മലയോര കര്‍ഷകര്‍ വന്യമൃഗശല്യം മൂലം പ്രയാസപ്പെടുകയാണ്. എന്നാല്‍, ആവശ്യത്തിന് ഫണ്ട് അനുവദിക്കുന്നില്ല. തെക്കന്‍ കേരളത്തില്‍നിന്ന് കുടിയേറിയ ആയിരക്കണക്കിന് മലയോര കര്‍ഷകര്‍ താമസിക്കുന്ന മലപ്പുറം ജില്ലയിലെ നിലമ്പൂര്‍ താലൂക്കിലെ 10 വില്ലേജുകള്‍ കേന്ദ്ര സര്‍ക്കാര്‍ പ്രഖ്യാപിച്ച 131 പരിസ്ഥിതിലോല മേഖലയില്‍പെട്ടിരിക്കുകയാണ്. ഇത്തരം പ്രശ്നങ്ങളില്‍ ഇടപെടുന്നതിനാണ് ഇ.എന്‍. മോഹന്‍ദാസ് തന്നെ ശത്രുപക്ഷത്ത് നിറുത്തിയിരിക്കുന്നത്.
അടുത്തിടെ പാര്‍ട്ടി ഓഫീസില്‍ മോഹന്‍ദാസിനെ ഒരു ജില്ലാ സെക്രട്ടേറിയറ്റ് അംഗം ചവിട്ടാന്‍ ശ്രമിച്ചിരുന്നുവെന്നും അന്‍വര്‍ വെളിപ്പെടുത്തി.
ആര്‍എസ്എസ് സ്വഭാവം വീട്ടില്‍ വച്ചാല്‍ മതി. പാര്‍ട്ടി ഓഫീസില്‍ വേണ്ടെന്നു പറഞ്ഞ് കോളറിനു പിടിച്ചിട്ടുണ്ട്. ഇത്രയും ആര്‍എസ്എസ് വത്കൃത മനസുമായി നടക്കുകയാണ്. മലപ്പുറത്ത് മുസ്‌ലിം സമുദായത്തെ തകര്‍ക്കാന്‍ വേണ്ടി രാപകല്‍ ആര്‍എസ്എസിനുവേണ്ടി നടക്കുകയാണ് മോഹന്‍ദാസെന്നും പി.വി. അന്‍വര്‍ ആരോപിച്ചു.
മതേതരവാദിയായ തന്നെ അഞ്ചുവട്ടം നിസ്കരിക്കുന്നു എന്നതിന്‍റെ പേരിലാണോ ശത്രുപക്ഷത്ത് നിര്‍ത്തിയിരിക്കുന്നതെന്ന് മോഹന്‍ദാസ് വ്യക്തമാക്കണമെന്നും അന്‍വര്‍ ആവശ്യപ്പെട്ടു. മതേതരത്വത്തിന്‍റെ മുഖമാണ് മലപ്പുറത്തിന്‍റേത്. അത് നിലനിര്‍ത്താന്‍ താന്‍ പോരാട്ടം തുടരുമെന്നും അന്‍വര്‍ പറഞ്ഞു.