സംസ്ഥാനത്ത് മഴ ശക്തമായതോടെ വൈദ്യുതി ഉപയോഗത്തിലും ഗണ്യമായ കുറവുണ്ടായി. 75.371 ദശലക്ഷം യൂണിറ്റായിരുന്നു ഇന്നലെ സംസ്ഥാനത്തെ വൈദ്യുതി ഉപയോഗം. ഇടുക്കിയിൽ 5.763 ദശലക്ഷം യൂണിറ്റായിരുന്നു ഉത്പാദനം. പദ്ധതി പ്രദേശത്ത് ഇന്നലെ 54.2 മില്ലിമീറ്റർ മഴ രേഖപ്പെടുത്തി.
◄ജാഗ്രതാ നിർദേശം►
മൂന്നാർ: കനത്ത മഴയിൽ മുതിരപ്പുഴയാറിൽ ജലനിരപ്പ് ഉയരാനുള്ള സാധ്യത കണക്കിലെടുത്ത് ആറിന്റെ തീരങ്ങളിൽ താമസിക്കുന്നവർക്ക് ജില്ലാ ഭരണകൂടം ജാഗ്രതാ നിർദേശം നൽകി. ഇന്നലെ പ്രദേശത്ത് കനത്ത മഴ രേഖപ്പെടുത്തിയിരുന്നു. ഇതേത്തുടർന്നു മൂന്നാർ ഹെഡ് വർക്സ് ഡാമിന്റെ ഒരു ഷട്ടർ 10 സെന്റിമീറ്റർ വീതം ഉയർത്തി വെള്ളം പുറത്തേക്ക് ഒഴുക്കുകയാണ്. വരും ദിവസങ്ങളിൽ മഴ ശക്തിപ്പെടാനുള്ള സാധ്യത കണക്കിലെടുത്ത് റവന്യു ഉദ്യോഗസ്ഥരുടെ മേൽനോട്ടത്തിൽ കരുതൽ നടപടികൾ സ്വീകരിച്ചുവരികയാണ്. തിങ്കളാഴ്ച 35 മില്ലിമീറ്റർ മഴ മൂന്നാറിലും സമീപ പ്രദേശങ്ങളിലും ലഭിച്ചു.