ഇ​രി​ട്ടി: ആ​റ​ളം ഫാ​മി​ലെ ബ്ലോ​ക്ക് ഏ​ഴി​ൽ ക​ഴി​ഞ്ഞ ര​ണ്ടുദി​വ​സ​ളി​ലാ​യി കാ​ട്ടാ​ന​ക്കൂ​ട്ടം ന​ശി​പ്പി​ച്ച​ത് 230 റ​ബ​ർ മ​ര​ങ്ങ​ൾ. ടാ​പ്പിം​ഗ് തു​ട​ങ്ങി മൂ​ന്നു​വ​ർ​ഷം മാ​ത്ര​മാ​യ മ​ര​ങ്ങ​ളാ​ണ് 30 ആനകളുടെ​കൂ​ട്ടം തൊ​ലി പൊ​ളി​ച്ചു തി​ന്ന് ന​ശി​പ്പി​ച്ച​ത്. വ​ർ​ഷ​ങ്ങ​ളോ​ളം ല​ഭി​ക്കേ​ണ്ട വ​രു​മാ​ന മാ​ർ​ഗ​മാ​ണ് കാ​ട്ടാ​ന​ക്കൂ​ട്ടം ര​ണ്ടുദി​വ​സം കൊ​ണ്ട് ന​ശി​പ്പി​ച്ച​ത്.

കാ​ട്ടാ​ന​ക്കൂ​ട്ടം ഇ​പ്പോ​ഴും പ്ര​ദേ​ശ​ത്ത് നി​ല​യു​റ​പ്പി​ച്ചി​രി​ക്കു​ക​യാ​ണ്. ക​ഴി​ഞ്ഞ ര​ണ്ടു വ​ർ​ഷ​മാ​യി റ​ബ​ർ മ​ര​ങ്ങ​ൾ​ക്ക് നേ​രെ​യു​ള്ള കാ​ട്ടാ​ന​യു​ടെ ആ​ക്ര​മ​ണം വ​ർ​ധി​ച്ചു​വ​രിക​യാ​ണ്. ഫാ​മി​ലെ കൃ​ഷി​ഭൂ​മി​ക​ളി​ൽ ഭൂ​രി​ഭാ​ഗം സ്ഥ​ല​ത്തും സോ​ളാ​ർ വൈ​ദ്യു​ത വേ​ലി സ്ഥാ​പി​ച്ചെങ്കി​ലും ബ്ലോ​ക്ക്‌ ഏ​ഴി​ൽ റ​ബ​ർ പ്ലാ​ന്‍റേ​ഷ​ന്‍റെ ഭാ​ഗ​ങ്ങ​ളി​ൽ വേ​ലി ഇ​നി​യും സ്ഥാ​പി​ച്ചി​ട്ടി​ല്ല. 4.5 കി​ലോ​മീ​റ്റ​ർ ദൂ​രം സോ​ളാ​ർ വേ​ലി​ക്കാ​യു​ള്ള പ്ര​പ്പോ​സ​ൽ സ​മ​ർ​പ്പി​ച്ചി​രി​ക്കു​ക​യാ​ണ് ഫാം ​അ​ധി​കൃ​ത​ർ.

ഒ​രുവ​ർ​ഷം കൊണ്ട് ആ​ന ന​ശി​പ്പി​ച്ച​ത് 4200 റ​ബ​ർ മ​ര​ങ്ങ​ൾ

ആ​റ​ളം ഫാ​മി​ന്‍റെ സ്ഥി​ര വ​രു​മാ​ന സ്രോ​ത​സാ​യ 4200 റ​ബ​ർ മ​ര​ങ്ങ​ളാ​ണ് ക​ഴി​ഞ്ഞ ഒ​രുവ​ർ​ഷം കൊ​ണ്ട് കാ​ട്ടാ​ന​ക​ൾ ന​ശി​പ്പി​ച്ച​ത്. ശ​രാ​ശ​രി 350 രൂ​പ വാ​ർ​ഷി​ക വ​രു​മാ​ന​മാ​ണ് ഒ​രു റ​ബ​ർ മ​ര​ത്തി​ൽ നി​ന്നും ല​ഭി​ക്കു​ന്ന​ത്.

കാ​ട്ടാ​ന​ക​ൾ ന​ശി​പ്പി​ച്ച റ​ബ​ർ മ​ര​ങ്ങ​ളി​ൽ അ​ധി​ക​വും 12 വ​ർ​ഷം കൂ​ടി ടാ​പ്പിം​ഗ് ന​ട​ത്താ​ൻ ക​ഴി​യു​ന്ന​വ​യാ​യി​രു​ന്നു. ആ​ന ന​ശി​പ്പി​ച്ച റ​ബ​ർ മ​ര​ങ്ങ​ളു​ടെ ശ​രാ​ശ​രി വ​രു​മാ​നം 1.76 കോ​ടി രൂ​പ​യോ​ളം വ​രും. 12 വ​ർ​ഷ​ത്തി​ന് ശേ​ഷം മ​ര​ങ്ങ​ൾ മു​റി​ച്ച് വി​ല്ക്കു​മ്പോ​ൾ ല​ഭി​ക്കു​ന്ന വ​രു​മാ​നം നി​ല​വി​ലെ ക​ണ​ക്ക​നു​സ​രി​ച്ച് 1.70 കോ​ടി രൂ​പ​യാ​ണ്.

റ​ബ​റി​ൽ നി​ന്നും മാ​ത്രം ഫാ​മി​ന് ല​ഭി​ക്കേ​ണ്ട 3.46 കോ​ടി രൂ​പ​യു​ടെ വ​രു​മാ​നന​ഷ്ട​മാ​ണ് സം​ഭ​വി​ച്ചി​രിക്കു​ന്ന​ത്. കൂ​ടാ​തെ ഫാ​മി​ലെ തെ​ങ്ങ്, ക​ശു​മാ​വ് തു​ട​ങ്ങി എ​ല്ലാ വി​ള​ക​ളും കാ​ട്ടാ​ന​ക​ൾ ന​ശി​പ്പി​ച്ചി​രി​ക്കുക​യാ​ണ്. ഫാ​മി​ന്‍റെ ക​ണ​ക്ക് അ​നു​സ​രി​ച്ച് 40 കോ​ടി​യി​ൽ അ​ധി​കം രൂ​പ വ​നം വ​കു​പ്പ് ന​ഷ്ട​പ​രി​ഹാര​മാ​യി ന​ൽ​കേ​ണ്ട​തു​ണ്ട്.