എ​രു​മേ​ലി: ര​ണ്ട​ര മാ​സ​ത്തെ ഉ​ത്സ​വ​കാ​ലം ഇ​ന്ന​ലെ പ​ര്യ​വ​സാ​നി​ച്ച​തോ​ടെ ആ​ല​സ്യ​ത്തി​ൽ നാ​ട്. 24ഓ​ളം പാ​ർ​ക്കിം​ഗ് ഗ്രൗ​ണ്ടു​ക​ളും സി​ന്ദൂ​രം, ശ​ര​ക്കോ​ൽ ക​ച്ച​വ​ട​ങ്ങ​ളും നൂ​റു​ക​ണ​ക്കി​ന് ചെ​ണ്ട​യ​ടി​കാ​രും അ​തി​ലേ​റെ ഹോ​ട്ട​ൽ തൊ​ഴി​ലാ​ളി​ക​ളും ഉ​ൾ​പ്പെ​ടെ ആ​യി​ര​ക്ക​ണ​ക്കി​ന് പേ​ർ ഉ​പ​ജീ​വ​നം തേ​ടി​യ സീ​സ​നാ​ണ് ഇ​ന്ന​ലെ സ​മാ​പി​ച്ച​ത്.

വ​ൻ തു​ക ലേ​ല​മാ​യും വാ​ട​ക​യാ​യും ന​ൽ​കി വാ​നോ​ളം പ്ര​തീ​ക്ഷ​യോ​ടെ സീ​സ​ൺ ക​ച്ച​വ​ടം ന​ട​ത്തു​ന്ന നൂ​റു​ക​ണ​ക്കി​ന് ആ​ളു​ക​ളു​ണ്ട്. അ​വ​രി​ലെ​ല്ലാം ഇ​ത്ത​വ​ണ വ​ലി​യ ലാ​ഭ​ത്തി​ന്‍റെ ല​ക്ഷ​ണ​ങ്ങ​ളി​ല്ല. അ​ര കോ​ടി​യും അ​തി​ലേ​റെ​യും മു​ട​ക്കി​യാ​ണ് ദേ​വ​സ്വം ബോ​ർ​ഡി​ന്‍റെ പാ​ർ​ക്കിം​ഗ് ഗ്രൗ​ണ്ടു​ക​ൾ ലേ​ല​ത്തി​ലൂ​ടെ ല​ഭി​ച്ച​ത്. എ​ന്നാ​ൽ, പാ​ർ​ക്കിം​ഗ് ഫീ​സ് തു​ക ജി​ല്ലാ ഭ​ര​ണ​കൂ​ടം ഇ​ട​പെട്ട് നി​ശ്ച​യി​ച്ച​ത് തു​ച്ഛ​മാ​യ നി​ര​ക്കി​ലാ​ണെ​ന്നും അ​തു​കൊ​ണ്ട് വ​രു​മാ​നം കു​റ​ഞ്ഞെ​ന്നും ചി​ല​ർ പ​രി​ത​പി​ക്കു​ന്നു. എ​ന്നാ​ൽ, സ​ർ​ക്കാ​ർ നി​ര​ക്കി​നേ​ക്കാ​ൾ ഉ​യ​ർ​ന്ന തു​ക​യാ​ണ് പാ​ർ​ക്കിം​ഗി​ൽ ഈ​ടാ​ക്കി​യ​തെ​ന്ന് നി​ര​വ​ധി ഭ​ക്ത​രാ​ണ് പ​രാ​തി​പ്പെ​ട്ട​ത്. ബാ​ത്ത് റൂം, ​ടോ​യ്‌​ലെ​റ്റ് ഉ​പ​യോ​ഗ​ത്തി​നും ഇ​ര​ട്ടി തു​ക വാ​ങ്ങി​യെ​ന്നും ഒ​ട്ട​ന​വ​ധി ഭ​ക്ത​ർ പ​രാ​തി അ​റി​യി​ച്ചി​രുന്നു.

പേ​ട്ട​തു​ള്ള​ൽ സാ​മ​ഗ്രി​ക​ളു​ടെ വി​ല​വി​വ​രം ക​ച്ച​വ​ട​ക്കാ​ർ പ്ര​ദ​ർ​ശി​പ്പി​ച്ച കാ​ഴ്ച​യു​ണ്ടാ​യി​ല്ല. ര​ണ്ട് ചാ​യ​യ്ക്ക് 60 രൂ​പ വാ​ങ്ങി​യെ​ന്ന് പോ​ലീ​സു​കാ​ർ വ​രെ പ​രാ​തി​പ്പെ​ട്ടു. പ​കു​തി​യോ​ളം പാ​ർ​ക്കിം​ഗ് ഗ്രൗ​ണ്ടു​ക​ളും പ​ഞ്ചാ​യ​ത്ത്‌ ലൈ​സ​ൻ​സ് നേ​ടാ​തെ​യാ​ണ് പ്ര​വ​ർ​ത്തി​ച്ച​തെ​ന്നു​വ​രെ പ​രാ​തി ഉ​യ​ർ​ന്നു. പാ​ർ​ക്കിം​ഗ് ഗ്രൗ​ണ്ടു​ക​ളി​ൽ ര​ണ്ടു​ത​രം പാ​സ് ന​ൽ​കി​യാ​ണ് ഫീ​സ് പി​രി​ച്ച​തെ​ന്ന ഒ​ട്ടേ​റെ തെ​ളി​വു​ക​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു.

പ​രി​ശോ​ധ​ക​സം​ഘം വ​രു​മ്പോ​ൾ ഔ​ദ്യോ​ഗി​ക പാ​സും അ​ല്ലാ​ത്ത​പ്പോ​ൾ അ​മി​ത നി​ര​ക്കി​ലും തു​ക ഈ​ടാ​ക്കി​യാ​ണ് പാ​ർ​ക്കിം​ഗ് ഗ്രൗ​ണ്ടു​ക​ളി​ൽ ഫീ​സ് വാ​ങ്ങി​യി​രു​ന്ന​ത്. കാ​ന​ന​പാ​ത​യി​ൽ ഇ​ത്ത​വ​ണ വ​ൻ ന​ഷ്ട​മാ​ണ് ഉ​ണ്ടാ​യ​തെ​ന്ന് ക​ച്ച​വ​ട​ക്കാ​ർ പ​റ​ഞ്ഞു.