ഗാ​നഗ​ന്ധ​ർ​വ​ന്‍റെ ആ​ദ്യ​ഗാ​ന​ത്തി​ന് അ​ഭ്ര​പാ​ളി​യി​ൽ ചുണ്ടനക്കിയ ആ​ന്‍റി ജോ​സി​നെ അനുസ്മരിക്കുന്നു
Monday, July 15, 2024 4:09 AM IST
ബോ​ബ​ൻ ബി. ​കി​ഴ​ക്കേ​ത്ത​റ‌

ആ​ലു​വ: ഗാ​ന​ഗ​ന്ധ​ർ​വ​ൻ കെ.​ജെ. യേ​ശു​ദാ​സി​ന്‍റെ ആ​ദ്യ​ഗാ​ന​ത്തി​ന് അ​ഭ്ര​പാ​ളി​യി​ൽ ചു​ണ്ട​ന​ക്കി​യ ആ​ലു​വ​ക്കാ​ര​ന് ആ​ദ​രം അ​ർ​പ്പി​ക്കാ​ൻ പു​തു​ത​ല​മു​റ ഗാ​യ​ക​ർ ഒ​ത്തു​ചേ​രു​ന്നു. 25 വ​ർ​ഷം മു​മ്പ് വി​ട​വാ​ങ്ങി​യ, യേ​ശു​ദാ​സി​ന്‍റെ ഉ​റ്റ സു​ഹൃ​ത്തും സം​ഗീ​ത​ജ്ഞ​നു​മാ​യ ആ​ലു​വ പു​ളി​ക്ക​ൽ വീ​ട്ടി​ൽ ആ​ന്‍റി ജോ​സി​നെ അ​നു​സ്മ​രി​ക്കാ​ൻ ആ​ലു​വ​ക്കാ​ർ ഓ​ഗ​സ്റ്റ് 10ന് ​ഒ​ത്തു​ചേ​രും.

യേ​ശു​ദാ​സ് ആ​ദ്യ​മാ​യി പി​ന്ന​ണി​ഗാ​നം പാ​ടി​യ 'കാ​ൽ​പ്പാ​ടു​ക​ൾ ' എ​ന്ന സി​നി​മ​യി​ൽ നാ​രാ​യ​ണ​ഗു​രു​വി​ന്‍റെ ശി​ഷ്യ​നാ​യ 'സു​ബ്ര​ഹ്മ​ണ്യ​ൻ' എ​ന്ന ക​ഥാ​പാ​ത്ര​മാ​യി വേ​ഷ​മി​ട്ട് പാ​ടി അ​ഭി​ന​യി​ക്കാ​ൻ ആ​ന്‍റി ജോ​സി​നെ സം​വി​ധാ​യ​ക​ൻ കെ.​എ​സ്. ആ​ന്‍റ​ണി​യാ​ണ് നി​ർ​ബ​ന്ധി​ച്ച​ത്. "ജാ​തി​ഭേ​ദം മ​ത​ദ്വേ​ഷം "എ​ന്ന നാ​ലു​വ​രി ഗാ​ന​ത്തി​നാ​ണ് ആ​ന്‍റി ജോ​സ് ചു​ണ്ട​ന​ക്കി​യ​ത്.

ഗാ​ന​ഗ​ന്ധ​ർ​വ​ൻ യേ​ശു​ദാ​സും ആ​ന്‍റി ജോ​സും ഒ​രേ സ​മ​യ​ത്താ​ണ് മ​ദ്രാ​സി​ലേ​ക്ക് എ​ത്തു​ന്ന​ത്. കെ.​എ​സ്. ആ​ന്‍റ​ണി​യു​ടെ ക്ഷ​ണ​പ്ര​കാ​ര​മാ​ണ് ആ​ന്‍റി ജോ​സ് മ​ദ്രാ​സി​ലേ​ക്ക് വ​രു​ന്ന​ത്. തു​ട​ർ​ന്നാ​ണ് 'കാ​ൽ​പ്പാ​ടു​ക​ളി​ൽ ' അ​ഭി​ന​യി​ക്കു​ന്ന​ത്. ഇ​രു​വ​രും ഒ​രു​മി​ച്ച് സ​ഹി​ച്ച ക​ഷ്ട​പ്പാ​ടു​ക​ളു​ടെ ക​ഥ യേ​ശു​ദാ​സ് ത​ന്നെ ആ​ലു​വ​യി​ല​ട​ക്കം പ​ല വേ​ദി​ക​ളി​ലും പ​ങ്കു​വ​ച്ചി​ട്ടു​ണ്ട്.

