ഇ​രി​ട്ടി: കാ​ക്ക​യ​ങ്ങാ​ട് ആ​യി​ച്ചോ​ത്തെ വീ​ട് കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ കേ​സി​ലെ ര​ണ്ടു പ്ര​തി​ക​ളെ മു​ഴ​ക്കു​ന്ന് പോ​ലീ​സ് അ​റ​സ്റ്റ് ചെ​യ്തു. കാ​ഞ്ഞ​ങ്ങാ​ട് ഹൊ​സ്ദു​ർ​ഗ് സ്വ​ദേ​ശി മ​നു (36), ക​ണ്ണൂ​ർ പു​തി​യ​തെ​രു സ്വ​ദേ​ശി സ​ന്തോ​ഷ് (43) എ​ന്നി​വ​രെ​യാ​ണ് മു​ഴ​ക്കു​ന്ന് സിഐ എ.​വി. ദി​നേ​ഷ്, എ​സ്ഐ ​എ​ൻ . വി​പി​ൻ എ​ന്നി​വ​ർ ചേ​ർ​ന്ന് അ​റ​സ്റ്റ് ചെ​യ്ത​ത്.

സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മോ​ഷ​ണം ന​ട​ന്ന് ഒ​രാ​ഴ്ച​ക്കു​ള്ളി​ൽ പ്ര​തി​ക​ളെ പി​ടി​കൂ​ടാ​ൻ പോ​ലീ​സി​ന് ക​ഴി​ഞ്ഞ​ത്. ക​ഴി​ഞ്ഞ തി​ങ്ക​ളാ​ഴ്ചയാ​യി​രു​ന്നു സം​ഭ​വം.

ആ​യി​ച്ചോ​ത്തെ കെ.​എം. വേ​ണു​ഗോ​പാ​ലും കു​ടും​ബ​വും കോ​ഴി​ക്കാ​ടു​ള്ള മ​ക​ന്‍റെ വീ​ട്ടി​ൽ പോ​യി രാ​ത്രി വൈ​കി തി​രി​കെ എത്തുമ്പോ​ഴാ​ണ് മോ​ഷ​ണം ന​ട​ന്ന​ത​റി​യു​ന്ന​ത്.

കി​ണ​റി​ന്‍റെ വാ​തി​ൽ ത​ക​ർ​ത്ത് മോ​ഷ്ടാ​ക്ക​ൾ വീ​ടി​നു​ള്ളി​ൽ ക​ട​ന്ന് 10 പ​വ​ൻ സ്വ​ർ​ണ​വും 160000 രൂ​പ​യു​മാ​ണ് മോ​ഷ്ടി​ച്ച​ത്. പ്ര​തി മ​നു​വി​നെ പ​യ്യ​ന്നൂ​രി​ൽ​നി​ന്നും സ​ന്തോ​ഷി​നെ ക​ണ്ണൂ​രി​ൽ​നി​ന്നു​മാ​ണ് പോ​ലീ​സ് പി​ടി​കൂ​ടു​ന്ന​ത്. ഇ​വ​രു​ടെ പ​ക്ക​ൽ​നി​ന്നു തൊ​ണ്ടി​മു​ത​ലും ക​ണ്ടെ​ടു​ത്തു.

പ്ര​തി​ക​ളെ സം​ഭ​വ​സ്ഥ​ല​ത്ത് എ​ത്തി​ച്ച് തെ​ളി​വെ​ടു​പ്പു ന​ട​ത്തി. പ്ര​തി സ​ന്തോ​ഷി​ന് ജി​ല്ല​യി​ൽ വി​വി​ധ പോ​ലീ​സ് സ്റ്റേ​ഷ​നു​ക​ളി​ലാ​യി സ​മാ​ന​മാ​യ നാ​ലോ​ളം കേ​സു​ക​ൾ നി​ല​വി​ലു​ണ്ട്.

ആ​ളി​ല്ലാ​ത്ത വീ​ടു​ക​ൾ നി​രീ​ക്ഷ​ണം ന​ട​ത്തി​യാ​ണ് പ്ര​തി​ക​ൾ മോ​ഷ​ണം ന​ട​ത്തു​ന്ന​ത്.​അ​ന്വേ​ഷ​ണ സം​ഘ​ത്തി​ൽ എ​സ്‌​സി​പി​ഒ​മാ​രാ​യ സ​ന്തോ​ഷ്, സി​ജു, ഷി​ബു​ലാ​ൽ, അ​ജേ​ഷ്, സി​പി​ഒ​മാ​രാ​യ ദി​ൽ​രൂ​പ്, രാ​കേ​ഷ് എ​ന്നി​വ​ർ ഉ​ണ്ടാ​യി​രു​ന്നു.