കൂ​ത്താ​ട്ടു​കു​ളം: കി​ഴ​കൊ​ന്പി​ലെ യു​വാ​ക്ക​ളി​ൽ പു​തി​യ കൃ​ഷി സം​സ്കാ​രം ഉ​ണ​ർ​ത്തി ബി​നീ​ഷി​ന്‍റെ കൃ​ഷി നാ​ലാം വ​ർ​ഷ​ത്തി​ലേ​ക്ക്. യു​വ ക​ർ​ഷ​ക​നാ​യ ബി​നീ​ഷ് കെ. ​തു​ള​സി​ദാ​സ് ക​ഴി​ഞ്ഞ നാ​ലു വ​ർ​ഷ​മാ​യി കി​ഴ​കൊ​ന്പ് ഉ​ള്ളാ​ന്പ​ടം പാ​ട​ശേ​ഖ​ര​ത്ത് കൃ​ഷി ചെ​യ്യു​ക​യാ​ണ്. കൂ​ത്താ​ട്ടു​കു​ളം സി​പി​ഐ ലോ​ക്ക​ൽ സെ​ക്ര​ട്ട​റി​യും എം​പി​ഐ ജീ​വ​ന​ക്കാ​ര​നു​മാ​ണ് കെ. ​ബി​നീ​ഷ് തു​ള​സീ​ദാ​സ്. പാ​ര​ന്പ​ര്യ ക​ർ​ഷ​ക കു​ടും​ബ​ത്തി​ലെ അം​ഗ​മാ​ണെ​ങ്കി​ലും സ്വ​ന്ത​മാ​യി കൃ​ഷി ചെ​യ്യാ​ൻ തു​ട​ങ്ങി​യി​ട്ട് അ​ധി​ക​കാ​ലം ആ​യി​ട്ടി​ല്ല.

വ​ർ​ഷ​ങ്ങ​ളാ​യി ത​രി​ശു​കി​ട​ക്കു​ന്ന കി​ഴ​കൊ​ന്പ് ഉ​ള്ളാ​ന്പ​ടം പാ​ട​ശേ​ഖ​ര​ത്തി​ലെ 80 സെ​ന്‍റ് സ്ഥ​ല​ത്താ​ണ് ആ​ദ്യം ബി​നീ​ഷ് കൃ​ഷി​യി​റ​ക്കി​യ​ത്. ഇ​ക്കൊ​ല്ലം ര​ണ്ട​ര​യേ​ക്ക​ർ സ്ഥ​ല​ത്താ​ണ് കൃ​ഷി ചെ​യ്തി​രി​ക്കു​ന്ന​ത്. കാ​ർ​ഷി​ക കോ​ള​ജി​ൽ വി​ക​സി​പ്പി​ച്ചെ​ടു​ത്ത ഉ​ന്ന​ത ഗു​ണ​നി​ല​വാ​ര​മു​ള്ള ബീ​ൻ​സ് പ​യ​റു​ക​ളും ക​രി​മ​ണി പ​യ​റു​ക​ളും ഉ​ൾ​പ്പെ​ടെ അ​ഞ്ചി​ന വ്യ​ത്യ​സ്ത ത​ര​ത്തി​ലു​ള്ള പ​യ​റു​ക​ളു​ടെ കൃ​ഷി​യും ഇ​വി​ടെ​യു​ണ്ട്.

ഇ​ട കൃ​ഷി​യാ​യി വെ​ള്ള​രി​യും വാ​ഴ​യും പാ​വ​ലും പ​ട​വ​ലും ചീ​ര​യും ഇ​ട​തൂ​ർ​ന്നു നി​ൽ​ക്കു​ന്ന​ത് മ​നോ​ഹ​ര കാ​ഴ്ച​യാ​ണ്. ഇ​ക്കു​റി പ​രീ​ക്ഷ​ണാ​ർ​ത്ഥം ചോ​ള​വും ഇ​ടം പി​ടി​ച്ചി​ട്ടു​ണ്ട്. സ​മീ​പ​ത്തു ത​ന്നെ​യു​ള്ള മ​റ്റൊ​രു കൃ​ഷി​യി​ട​ത്തി​ൽ ക​പ്പ കൃ​ഷി​യും ന​ല്ല രീ​തി​യി​ൽ പു​രോ​ഗ​മി​ക്കു​ന്നു.

ബി​നീ​ഷി​ന്‍റെ കൃ​ഷി​യി​ട​ത്തി​ൽ എ​ത്തു​ന്ന​വ​ർ​ക്ക് നേ​രി​ട്ട് പ​യ​റി​ന്‍റെ വി​ള​വെ​ടു​ക്കാ​നും കൃ​ഷി​യെ തൊ​ട്ട​റി​ഞ്ഞ കൃ​ഷി​യു​ടെ മ​ഹ​ത്വം അ​റി​യാ​നു​ള്ള അ​വ​സ​ര​വും ഇ​ദ്ദേ​ഹം ഒ​രു​ക്കി​യി​ട്ടു​ണ്ട്. കൃ​ഷി​യി​ൽ ബി​നീ​ഷി​നെ സ​ഹാ​യി​ക്കാ​ൻ ഭാ​ര്യ സു​ജി​ത​യും കൃ​ഷി​യി​ട​ത്തി​ൽ എ​ത്താ​റു​ണ്ട്. സ​ഹാ​യ​ങ്ങ​ൾ​ക്കാ​യി അ​ന്യ​സം​സ്ഥാ​ന തൊ​ഴി​ലാ​ളി​ക​ളും ഒ​പ്പ​മു​ണ്ട്. ആ​ഴ്ച​യി​ൽ 1000 കി​ലോ​യി​ൽ അ​ധി​കം പ​യ​ർ ഈ ​പാ​ട​ശേ​ഖ​ര​ത്തി​ൽ നി​ന്നും വി​ള​വെ​ടു​ക്കും.

പു​തി​യ ഇ​നം പ​യ​ർ പ​രീ​ക്ഷി​ക്കാ​ൻ നി​ര​വ​ധി ആ​ളു​ക​ൾ കൃ​ഷി​യി​ട​ത്തി​ൽ എ​ത്തു​ന്നു​ണ്ട്. എം​വി​ഐ​പി പ്രോ​ജ​ക്ടി​ന്‍റെ ഭാ​ഗ​മാ​യി മ​ല​ങ്ക​ര​യി​ൽ നി​ന്നും എ​ത്തു​ന്ന വെ​ള്ളം സ​ദാ​സ​മ​യ​വും കൃ​ഷി​യി​ട​ങ്ങ​ളി​ലേ​ക്ക് എ​ത്തു​ന്ന​തി​നാ​ൽ ഇ​വി​ടെ നൂ​റു​മേ​നി വി​ള​വാ​ണ്. അ​ത്യാ​വ​ശ്യ ഘ​ട്ട​ങ്ങ​ളി​ൽ ഉ​പ​യോ​ഗി​ക്കാ​ൻ കൃ​ഷി​യി​ട​ത്തി​ൽ ചെ​റി​യ കു​ള​വും സ​ജ്ജ​മാ​ക്കി​യി​രി​ക്കു​ന്നു.