യേ​ശു​ദാ​സ് ഗാ​നലോ​ക​ത്ത് അ​തു​ല്യ​നാ​യ​പ്പോ​ൾ ക്രി​സ്തീ​യ ഗാ​ന​ശാ​ഖ​യെ സ​മ്പ​ന്ന​മാ​ക്കു​ക​യെ​ന്ന നി​യോ​ഗ​മാ​ണ് ഹാ​ർ​മോ​ണി​സ്റ്റ് കൂ​ടി​യാ​യ ആ​ന്‍റി ജോ​സ് ഏ​റ്റെ​ടു​ത്ത​ത്. ചെ​ട്ടി​ക്കാ​ട് സെ​ന്‍റ് ആ​ന്‍റ​ണീ​സ് തീ​ർ​ഥാ​ട​ന​കേ​ന്ദ്ര​ത്തി​ൽ ദീ​ർ​ഘ​കാ​ലം പ്ര​വ​ർ​ത്തി​ച്ച​തോ​ടെ ക്രി​സ്തീ​യ ഗാ​ന​രം​ഗ​ത്തു പ്ര​ശ​സ്തി നേ​ടി. നൂ​റു​ക​ണ​ക്കി​ന് നാ​ട​ക, ല​ളി​ത, ക്രി​സ്തീ​യ ഗാ​ന​ങ്ങ​ൾ ര​ചി​ക്കു​ക​യും സം​ഗീ​തം ന​ൽ​കി ആ​ല​പി​ക്കു​ക​യും ചെ​യ്തു.


"ലോ​ക​ത്തി​ൻ പാ​പ​ങ്ങ​ൾ, ക​ർ​ത്താ​വെ ക​നി​യ​ണ​മേ, സ്വ​ർ​ഗ​ത്തി​ൽ വാ​ഴും "എ​ന്നി​ങ്ങ​നെ കു​ർ​ബാ​ന​യ്ക്ക് പാ​ടു​ന്ന പ​ല ഗാ​ന​ങ്ങ​ളും ആ​ന്‍റി ജോ​സ് സം​ഗീ​തം നി​ർ​വ​ഹി​ച്ച​വ​യാ​ണ്. ദി​വ്യ​ബ​ലി​ക്കു​ള്ള ഗാ​ന​ങ്ങ​ളും വി​ശു​ദ്ധ അ​ന്തോ​നീ​സി​ന്‍റെ ഗാ​ന​വും എ​ഴു​തി സം​ഗീ​തം ന​ൽ​കി. അ​ത് ആ​യി​ര​ങ്ങ​ളെ ആ​ക​ർ​ഷി​ച്ചു.

ആ​ന്‍റി ജോ​സ് മാ​തൃ​ഇ​ട​വ​ക​യാ​യ ആ​ലു​വ സെ​ന്‍റ് സേ​വ്യേ​ഴ്സ് പ​ള്ളി​യി​ലാ​ണ് ഗാ​യ​ക​നാ​യി അ​ര​ങ്ങേ​റ്റം കു​റി​ക്കു​ന്ന​ത്. ചു​ണ​ങ്ങം​വേ​ലി​യി​ലേ​ക്ക് താ​മ​സം മാ​റി​യ​പ്പോ​ൾ എ​ട്ടേ​ക്ക​ർ സെ​ന്‍റ് ജൂ​ഡ് ദേ​വാ​ല​യ​ത്തി​ൽ ക്വ​യ​ർ മാ​സ്റ്റ​റാ​യി. ആ ​കാ​ല​ത്താ​ണ് ആ​ന്‍റി ജോ​സി​നെ ആ​ദ​രി​ക്കാ​ൻ യേ​ശു​ദാ​സ് എ​ട്ടേ​ക്ക​ർ ദേ​വാ​ല​യ​ത്തി​ൽ എ​ത്തി അ​നു​ഭ​വ​ങ്ങ​ൾ പ​ങ്കു​വ​ച്ച​ത്. കാ​ഥി​ക​ൻ ക​ട​വൂ​ർ ബാ​ല​ന്‍റെ പാ​ട്ടു​കാ​ര​നും ഹാ​ർ​മോ​ണി​സ്റ്റു​മാ​യും ആ​ന്‍റി ജോ​സ് പ്ര​വ​ർ​ത്തി​ച്ചി​ട്ടു​ണ്ട്.

1999 ഫെ​ബ്രു​വ​രി 26 ന് ​ആ​ന്‍റി ജോ​സ് ഈ ​ലോ​ക​ത്തോ​ട് വി​ട പ​റ​ഞ്ഞു. അ​ദ്ദേ​ഹ​ത്തി​ന്‍റെ ഇ​രു​പ​ത്തി​യ​ഞ്ചാം ച​ര​മ വാ​ർ​ഷി​ക വേ​ള​യി​ലാ​ണ് മൂ​ത്ത മ​ക​നും സം​ഗീ​ത സം​വി​ധാ​യ​നു​മാ​യ ജി​ജു ആ​ന്‍റി​ജോ​സി​ന്‍റെ നേ​തൃ​ത്വ​ത്തി​ൽ ആ​ലു​വ​യി​ൽ പു​തു​ത​ല​മു​റ ഗാ​യ​ക​രു​ടെ ഒ​ത്തു​ചേ​ര​ൽ.