വൈ​ക്കം: ഫ്രാ​ൻ​സി​സ് ജോ​ർ​ജ് എം പി കേ​ന്ദ്ര പ​ദ്ധ​തി​യി​ൽ​പ്പെ​ടു​ത്തി നി​ർമി​ക്കു​ന്ന പു​തി​യ ഹൈ​വേ വൈ​ക്കം സ​ത്യ​ഗ്ര​ഹ​ഭൂ​മി​ക​യു​മാ​യി ബ​ന്ധ​പ്പെ​ടു​ത്തി​വേ​ണ​മെ​ന്ന് കേ​ര​ള കോ​ൺ​ഗ്ര​സ് വൈ​ക്കം നി​യോ​ജ​ക​മ​ണ്ഡ​ലം ക​മ്മ​ിറ്റി എംപി​ക്കു ന​ൽ​കി​യ നി​വേ​ദ​ന​ത്തി​ൽ ആ​വ​ശ്യ​പ്പെ​ട്ടു. വൈ​ക്ക​വു​മാ​യി​ ഈ പു​തി​യ റോ​ഡി​നെ ബ​ന്ധി​പ്പി​ച്ചാ​ൽ വൈ​ക്ക​ത്തി​ന്‍റെ മു​ഖഛാ​യ മാ​റുന്ന ഒ​ന്നാ​യി​ത്തീ​രു​മെ​ന്നും ക​മ്മ​ിറ്റി നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടി.

ഫ്രാ​ൻ​സി​സ് ജോ​ർ​ജ് എംപി കേ​ന്ദ്ര മ​ന്ത്രി നി​തി​ൻ ഗ​ഡ്ക​രി​യു​മാ​യി ന​ട​ത്തി​യ ച​ർ​ച്ച​യെ​ത്തു​ട​ർ​ന്ന് അ​നു​വ​ദി​ച്ച കോ​ട്ട​യം-​കു​മ​ര​കം -വെ​ച്ചൂ​ർ - ത​ണ്ണീ​ർ​മു​ക്കം - മു​ഹ​മ്മവ​ഴി ദേശീയപാത എ​ന്ന ഇ​ട​നാ​ഴി വെ​ച്ചൂ​രി​ൽനി​ന്നു വൈ​ക്കം സ​ത്യ​ഗ്ര​ഹ സ​മ​ര​ഭൂ​മി​യി​ലൂ​ടെ നേ​രേ​ക​ട​വ്, തൈ​ക്കാ​ട്ടു​ശേ​രി വ​ഴി തു​റ​വൂ​ർ എ​ൻ​എ​ച്ച് 66ൽ ​എ​ത്തി​ക്ക​ണ​മെ​ന്നും അ​തു​വ​ഴി വൈ​ക്ക​ത്ത് ഒ​രു വി​ക​സ​ന​ക്കു​തി​പ്പു​ണ്ടാ​ക്കാ​ൻ സാ​ധി​ക്കു​മെ​ന്നും ക​മ്മ​ിറ്റി അ​ഭി​പ്രാ​യ​പ്പെ​ട്ടു.

കോട്ട​യ​ത്തു​നി​ന്ന് ആ​രം​ഭി​ക്കു​ന്ന റോ​ഡ് കു​മ​ര​കം, വെ​ച്ചൂ​ർ, വൈ​ക്കം, ഉ​ദ​യ​നാ​പു​രം, നേ​രേക​ട​വ്, തൈ​ക്കാ​ട്ടു​ശേ​രി വ​ഴി തു​റ​വൂ​രി​ൽ എ​ത്തി​ച്ച് ഹൈ​വേ​യു​മാ​യി ബ​ന്ധി​പ്പി​ക്ക​ണ​മെന്നാ​ണ് കേ​ര​ള കോ​ൺ​ഗ്ര​സ് എംപിക്കു ​ന​ൽ​കി​യ നി​വേ​ദ​ന​ത്തി​ൽ ആ​വ​ശ്യ​പ്പെ​ട്ടി​രി​ക്കു​ന്ന​ത്.

ഇ​പ്പോ​ൾ നി​ർ​ദേശി​ച്ചി​രി​ക്കു​ന്ന കോ​ട്ട​യം-​കു​മ​ര​കം - വെ​ച്ചൂ​ർ - ബ​ണ്ടു റോ​ഡ് - ത​ണ്ണീ​ർ​മു​ക്കം - മു​ഹ​മ്മവ​ഴി എ​ൻഎ​ച്ച് 66ൽ ​എ​ത്തു​ന്ന​തി​ന് ദൂ​ര​ക്കൂ​ടു​ത​ൽ ഉ​ള്ള​തി​നാ​ൽ വൈ​ക്കംവ​ഴി നി​ർ​ദേ​ശി​ച്ചി​രി​ക്കു​ന്ന റോ​ഡ് പ​രി​ഗ​ണി​ച്ച് കേ​ന്ദ്രസം​ഘം പ​രി​ശോ​ധ​ന​യ്ക്ക് എ​ത്തു​മ്പോ​ൾ അ​വ​രെ കാ​ര്യ​ങ്ങ​ൾ ബോ​ധ്യ​പ്പെ​ടു​ത്താ​നാ​കും.

കേ​ര​ളകോ​ൺ​ഗ്ര​സ് വൈ​ക്കം നി​യോ​ജ​ക മ​ണ്ഡ​ലം ക​മ്മ​ിറ്റി പ്ര​സി​ഡ​ന്‍റ് പോ​ൾ​സ​ൺ ജോ​സ​ഫി​ന്‍റെ അ​ധ്യ​ക്ഷ​ത​യി​ൽ ന​ട​ന്ന യോ​ഗ​ത്തി​ൽ അ​ഡ്വ. ജയിം​സ് ക​ട​വ​ൻ, സി​റി​ൾ ജോ​സ​ഫ്, ത​ങ്ക​മ്മ​ വ​ർ​ഗീ​സ്, പി.​എ​ൻ.​ ശി​വ​ൻ​കു​ട്ടി, വി.​എം.​ ഷാ​ജി, പി.​എ.​ ഷാ​ജി, ജോ​ൺ വ​ള​വ​ത്ത്, തോ​മ​സ് നാ​ല്പ​തു​ത്ത​റ, ബി​ജു രാ​ഘ​വ​ൻ, ജോ​യി മ​ണ്ണ​ച്ചി​റ, സി​ന്ധു സ​ജീ​വ​ൻ, ജോ​യി കൊ​ച്ചാ​നാ​പ്പ​റ​മ്പി​ൽ, കെ.​സി. തോ​മ​സ്, കെ.​എ​സ്. ബി​ജു മോ​ൻ, ബി​ജു മൂ​ഴി​യി​ൽ, ശ​ക്തി​ധ​ര​ൻ നാ​യ​ർ തു​ട​ങ്ങി​യ​വ​ർ പ​ങ്കെ​ടു​ത്തു.

നി​യോ​ജ​ക മ​ണ്ഡ​ലം ക​മ്മ​ിറ്റി ചൂ​ണ്ടി​ക്കാ​ണി​ച്ച നി​ർ​ദേ​ശ​ങ്ങ​ൾ കേ​ന്ദ്ര സം​ഘ​ത്തി​ന്‍റെ ശ്ര​ദ്ധ​യി​ൽ​പ്പെ​ടു​ത്താ​മെ​ന്ന് എം​പി ഉ​റ​പ്പു ന​ൽ​കി.