കോ​ട്ട​യം: പ്ര​ള​യ പ്ര​തി​രോ​ധ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി സം​സ്ഥാ​ന ദു​ര​ന്ത​നി​വാ​ര​ണ അ​ഥോ​റി​റ്റി​യും ജി​ല്ലാ ദു​ര​ന്തനി​വാ​ര​ണ അ​ഥോ​റി​റ്റി​യും കി​ല​യും സം​യു​ക്ത​മാ​യി ച​ങ്ങ​നാ​ശേ​രി ന​ഗ​ര​സ​ഭ​യി​ൽ മോ​ക്ഡ്രി​ൽ സം​ഘ​ടി​പ്പി​ച്ചു. ന​ഗ​ര​സ​ഭ​യി​ലെ ബോ​ട്ട് ജെ​ട്ടി​യു​ടെ സ​മീ​പ പ്ര​ദേ​ശ​ങ്ങ​ളാ​യ 31, 32 വാ​ർ​ഡു​ക​ളി​ലാ​ണ് മോ​ക്ഡ്രി​ൽ പ​രി​ശീ​ല​നം ന​ട​ത്തി​യ​ത്.

ജി​ല്ല​യി​ലെ ച​ങ്ങ​നാ​ശേ​രി ന​ഗ​ര​സ​ഭ, കു​റി​ച്ചി, വാ​ഴ​പ്പ​ള്ളി, പാ​യി​പ്പാ​ട്, തൃ​ക്കൊ​ടി​ത്താ​നം, മാ​ട​പ്പ​ള്ളി, വാ​ക​ത്താ​നം, ക​റു​ക​ച്ചാ​ൽ, വാ​ഴൂ​ർ, വെ​ള്ളാ​വൂ​ർ പ​ഞ്ചാ​യ​ത്തു​ക​ൾ എ​ന്നീ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളെ ഉ​ൾ​പ്പെ​ടു​ത്തി​യാ​ണ് മോ​ക്ഡ്രി​ൽ സം​ഘ​ടി​പ്പി​ച്ച​ത്. പോ​ലീ​സ്, അ​ഗ്‌​നി​ര​ക്ഷാ​സേ​ന, ആ​രോ​ഗ്യം, മോ​ട്ടോ​ർ വാ​ഹ​ന​വ​കു​പ്പ്, കെ​എ​സ്ഇ​ബി, കെ​എ​സ്ആ​ർ​ടി​സി എ​ന്നീ വ​കു​പ്പു​ക​ളു​ടെ ഏ​കോ​പ​ന​ത്തോ​ടെ​യാ​ണ് മോ​ക്ഡ്രി​ൽ ന​ട​ന്ന​ത്.

ച​ങ്ങ​നാ​ശേ​രി എ​സ്എ​ച്ച്ഒ ബി. ​വി​നോ​ദ് കു​മാ​ർ ഓ​ൺ​സൈ​റ്റ് ഇ​ൻ​സി​ഡ​ന്‍റ് ക​മാ​ൻ​ഡ​റാ​യി പ്ര​വ​ർ​ത്തി​ച്ചു. അ​വ​ലോ​ക​നയോ​ഗ​ത്തി​ൽ ച​ങ്ങ​നാ​ശേ​രി ന​ഗ​ര​സ​ഭാ വൈ​സ് ചെ​യ​ർ​പേ​ഴ്സ​ൺ മാ​ത്യൂ​സ് ജോ​ർ​ജ്, ത​ഹ​സി​ൽ​ദാ​ർ പി.​ഡി. സു​രേ​ഷ് കു​മാ​ർ, ഫ​യ​ർ ആ​ൻ​ഡ് റെ​സ്‌​ക്യൂ ഓ​ഫീ​സ​ർ അ​നൂ​പ് ര​വീ​ന്ദ്ര​ൻ എ​ന്നി​വ​ർ പ​ങ്കെ​ടു​ത്തു.