ത​ളി​പ്പ​റ​മ്പ്: റോ​ഡ​രി​കി​ൽ ലോ​റി​യി​ൽ കൊ​ണ്ടുവ​ന്ന് മാ​ലി​ന്യം ത​ള്ളി​യ​വ​രെ കൈ​യോ​ടെ പി​ടി​കൂ​ടി വ​നി​താ പ​ഞ്ചാ​യ​ത്ത് പ്ര​സി​ഡ​ന്‍റ്. പ​ട്ടു​വം പ​ഞ്ചാ​യ​ത്തി​ലെ പ​റ​പ്പൂ​ൽ-​കോ​ടേ​ശ്വ​രം റോ​ഡ​രി​കി​ൽ മാ​ലി​ന്യം ത​ള്ളി​യ​വ​രെ​യാ​ണ് പ്ര​സി​ഡ​ന്‍റ് പി. ​ശ്രീ​മ​തി സ്കൂ​ട്ട​റി​ൽ പി​ന്തു​ട​ർ​ന്ന് പി​ടി​കൂ​ടി​യ​ത്. ഇ​വി​ടെ കു​റ​ച്ചുദി​വ​സ​ങ്ങ​ളാ​യി മാ​ലി​ന്യം ത​ള്ളു​ന്ന​ത് ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് പ്ര​സി​ഡ​ന്‍റി​ന്‍റെ നേ​തൃ​ത്വ​ത്തി​ൽ നി​രീ​ക്ഷ​ണം ന​ട​ത്തി വ​രി​ക​യാ​യി​രു​ന്നു.

ഇ​തി​നി​ടെ​യാ​ണ് ക​ഴി​ഞ്ഞദി​വ​സം ലോ​റി​യി​ൽ കൊ​ണ്ടുവ​ന്ന മാ​ലി​ന്യം റോഡരികിൽ ത​ള്ളു​ന്ന​ത് ക​ണ്ട​ത്. പ്ര​സി​ഡ​ന്‍റ് ഇ​തി​ന്‍റെ ഫോ​ട്ടോ എ​ടു​ത്ത​തോ​ടെ മാ​ലി​ന്യം ത​ള്ളാ​നെ​ത്തി​യ​വ​ർ ലോ​റി​യു​മാ​യി ക​ട​ന്നുക​ള​ഞ്ഞു. വി​വ​രം പോ​ലീ​സി​നെ അ​റി​യി​ച്ച് സ്കൂ​ട്ട​റി​ൽ ലോ​റി​യെ പി​ന്തു​ട​ർ​ന്ന് പോ​ലീ​സ് സ​ഹാ​യ​ത്തോ​ടെ പി​ടി​കൂ​ടു​ക​യാ​യി​രു​ന്നു. ചെ​റു​കു​ന്നി​ൽ നി​ന്നു​ള്ള മാ​ലി​ന്യ​മാ​ണ് ഇ​വി​ടെ ത​ള്ളി​യ​ത്. മാ​ലി​ന്യം തി​രി​ച്ചെ​ടു​പ്പി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ച്ച ശേ​ഷം ലോ​റി ഉ​ട​മ​യി​ൽ നി​ന്ന് 50,000 രൂ​പ പി​ഴ​യും ഈ​ടാ​ക്കി.