ആ​മ്പ​ല്ലൂ​ര്‍: മ​ണ്ണി​നു ബ​ല​മി​ല്ലെ​ന്നു കണ്ടെ​ത്തി​യ​തോ​ടെ നി​ര്‍​ത്തി​വ​ച്ച, ദേ​ശീ​യ​പാ​ത​യി​ലെ ആ​മ്പ​ല്ലൂ​ര്‍ അ​ടി​പ്പാ​ത​യു​ടെ പ​ണി പു​ന​രാ​രം​ഭി​ച്ചു. ന​വീ​ക​രി​ച്ച രൂ​പ​രേ​ഖപ്ര​കാ​രം ബോ​ക്‌​സ് ടൈ​പ്പ് അ​ണ്ട​ര്‍​പാ​സേ​ജാ​ണ് ദേ​ശീ​യ​പാ​ത അ​ഥോ​റി​റ്റി അം​ഗീ​ക​രി​ച്ച​ത്. നേ​ര​ത്തേ പി​ല്ല​റി​നാ​യെടുത്ത കു​ഴി​ക​ള്‍ മൂടി​യി​രു​ന്നു. ഇ​വ വീ​ണ്ടും തു​റ​ന്ന് ആ​ഴംകു​റ​ച്ച് കോ​ണ്‍​ക്രീ​റ്റി​ട​ല്‍ പൂ​ര്‍​ത്തി​യാ​യി.

20 മീ​റ്റ​ര്‍ വീ​തി​യും അ​ഞ്ച​രമീ​റ്റ​ര്‍ ഉ​യ​ര​വു​മു​ള​ള അ​ടി​പ്പാ​ത​യു​ടെ ഘ​ട​ന​യി​ല്‍ മാ​റ്റ​മി​ല്ല. നേ​ര​ത്തേ നാ​ല് കൂ​റ്റ​ന്‍പി​ല്ല​റു​ക​ളി​ല്‍ വെ​ഹി​ക്കു​ലാ​ര്‍ അ​ണ്ട​ര്‍പാ​സേ​ജാ​യി​ട്ടാ​ണ് അ​ടി​പ്പാ​ത പ​ണി ആ​രം​ഭി​ച്ച​ത്. എ​ന്നാ​ല്‍ 15 അ​ടി​യി​ലേ​റെ താ​ഴ്ച​യി​ല്‍ കു​ഴി​യെ​ടു​ത്തശേ​ഷം മ​ണ്ണി​ന്‍റെ ബ​ല​ക്കു​റ​വ് ക​ണ്ടെ​ത്തി​യ​തോ​ടെ കു​ഴി​ച്ച കു​ഴി​ക​ള്‍ മൂ​ടു​ക​യും അ​ടി​പ്പാ​ത​യു​ടെ പ്ര​ധാ​ന പി​ല്ല​റു​ക​ളു​ടെ പ​ണി നി​ര്‍​ത്തു​ക​യു​മാ​യി​രു​ന്നു. ഘ​ട​ന​യി​ലും രൂ​പ​രേ​ഖ​യും മാ​റ്റംവ​രു​ത്തു​ന്ന​തു ക​രാ​ര്‍ക​മ്പ​നി​യു​ടെ ഉ​ത്ത​ര​വാ​ദി​ത്വമാ​ണെ​ന്നും രൂ​പ​രേ​ഖ അം​ഗീ​ക​രി​ക്കു​കമാ​ത്ര​മാ​ണ് എ​ന്‍എ​ച്ച്എഐയു​ടെ ചു​മ​ത​ല​യെ​ന്നും പ്രോ​ജ​ക്ട് ഡ​യ​റ​ക്ട​ര്‍ അ​ന്‍​സി​ല്‍ ഹ​സ​ന്‍ അ​റി​യി​ച്ചു.

പ്രാ​ഥ​മി​കതയാ​റെ​ടു​പ്പു​ക​ള്‍പോ​ലു​മി​ല്ലാ​തെ, അ​റി​യി​ച്ചി​രു​ന്ന​തി​നെ​ക്കാ​ള്‍ നേ​ര​ത്തേ​യാ​ണ് ആ​മ്പ​ല്ലൂ​രി​ല്‍ അ​ടി​പ്പാ​ത​യു​ടെ പ​ണി തു​ട​ങ്ങി​യ​ത്. എ​ന്നാ​ല്‍ ര​ണ്ടു​മാ​സ​ത്തോ​ള​മാ​യി​ട്ടും പ​ണി​യി​ല്‍ പു​രോ​ഗ​തി ഉ​ണ്ടാ​യി​രു​ന്നി​ല്ല. നീ​ര്‍​ത്ത​ട​ങ്ങ​ള്‍ ഏ​റെ​യു​ള്ള പ്ര​ദേ​ശ​ത്തു മ​ണ്ണുപ​രി​ശോ​ധ​ന ന​ട​ത്താ​തെ പി​ല്ല​റു​ക​ള്‍​ക്ക് കു​ഴി​യെ​ടു​ത്ത​തു വി​മ​ര്‍​ശ​ന​ത്തി​നി​ട​യാ​ക്കി​യി​രു​ന്നു.

തു​ട​ര്‍​ന്നാ​ണ് ക​രാ​ര്‍ക​മ്പ​നി​യോ​ട് അ​ടി​പ്പാ​ത​യു​ടെ പു​തി​യ രൂ​പ​രേ​ഖ ത​യാ​റാ​ക്കാ​ന്‍ നി​ര്‍​ദേ​ശി​ച്ച​ത്. ദേ​ശീ​യ​പാ​ത​യി​ല്‍ ദി​വ​സേ​ന 50,000 വാ​ഹ​ന​ങ്ങ​ള്‍ ക​ടന്നു​പോ​കു​ന്ന ഭാ​ഗ​ത്താ​ണ് നി​ര്‍​ദി​ഷ്ടഅ​ടി​പ്പാ​ത വ​രു​ന്ന​ത്. സാ​ധാ​ര​ണ അ​ടി​പ്പാ​ത​ക​ളി​ല്‍നി​ന്ന് വ്യ​ത്യ​സ്ത​മാ​യി വ​ലി​യ വാ​ഹ​ന​ങ്ങ​ള്‍​ക്കു മു​ക​ളി​ലൂ​ടെ ക​ട​ന്നു​പോ​കാ​ന്‍ സൗ​ക​ര്യ​മു​ള്ള വ​ലി​യ പാ​ല​മാ​ണ് ആ​മ്പ​ല്ലൂ​ര്‍ സെ​ന്‍റ​റി​ലൂ​ടെ ക​ട​ന്നു​പോ​കു​ന്ന​ത്.

മ​ണ​ലി പാ​ല​ത്തി​നു സ​മീ​പ​ത്തുനി​ന്ന് ആ​രം​ഭി​ക്കു​ന്ന അ​ടി​പ്പാ​ത ആ​മ്പ​ല്ലൂ​ര്‍ സെ​ന്‍റര്‍ ക​ട​ന്ന് ശ്രീ​ല​ക്ഷ്മി തി​യേ​റ്റ​റി​നു സ​മീ​പ​ത്താ​യാ​ണ് ദേ​ശീ​യ​പാ​ത​യി​ല്‍ ചേ​രു​ന്ന​ത്.