മരട്: ഓപ്പറേഷൻ വാഹിനി പദ്ധതി പ്രകാരം നെട്ടൂർ ചന്തത്തോട് ശുചീകരണമാരംഭിച്ചു. ജലവാഹന ശേഷിയും നീരൊഴുക്കും ഉറപ്പാക്കാനായി നഗരസഭയുടെ നിർദ്ദേശമനുസരിച്ച് മൈനർ ഇറിഗേഷൻ വകുപ്പിന്റെ നേതൃത്വത്തിലാണ് ശുചീകരണ പ്രവർത്തനങ്ങൾ നടക്കുന്നത്.
മൈനർ ഇറിഗേഷൻ വകുപ്പ് എക്സിക്യൂട്ടീവ് എൻജിനീയർ സി. ശ്രീകുമാർ, അസിസ്റ്റന്റ് എക്സിക്യൂട്ടീവ് എൻജിനീയർ കെ.സി. മനോജ് , അസി.എൻജിനീയർ മേരി സജിനി എന്നിവരുടെ നേതൃത്വത്തിലാണ് പ്രവർത്തനങ്ങൾ നടക്കുന്നത്. നഗരസഭ ചെയർമാൻ ആന്റണി ആശാംപറമ്പിന്റെ നേതൃത്വത്തിൽ കൗൺസിലർമാർ സ്ഥലം സന്ദർശിച്ച് സ്ഥിതിഗതികൾ വിലയിരുത്തി.