മു​ണ്ട​ക്ക​യം: കൊ​ട്ടാ​ര​ക്ക​ര-​ദി​ണ്ടി​ഗ​ൽ ദേ​ശീ​യ​പാ​ത​യി​ൽ മു​ണ്ട​ക്ക​യം പൈ​ങ്ങ​നയ്​ക്കു സ​മീ​പം ഒ​ടി​ഞ്ഞു തൂ​ങ്ങി നി​ൽ​ക്കു​ന്ന മ​ര​ത്തി​ന്‍റെ ശി​ഖ​രം അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. ഒ​രാ​ഴ്ച മു​മ്പ് പെ​യ്ത ശ​ക്ത​മാ​യ മ​ഴ​യി​ലും കാ​റ്റി​ലു​മാ​ണ് ദേ​ശീ​യ​പാ​ത​യു​ടെ വ​ശ​ത്തു നി​ൽ​ക്കു​ന്ന മ​ര​ത്തി​ന്‍റെ ശി​ഖ​രം ഒ​ടി​ഞ്ഞു റോ​ഡി​ലേ​ക്ക് വീ​ണ​ത്. നാ​ട്ടു​കാ​രു​ടെ നേ​തൃ​ത്വ​ത്തി​ൽ ഇ​വ വെ​ട്ടി മാ​റ്റി ഗ​താ​ഗ​തം പു​നഃ​സ്ഥാ​പി​ച്ചു. എ​ന്നാ​ൽ, ഈ ​മ​ര​ത്തി​ന്‍റെ ത​ന്നെ മ​റ്റൊ​രു ഭീ​മ​ൻ ശി​ഖ​രം പാ​തി ഒ​ടി​ഞ്ഞ നി​ല​യി​ലാ​യി​രു​ന്നു. ദി​വ​സ​ങ്ങ​ൾ ക​ഴി​ഞ്ഞ​തോ​ടെ ഇ​ത് പൂ​ർ​ണ​മാ​യും ഒ​ടി​ഞ്ഞ് ഏ​തു നി​മി​ഷ​വും താ​ഴേ​ക്ക് പ​തി​ക്കാ​വു​ന്ന അ​വ​സ്ഥ​യി​ലാ​യി.

ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന ദേ​ശീ​യ​പാ​ത​യി​ലേ​ക്ക് മ​ര​ത്തി​ന്‍റെ ശി​ഖ​രം വീ​ണാ​ൽ വ​ലി​യ അ​പ​ക​ട​ത്തി​നു വ​ഴി​വ​യ്ക്കും. മ​ര​ത്തി​ന്‍റെ ശി​ഖ​രം താ​ഴേ​ക്ക് പ​തി​ക്കാ​തി​രി​ക്കാ​ൻ നാ​ട്ടു​കാ​ർ ക​യ​ർ വ​ലി​ച്ചു​കെ​ട്ടി നി​ർ​ത്തി​യി​രി​ക്കു​ക​യാ​ണ്. വാ​ഹ​ന, കാ​ൽ​ന​ട യാ​ത്ര​ക്കാ​രു​ടെ ത​ല​യ്ക്കു മു​ക​ളി​ൽ ഇ​തു​നി​മി​ഷ​വും പ​തി​ക്കാ​വു​ന്ന രീ​തി​ൽ തൂ​ങ്ങി​ക്കി​ട​ക്കു​ന്ന മ​ര​ത്തി​ന്‍റെ ശി​ഖ​രം അ​ടി​യ​ന്ത​ര​മാ​യി വെ​ട്ടി​മാ​റ്റി​യി​ല്ലെ​ങ്കി​ൽ ഇ​തു വ​ലി​യ അ​പ​ക​ട​ങ്ങ​ൾ​ക്കാ​കും വ​ഴി​വ​യ്ക്കു​ക.

ഓ​രോ വ​ർ​ഷ​വും റോ​ഡി​ന്‍റെ വ​ശ​ങ്ങ​ളി​ൽ നി​ൽ​ക്കു​ന്ന മ​ര​ങ്ങ​ൾ വാ​ഹ​ന​ങ്ങ​ളു​ടെ മു​ക​ളി​ൽ പ​തി​ച്ച് നി​ര​വ​ധി അ​പ​ക​ട​ങ്ങ​ളാ​ണ് ഉ​ണ്ടാ​കു​ന്ന​ത്.

ഇ​ത്ത​ര​ത്തി​ൽ അ​പ​ക​ട​ങ്ങ​ൾ​ക്ക് കാ​ത്തു​നി​ൽ​ക്കാ​തെ അ​പ​ക​ട​ഭീ​ഷ​ണി​യാ​യി മാ​റി​യ മ​രം വെ​ട്ടി​മാ​റ്റാ​ൻ അ​ധി​കാ​രി​ക​ൾ ത​യാ​റാ​ക​ണ​മെ​ന്നാ​ണു നാ​ട്ടു​കാ​രു​ടെ ആ​വ​ശ്യം.