വൈ‌ക്കം: ​പെ​രു​ന്പാ​മ്പ് പേ​ടി​യി​ൽ ഉ​റ​ക്ക​മി​ള​ച്ച് വൈ​ക്ക​ത്ത് ര​ണ്ടു കു​ടും​ബ​ങ്ങ​ൾ. വൈ​ക്കം കി​ഴ​ക്കേ​ന​ട​ ദ​ള​വാ​ക്കു​ളം ബ​സ് ടെ​ർ​മി​ന​ലി​ന് സ​മീ​പം ഭി​ന്ന​ശേ​ഷി​ക്കാ​ര​നാ​യ പ​ണ്ടാ​ര​ച്ചി​റ വേ​ണു​ഗോ​പാ​ലി​ന്‍റെ​യും സ​ഹോ​ദ​ര​ൻ അ​യ്യ​പ്പ​ന്‍റെ​യും കു​ടും​ബ​ങ്ങ​ളാ​ണ് വീ​ടി​നോ​ടു ചേ​ർ​ന്നു​ള്ള പെ​രി​ഞ്ചി​ല തോ​ട്ടി​ൽ വി​ഹ​രി​ക്കു​ന്ന പെ​രു​ന്പാ​മ്പി​നെ പേ​ടി​ച്ച് ഉ​റ​ക്ക​മൊ​ഴി​ക്കു​ന്ന​ത്. ഏ​താ​നും ദി​വ​സ​ങ്ങ​ളാ​യി 10 അ​ടി​യോ​ളം നീ​ള​മു​ള്ള പെ​രു​ന്പാ​മ്പ് പ്ര​ദേ​ശ​വാ​സി​ക​ളെ ഭീ​തി​യി​ലാ​ക്കു​ക​യാ​ണ്.

വീ​ടു​ക​ളി​ലെ മു​യ​ൽ, കോ​ഴി​ക​ൾ തു​ട​ങ്ങി​യ​വ​യെ പെ​രു​ന്പാ​മ്പ് പി​ടി​ച്ചു തി​ന്നു. രാ​വി​ലെ​യും വൈ​കു​ന്നേ​ര​വും ഇ​ര​പി​ടി​ക്കാ​നി​റ​ങ്ങു​ന്ന പെ​രു​ന്പാ​മ്പ് കാ​ടു​പി​ടി​ച്ച തോ​ട്ട​രി​കി​ലെ മാ​ള​ത്തി​ലേ​ക്കാ​ണ് ക​യ​റി പോ​കു​ന്ന​ത്. കു​ട്ടി​ക​ളും വ​യോ​ധി​ക​രു​മു​ള്ള വീ​ട്ടി​ലേ​ക്ക് പെ​രു​ന്പാ​മ്പ് ക​യ​റി വ​രു​മോ​യെ​ന്ന ഭീ​തി​യി​ലാ​ണ് കു​ടും​ബ​ങ്ങ​ൾ.

ഫ​യ​ർ​ഫോ​ഴ്സി​നെ​യും വ​നം വ​കു​പ്പ് അ​ധി​കൃ​ത​രെയും വി​വ​ര​മ​റി​ച്ച് ചി​ത്ര​വും അ​യ​ച്ചു​ന​ൽ​കി. വ​നം വ​കു​പ്പ് അ​ധി​കൃ​ത​ർ സ്ഥ​ല​ത്തെ​ത്തി പെ​രു​ന്പാ​മ്പി​നെ പി​ടി​കൂ​ടി ത​ങ്ങ​ളു​ടെ ആ​ശ​ങ്ക മാ​റ്റു​മെ​ന്ന പ്ര​തീ​ക്ഷ​യി​ൽ കാ​ത്തി​രി​ക്കു​ക​യാ​ണ് പ്ര​ദേ​ശ​വാ​സി​ക​ൾ.