്യമാക്കുകയെന്ന ലക്ഷ്യത്തോടെയാണ്. മാമോഗ്രാം സൗകര്യം ആശുപത്രിയില്‍ ക്രമീകരിച്ചിരിക്കുന്നതെന്ന് ഹോസ്പിറ്റല്‍ എക്‌സിക്യൂട്ടീവ് ഡയറക്ടര്‍ ഫാ. ജയിംസ് പി. കുന്നത്ത് അറിയിച്ചു.