മുറപോലെ പ്രഖ്യാപനം... മാടപ്പള്ളി ബ്ലോക്ക് പഞ്ചായത്തും ഇനി മാലിന്യമുക്തം
1539612
Friday, April 4, 2025 7:15 AM IST
മാടപ്പള്ളി: മാടപ്പള്ളി ബ്ലോക്ക് പഞ്ചായത്തിനെ മാലിന്യമുക്ത ശുചിത്വ ബ്ലോക്ക് പഞ്ചായത്തായി പ്രഖ്യാപിച്ചു. ബ്ലോക്ക് പഞ്ചായത്തിന് കീഴില്‍ വരുന്ന വാകത്താനം, വാഴപ്പള്ളി, തൃക്കൊടിത്താനം, പായിപ്പാട്, മാടപ്പള്ളി പഞ്ചായത്തുകളെ നേരത്തേ ശുചിത്വ പഞ്ചായത്തുകളായി പ്രഖ്യാപിച്ചിരുന്നു. ഇതേത്തുടര്‍ന്നാണ് ബ്ലോക്ക് തല പ്രഖ്യാപനം നടത്തിയത്.
പ്രഖ്യാപനത്തോടനുബന്ധിച്ച് മാടപ്പള്ളി ഭഗവതീ ക്ഷേത്ര പരിസരത്തു നിന്നാരംഭിച്ച ശുചിത്വസന്ദേശ റാലിയില്‍ പഞ്ചായത്ത് പ്രസിഡന്‍റുമാര്‍, ബ്ലോക്ക് പഞ്ചായത്തംഗങ്ങള്‍, മറ്റു ജനപ്രതിനിധികള്‍, ഹരിതകര്‍മ സേനാംഗങ്ങള്‍, കുടുംബശ്രീ പ്രവര്‍ത്തകര്‍, ഉദ്യോഗസ്ഥര്, പൊതുപ്രവര്‍ത്തകര്‍, രാഷ്‌ട്രീയകക്ഷി നേതാക്കള്‍, വിവിധ പഞ്ചായത്തംഗങ്ങള്‍, തൊഴിലുറപ്പ് തൊഴിലാളികള്‍, ആശാ വര്‍ക്കര്‍മാര്‍, മഹിളാ പ്രധാൻ എജന്‍റുമാര്‍ തുടങ്ങിയവർ പങ്കെടുത്ത റാലി ബ്ലോക്ക് പഞ്ചായത്ത് ഹാളില്‍ സമാപിച്ചു.
തുടര്‍ന്നു ചേര്‍ന്ന ശുചിത്വ പ്രഖ്യാപന സമ്മേളനം ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് എന്‍. രാജു അധ്യക്ഷത വഹിച്ചു. വൈസ് പ്രസിഡന്‍റ് സുനിതാ സുരേഷ്, ജില്ലാ പഞ്ചായത്ത് വികസനകാര്യ സ്ഥിരം സമിതി അധ്യക്ഷ മഞ്ജു സുജിത്ത്, വിവിധ പഞ്ചായത്ത് പ്രസിഡന്‍റുമാരായ കെ.ഡി. മോഹനന്‍, മണിയമ്മ രാജപ്പന്‍, ഗീതാ രാധാകൃഷ്ണന്‍, മോളി ജോസഫ്,
മിനി വിജയകുമാര്‍, ജില്ലാ പഞ്ചായത്തംഗം സുധ കുര്യന്‍, ബ്ലോക്ക് സ്ഥിരം സമിതി അധ്യക്ഷരായ ലൈസമ്മ ആന്‍റണി, സബിത ചെറിയാന്‍, ടി. രഞ്ജിത്ത്, ബ്ലോക്ക് പഞ്ചായത്തംഗങ്ങളായ വിനു ജോബ്, വര്‍ഗീസ് ആന്‍റണി, ബിന്ദു ജോസഫ്, ടീനാമോള്‍ റോബി, ബീന കുന്നത്ത്, സൈന തോമസ്, ബ്ലോക്ക് സെക്രട്ടറി കെ വിനോദ് എന്നിവര്‍ പ്രസംഗിച്ചു.
അവാര്‍ഡുകള്‍ പ്രഖ്യാപിച്ചു
മാടപ്പള്ളി ബ്ലോക്കിന് കീഴിലെ മികച്ച പഞ്ചായത്തിനുള്ള അവാര്‍ഡ് പായിപ്പാടിനും കുടുംബശ്രീ സിഡിഎസിനുള്ള അവാര്‍ഡ് പായിപ്പാട് കുടുംബശ്രീക്കും, മികച്ച ഹരിതകര്‍മ സേനയായി മാടപ്പള്ളി പഞ്ചായത്തും, മികച്ച സര്‍ക്കാര്‍ സ്ഥാപനത്തിന് വാഴപ്പള്ളി സര്‍ക്കാര്‍ ആയുര്‍വേദ ആശുപത്രിയും, മികച്ച സ്വകാര്യ സ്ഥാപനമായി ളായിക്കാട് മേരി റാണി പബ്ലിക് സ്‌കൂളും മികച്ച റെസിഡന്റ്സ് അസോസിയേനായി വാഴപ്പള്ളി വലിയകുളം റെസിഡന്റ്സ് അസോസിയേഷനും,
മികച്ച ഹരിത വായനശാലയ്ക്ക് പായിപ്പാട് വൈഎംഎ ലൈബ്രറിയും മികച്ച ഹരിത പൊതു ഇടമായി തൃക്കൊടിത്താനം കുന്നുംപുറവും, മികച്ച ഹരിത ടൗണായി വാകത്താനം ഞാലിയാകുഴിയും തെരഞ്ഞെടുക്കപ്പെട്ടു.